فضفضة لأصحاب نوبات الهلع

اللهم امين اختي ياسمين
سررت بمعرفتك . بارك الله فيك
هل انت ايضا عندك معانات مع نوبات ؟؟

وفيك بارك الله اخي مهدي نعم اصبت باول نوبة هلع اليوم الذي قبل عيد الاضحى تقريبا شي شهر دابا تصور اخويا مبقيت كنقدر حتى ناكل الوسواس هلكني

هههه واختي ياسمين انتي غي من العيد الكبير انا راه من 12 سنة تقريبا ولكن كاتجيني متفرقة وتعايشت معها لكن منذ 3 اشهر زادت حدة النوبة و ما بغاتش تبعد مني . من قبل ما نعرف المرض تعدبت و تمحنت لكن ملي قريت عليه صافي ولى عندي عادي كتجيني النوبة كل مرة فالعام وما تفوت ايام معدودة لكن هاد المرة طولات فيا
يارب الشفاء لي ولك اختي ولجميع المسلمين يارب

اللهم امين يارب واش عمرك مشيتي عند شي طبيب نفساني

اه فعلا الى عرفتي نوع المرض اللي عندك وشفتي ناس اخرين عندهم نفس الاعراض ديالك كترتاح واحد شويا ماشي بحال الاول كتبقى مخلوع ومشطون

لا اختي عمري ما مشيت لطبيب نفساني
لكن نقدر نمشي عندو ايلا طولات فيا ما زال
ولو اني حائر . شي يقول مزيان والاخر يقول العكس

المشكل هو انك كتولي مدمن على ديك الادوية ويلا قطعتيها كترجع كيف كنتي هادشي اللي سمعت حتى انا معمري شفت شي طبيب نفساني احسن حاجة هي الدعاء والتضرع لله والصدقة الله يفرج علينا جميعا
قوليا خويا مهدي كيفاش قدرتي تكمل دراستك مع هاد نوبات الهلع انا مبقيت كنقدر حتى نخرج من الدار

وي بصح الادوية هي لي خلاتني متردد ع الطبيب
فيما يخص الدراسة للاسف من نهار وقعات لي الحادثة انقطعت عليها . اختي ياسمين ايلا كنتي تقراي كملي اختي دراستك وتغلبي على هادشي مرض تافه وماشي خطير . غير الشيطان الله يلعنو يتخيل لنا اننا عندنا مرض خطير و نبقاو نفكرو فيه و نخافو
يارب تفرجها علينا

الله يشافينا جميعا اخويا مهدي ويفرج همنا مانكدبش عليك حتى الماكلة مابقات كدوز ليا ماخصني غير القراية هههه انا راه بقوة الخلعة والوسواس شعري مابقيت كنمشطو هادي هيا الحقيقة

كتفكريني ف ايامي الاولى ملي بدى فيا هادشي
انا متأكد غادي تغلبي و ف نفس الوقت تعايشي معه
داكشي من عند الله مرة مرة تبقى تنزل عليك واحد الراحة و الطمأنينة وغادي تكوني عادية وتبقاي تفكري المعانات لي كانت فيك تبقاي غي تضحكي ومن بعد ملي ترجع لك غادي تكون عندك تجربة كيفاش تعاملي معها . اختي ياسمين هادشي لي كنقولك والله العظيم ايلا تحربة من عندي شخصيا
بقاي تخرجي مع الاصدقاء باش ترتاحي شوية

فعلا البداية هي اللي صعيبة انا مزال متأقلمتش مع الوضع وبصراحة راه صعيييب وصعيب بزاف تكون عايش عادي حتى تولي مريض بالهلع والوسواس كنحس براسي تبدل عليا

نعم عندك الصح البداية هي لي صعيبة
وان شاء الله بعد تأقلم مع المرض غادي تولي عندك الامور عادية
و يارب تشافينا وتعافينا منه

اللهم امين اخي الكريم مهدي تشرفت بيك اول مغربي ولد البلاد نتكلم معاه فهاد الملتقى

على الرحب و السعة اختي
اي حاجة بغيتي تعرفيها انا معك
كتبيها هنا او راسليني
الله يشافيك اختي ويشافي مرضى المسلمين

بارك الله فيك اخي الكريم الله يكتر خيرك اميين يارب اللهم اشفنا جميعا