الاستاذ ابراهيم الدريعي الله يخليك محتاجه مساعدتك

ابنتي / مارية 00000000000000وفقها الله

بالعكس أنت لم تأخذي وقتي ، فالحديث معك ممتع وشيق ، وأنا استفدت كثيرا من هذه المناقشة ، وعسى أن أكون قدمت شيئا مفيدا لك ، هذا ما أتمناه ، وأنا في الخدمة وشكرالك.

السلام عليكم دكتور ابراهيم
أدري مليت من مشكلتي بس شسوي مالي الا الله ثم انت
انا اليوم يايتك وبقولك على شي
بصراحه انا من حملت معاملة ريلي تغيرت معاي يعني تقدر تقول صارت للاحسن شوي
مايزف نفس أول ما يعصب يعني الحمد لله أحس انه نقطه حلوة صارت بحياتي
بس بصراحه من ناحية النت للحين ومن ناحية التلفون هم أتوقع لي باجر
وبصراحه ريلي اهو اللي يركض وراهم اهو لو صج يبي بيته ما يفكر ان يكلم البنات بالنت لا ويعطيهم رقمه بعد
المهم انا بقولك سالفه وبعدين بستشيرك في شي
اليوم الصبح رن التلفون بحكم ان احنا بأمريكا الوقت يفرق عندنا الساعه 11 الصبح وبالكويت الساعه 8 المهم رن أول مره ماشاله وثاني مره ماشاله وبعدين مسح الرقم
بيني وبينك اهو ما يعرف على سالفة السجل العام ان هذا السجل يطلع كل شي صار بالتلفون وأول ما قام أخذت تلفونه ودخلت على السجل العام وشفت رقم لاول مره أشوف لا وبكل وقاحه حاط الاسم بالانجليزي fai المهم خزنت الرقم وهذا الرقم يعتبر للحين الرقم 19 اللي مخزنتهم في جوالي المهم هذه اهي السالفه
فكرت أتصل وأسمع صوتها بعدين قلت ليش أقهر عمري خليه بعدين ييت أنت في بالي وقلت لازم أستشيرك
انت برايك أبين له اني قريت الاسم وأدري ان سوالفه بهالدنيا بنات وبس ولا أطنش وأسوي نفسي مادري عن شي ابي رايك
يعني دايما يقولون لاتبينيين حق زوجج انج تعرفين بسوالفه
بعدين يلعب عالمكشوف جدامج
وبعضهم يقولون لا بينيله انج تدرين علشان يحسب لج ألف حساب
انت شرايك
والله تعبت من هالسالفه كل يوم بعد كل صلاة أرفع ايدي وأقول ياربي تهديه بس أحس الشيطان مسيطر عليه والله مادري شسوي حتى نفسيتي تعبت
ادري أذيتك بس اعتبرني والله مالي غير ربي ثم انت

اختي / مارية المحترمة

أنافي الحقيقة لم أمل من كثرة عرضك لمشكلتك ، ويسعدني ذلك كثيرا لأني أحس أنك تعبرين عن معاناتك ، وهذا من قبيل التنفيس الإنفعالي ، وأنا شخصيا استفدت كثيرا منك ، ولي الشرف في التعرف على معاناتك , ارجو أني استطعت تقديم الخدمة التي ترضيك والله يحفظك يرعاك 000

مرحبا استاذ ابراهيم
انا سألت سؤال بس انت ماعطيتني جواب انا راح أرد أنسخ السؤال

انت برايك أبين له اني أدري ان سوالفه بهالدنيا بنات وبس ولا أطنش وأسوي نفسي مادري عن شي ابي رايك
يعني دايما يقولون لاتبينيين حق زوجج انج تعرفين بسوالفه
بعدين يلعب عالمكشوف جدامج
وبعضهم يقولون لا بينيله انج تدرين علشان يحسب لج ألف حساب
انت شرايك
وشكووووووووووووور مقدما

استاذ ابراهيم مارديت على سؤالي؟؟؟؟
أتمنى تفيدني

	ابنتي /ماريه ............... سلمها الله انت من حقك ان تعرفي كل شئ عن زوجك كما انه ينبغي ان يعرف كل شئ عنك فالمصارحه والمكاشفه ضروريه بين الزوجين فالحياة الزوجيه لاتقوم على الخداع والغموض فينبغي ان تكون اسسها قويمه لتستمر وتدوم ومسألة ابلاغه بانك على علم بما حصلت عليه من معلومات سرية ينبغي ان يعرف ذلك هو ايضا ولكن في جو يسوده الهدوء وعدم المشاجره وينبغي لكما ان تتفقا على حل يريحك ويريحه وهذا هو افضل اسلوب يتبعه النفسانيون في حل المشكلات . والله يحفظك.........