أرجو شــــويه من الاهتــــــام يا دكاتره

أرجو شــــويه من الاهتــــــام يا دكاتره

الســــــــــلام عليكـــــــــــــم

صبـــــــــاح الخيــــــر ان شاء الله

والله موب عارف ابدأ المشكله من وين لكن راح ابدأ من بداية المشكله أللي تلا بعدها مشاكل عديده ......... انا شاب عمري 32 بدت مشكلتي مع انها ماكنت مشكله كوني شاب فاشل اعتقد يعاني من الفشل والعطاله شباب كثير في السعوديه لكن هذا الشي كان متعبني نفسي تقريبا كان قاضي على 99.9 من نفسيتي لكن ما كنت اروح او محتاج اروح لدكتور نفساني لاني كنت شايفه شي طبيعي لكن كنت وقتها اخرج واروح اي مكان انا ابي لكن بعد هذا تعرضت لصدمه قويه قويه وما كنت ناقصها كانت كبيره هذي الصدمه على استيعابي اثر هذي الصدمه تجيني نوبات انا اعتبرها موجات احتضار وفعلا يوم تنتابني اقول هذا يومي ولوما الله وحبوب مهدئه عطانيها الدكتور اسم هذا المهدئ Rivotril وفعلا ه>ا الدواء لولا الله ثم هو كان على القليله انشليت او ودعت ما علينا طبعا في هذا الاثناء كنت اروح واطلع واخرج من منطقه لمنطقه عادي معلومه الحاله تجي احيانا وانا مبسوط في وسط اهلي وجماعتي من غير اي مقدمااات الموضوع تطور يوم خرجت السووق وثارت علي الحاله وتطحت في السووق لان ما كان معي الدواء هذا
وبعد اليوم هذا صرت ما عاد اخرج ابد ابد ابد او ب الاحرى ما اقدر اخرج حتى الصلاه ما اصلي الا في البيت ........ طبعا انا يأست من هذا المرض يروح سواء النوباات اللي تجيني او الفوبيا تبع الخروج ....... حتى دكتوري ما اتواصل معه الا عن طريق المراسله وهو يوم اشوف وجه قبل لا تتبع المشكله فوبيا الخروج او رهاب الخروج لا ينبأ بخير

خلاصة كلام الدكتور انت مافيك شي وما راح اكتبلك الا المهدئ هذا وانا ما اخذه الا هو

ما علينا من كل الكلام اللي فات ........ المهم عندي ابي اعرف الصدمه القويه اللي اخذتها بعد الحاله النفسه اللي كانت تعبانه هل هو عطب في الدماغ يستلزم هذي الحبوب المهدئه او شي اقدر اتخطاه عادي وفوبيا او رهاب الخروج على فكره رهاب الخروج يجيني بحالة سرعة ضرباات القلب مع العقل يفكر بقوه من غير كنترول يعني احس يوم احاول اخرج اني راح انشل لاني اقعد اتنافض بسبب تهيج الاعصااب حتى راسي يقعد يهتز

ارجوا افادتي ب الاستشاره معلومه

المصدر: نفساني

منتدى نفسيه ومافيه دخاتره امحق

ما ادري اخواني محد رد علي ...... شكلي في المنتدى الخطأ

ابي استشاره والله ما عاد ادري ايش اسوي جربت كل الطرق ودقيت كل الأبواب

اخي كل الابواب دقيتها وباب نفساني دقيته وتبي عبر النت مشكلتك تنتهي بسرعة /خلاصة كلام الدكتور انت مافيك شي وما راح اكتبلك الا المهدئ هذا وانا ما اخذه الا هو / كيف يا اخوي ما فيك شيء وهو كاتب لك ادوية لاجل تخفف توتراتك والادوية اللي تاخذها الآن علاج والي تحتاج له تزور اخصائي نفسي لتتعلم وتفهم افكارك التي تجعلك في خوفك وتمنعك من الخروج / وبالنسبة للصدمة الي تقول لم تذكرها وتعتمد على نوعيتها وطبيعتها واكيد الصدمات التي يتعرض لها الانسان تؤثر عليه
والحبوب صرفها الطبيب لقلقك وتوترك..
ودمت بخير

للاسف كنت اتوقع هذا الكلام ......... واعتقد راح اعيش على المهدئ طول عمري اصلا في دكتور صاحي يكتب مهدئ ك علاج .... الحمد الله والله المستعان

للاسف كنت اتوقع هذا الكلام ......... واعتقد راح اعيش على المهدئ طول عمري اصلا في دكتور صاحي يكتب مهدئ ك علاج .... الحمد الله والله المستعان ... حسبي الله وكفا سمع الله لمن دعاء ليس من وراء الله منتهى ...................

السلام عليكم ورحمة الله..

أتمنى أن تكون في أحسن حال..

أخوي حط في بالك انه ليس لداء الا وله دواء..وتأكد انة اذا حطيت في بالك انك راح

تعيش على المهدئ راح تعيش عليه..بس اذا حطيت في بالك انك راح تتركة بأرداتك

وقوة عزيمتك بس بستشارة طبيب راح تتركة بأذن الله..أجمع بين الدواء وبين الجلسات

النفسيه..ياخوي ياما ناس استخدموا العلاج لسنوات وتركوها بأرادتهم وعزيمتهم

لاتيأس أذهب الى الطبيب واجمع بين الطبيب وبين الاخصائي النفسي بمعنى الجمع بين

الدواء وبين الجلسات النفسيه..وانتبه لاتستخدم اي دواء او تتركة او تستدرجة الا بأشراف طبيب

ودمت بخير