|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
06-10-2013, 01:40 AM | #2 |
مستشار
|
سلامتك ي فجر
استهدي بالله وقولي اعوذ بالله من الشيطان الرجيم قومي توضي حبيبتي وصلي ركعتين وكوني على يقين ان الفرج قريب تمنيت انك تكتبي لي تحسي بإيش من الناحية النفسية ضيق؟ مخنوقة؟ غم؟ والا قلق، خوف، رعب؟ اغلب كتاباتك الأخيرة تقولي احس بالجنون وضعف التركيز والتشتت اعتقد ان افضل شي ممكن نعمله في البداية هو انك تاخذي دوا مهدئ يساعد على النوم غالبا تحتاجي تنامي كثير كخطوة أولى اذا ماتقدري تكتبي لي شي الحين فمثل ماقلت لك، توضي وصلي ركعتين او فقط اسجدي لله وطولّي في السجود واستمري على التسبيح فقط، قد ماتقدري واذا عندك دوا زي ديباكين، كلي حبتين ابو 500 ملجم وبكرة نتكلم موافقة؟ واذا تقدري الحين اكتبي لي ولا يهمك، واعتذر لو تأخرت في الرد، النت عندي يعلّق |
|
06-10-2013, 03:19 AM | #3 |
( عضو دائم ولديه حصانه )
|
معليش يادكتور تاخرت بالرد عليك
نمت عندي دوام من الفجر اكيد هم وغم وضيييييقة وااحيان مااقدر اتنفس من بعد تطلقت العام وانا بخيرررررر لكن هالشهر اتعالج بالرفية واحس الاكتئاب رجع لي افكار الانتحار اضرب نفسي واولادي امشي بطريقة هسترية كاني مجنونة قبل شوي سمعت صوت رجال جنبي |
|
06-10-2013, 06:43 AM | #4 |
مستشار
|
صباح الورد عادي ي فجر ولا يهمك حتى انا تعبني النت أمس ، كان بطيء مرررة ويعلّق طيب حبيبتي انتي قلتي اكتئاب، وهم وغم وضيقة وحسب معلوماتي ان عندك اضطراب وجداني ثنائي، صحيح؟ وفهمت من كلامك انك حاليا ماتاخذي أدوية، وانك بس تتعالجي بالرقية، هل هذا صحيح؟ آخر مرة كنتي تاخذي فيها دوا متى؟ وايش كانت الأدوية، آخر أدوية استخدمتيها؟ وعلى ماأعتقد هو انك غالبا يجيكي اكتئاب وليس هوس، صحيح؟ وآخر مرة جاكي فيها نشاط زائد وقلة نوم وعصبية متى؟ مبدئيا ابغاكي تعرفي عدة اشياء: 1) ان شاء الله اعالجك علاج دوائي وغير دوائي. يعني مو بس ابغاكي تاخذي الدوا اللي اقول لك عليه، لا، راح اقول لك على افكار تساعدك على فهم الضيقة والعصبية اللي تيجيكي وكيف تسيطري عليها، على الضيق ويصير مايأثر فيكي تأثير مزعج 2) مهم الله يسعدك تلتزمي معاي بالدواء. علميني عن اي شي يضايقك من الدوا، ممكن اغير الجرعات او اغير الدوا او اوقف نوع أو اضيف نوع، بحيث يكون اكثر ملاءمة لك. ممكن اطلب منك تتحملي الدوا لفترة بسبب انه مافي حل غير اننا نستحمل الدوا لأنه ماله بديل او مثلا يكون مزعج في البداية وبعدين تختفي الاعراض المزعجة 3)انا متأكد انك استخدمتي انواع كثيرة من الادوية وبجرعات مختلفة ومابقى دوا الا جربتيه واعطوكي اكثر من دوا مع بعض لكن في شي كثير من الاطباء مايسووه وهو تغيير الدوا حتى لوجاب نتيجة او تغيير الجرعات، لأن الحالة النفسية ان تغيرت فمن المحتمل اننا نحتاج نغير الدوا حتى لو كان جيد، بهدف الوصول او الانتقال لحالة نفسية اخرى في طريقنا الى الحالة النفسية النهائية 4) الدوا ككل يعتبر عامل مساعد وليس الاساس. الاساس اللي تحتاجيه هو العلاج الفكري المعرفي. الدوا فيه واحد هو اللي ممكن يكون مهم وهو مثبت المزاج، اما باقي الادوية فهي عوامل مساعدة وبنغير فيها كثير وممكن نستغني عنها 5) الشفاءاو التحسن يحدث بالتدريج البطيء جدا، وغالبا ماراح تلاحظيه. فلا تستعجلي النتائج او تحاولي تتفحصيها وتشوفيها واضحة وملموسة. والتحسن اللي هدفنا نوصل له هو 60 بالمئة، يعني درجة مقبول. معنى هالكلام هو اننا نبغى نقبل بالقليل ولا نعتبره لاشيء ، هذي نقطة مهمة في البداية 6) التشاؤم هو عدونا الأكبر. صدقيني كثيرين مايمنع تحسن حالتهم الا التشاؤم. ماألومك مع طول المعاناة اللي عانيتيها وعدم تحسن حالتك لو تشاءمتي، لكن لابد اننا نغير الوضع، ولايمكن نغير مع التشاؤم 7)المرض اللي عندك وأغلب الامراض النفسية هي امراض مزمنة، تتحسن وتسوء بدرجات مختلفة ومعنى هالكلام هو انه مافي شي اسمه شفاء نهائي او شفاء كامل، وانما هدفنا هو اننا نكون اقرب للطبيعي واقرب للراحة النفسية وأقرب للقدرة على التعايش مع التعب النفسي. الحياة ي فجر مليئة بالمعاناة والآلام والتعب. والسعيد فيها هو مو اللي ماعنده معاناة ولا آلام ولا تعب، لا، السعيد هو اللي يقدر يتعايش مع المعاناة والألم والتعب ومايخليها تعيقه. طبعا هذا يتطلب اننا نجعل نخفف من المعاناة قد مانقدر لكن مانطلب منها انها تكون خفيفة او بسيطة او غير موجودة. تذكري ان في ناس عندهم معاناة لايمكن تصور اننا نقدر نتحملها زي المعاقين واللي تعرضوا لتعذيب في السجون، ومع ذلك ماأعاقتهم عن انهم يتعايشوا ومايشعروا الا بالقليل من الالم. يالله حبيبتي جاوبي لي ع الأسألة اللي في البداية، وانا بانتظارك
وتابعي معي الله يسعدك ويوفقك |
|
06-10-2013, 06:46 AM | #5 |
مستشار
|
نسيت أقول لك خذي راحتك لو مشغولة، الى ما تلاقي فرصة
واعذريني لو تأخرت عليكي لأني مناوب في مكة علشان الحج وممكن انشغل في اي وقت |
|
06-10-2013, 07:32 AM | #7 | |
( عضو دائم ولديه حصانه )
|
اقتباس:
من عيوني اجاوبك على كل اسئلتك واتابع معك في كل العلاج لكن ارجوك بشرح لك نقطة العلاج الدوائي انا مااقدر ارجع له ابدااااا لعدة اسباب منها - انا مطلقة وبالقوة اقدر اوفر اكل اولادي لان ماعندي احد مسئول عننهم فكيف تبغاني التزم بالدواء وانا ماعندي احد يوفره لي من الصيدلية بوقته -لا يمكن ابدا بالعلاج الدوائي بدون دعم معننوي من زوج يوقف معي ويساندني ويشجعننني ....ولهذا السبب اتعالج بالرفية حتى يتم موضوع زواجي اللي يتعطل من غير اسباب ظاهرة - انا تعبت لما تركت العلاج العام والسبب اني مااقدر اواضب على زيارات المستشفى مثل ماقلت لك ماعندي سواق اروح معه فاتمنى تتفهم وضعي قبل كل شيء ولك مني كل تقدير واحترام |
|
التعديل الأخير تم بواسطة يارب الفردوس ; 06-10-2013 الساعة 07:36 AM
|
06-10-2013, 07:38 AM | #8 | |
( عضو دائم ولديه حصانه )
|
اقتباس:
خذ راحتك وشوف عملك وربي يوفقك |
|
|
06-10-2013, 08:37 AM | #9 |
مستشار
|
آمين ، ربي يسعدك ي فجر ويوفقك دنيا وآخرة
مو عارف ايش اقول لك بصراحة، لأن الدوا ممكن نحتاجه لو عند اللزوم طيب انتي مخطوبة؟ بتتزوجي عن قريب؟ في جميع الأحوال أختي الكريمة اقدر أساعدك في توفير الدوا وتوصيله لك بالفيديكس وبدون اي تأخير وعلشان ماتقولي بتكلفي علي، الدوا من المستشفى مو مني وفي جميع الأحوال ممكن نجرب نعمل علاج فكري بدون دوا، بس بيكون صعب حسب علمي لأنك مثلا لو ماجاكي نوم كيف بأساعدك او بتساعدي نفسك بدون دوا؟ ولاحظي حبيبتي مابيكون أرق عادي زي اللي يجي للناس، لا، ممكن يكون ارق يمتد لأيام أنا أفضّل لو دوا واحد ع الأقل يساعدك على النوم ويقلل العصبية ويخفف الاكتئاب وهذا متوفر في دوا اسمه لاميكتال، فهل في مجال والا مافي؟ وفي كل الاحوال مافي اشكالية، نجرّب بدون دوا ونشوف بس اتمنى غاليتي انك تسأليني اسألي عن أي شي متعبك او مو لاقية له تفسير او نفسك تتعلميه وينفعك في هدوء نفسيتك خذي راحتك ي فجر، واكتبي اي شيء سواء كان استفسار او نقاش او فضفضة واعتبريني على طول معاكي |
التعديل الأخير تم بواسطة د.رعد الغامدي ; 06-10-2013 الساعة 08:41 AM
|
06-10-2013, 12:29 PM | #10 |
( عضو دائم ولديه حصانه )
|
الله يوفقك يادكتور ماتقصر
والان متقدم لي 2 بس مو عارفة ليش موضوع زواجي مايتم .... وبالنسبة للدواء خلينا ناجلة شوي الان نبدا علاج معرفي والله ييسر يادكتور |
|
06-10-2013, 04:02 PM | #11 |
( عضو دائم ولديه حصانه )
|
على فكرة يادكتور سبق واخذت اللاميكتال في بداية تعالجي بالادوية النفسية وكان من ضمن الادوية اللي مانفعت معي ولله الحمد
|
|
06-10-2013, 07:02 PM | #12 |
مستشار
|
الله يوفقك وييسر زواجك من أحسن الناس اللي يقدّرك ويوقف معاكي
طيب حبيبتي مو مشكلة يالله احكي لي ، ايش اللي تفكري فيه؟ ايش متاعبك الكبرى؟ كلميني عن الحيرة اللي تيجيكي او الأشيا الغلط اللي تشوفيها في الحياة او الناس التناقضات ، التصرفات الغلط، سواء تجاهك او تجاه الآخرين احكي لي عن مشاكل واجهتيها مع زوجك مثلا او صديقاتك او اهلك مشاكل متعلقة بسلوكهم او سلوكك معهم، سواء كنتي تشوفي الخلل عندهم او عندك تكلمي معي حبيبتي كإني صديقة لكي وقريبة من قلبك تشكي لها متاعبك يعني خذي راحتك ع الآخر، واعتبريني صديقة حافظة لأسرارك مهتمة بمشاعرك، قريبة من قلبك حريصة على التخفيف عنك ولا يمكن تسخر منك |
|
06-10-2013, 07:39 PM | #13 |
( عضو دائم ولديه حصانه )
|
الله يوفقك ويسعدك يادكتور رعد
ويارب ييسر زواجي ويصلح حالي ابشرك اليوم مرتاحة ولله الحمد يااااااارب تزيدني من فضلك وبما اني مرتاحة بقولك عن اشياء حلوة بصراحة انا انسانة فاعلة في المجتمع وداعية في عملي وجميع طالباتي يحبوني انصحهم واتكلم معهم مثل بنتي وفيه وحده من الامهات لما عرفت السنة هذي اني ادرس بنتها قامت تبارك لها وتدعي لي وجات المدرسة اخذتني على جنب وقامت تشكرني في تربيه بنتها ومااقدمه لها لانها شايفة تاثير ايجابي على سلوكها الاسبوع اللي راح وانا اشرح لهم انجلش قطعوا الدرس وقالوا لي Teacher , we love u كانت عبارتهم وسام على صدري ولازم اهتم فيهم واقرب اقرب لهم وبروح اجهز لهم اختبار بكرة :) اما المعقبات فهي المديرة للاسف مثل شخصية طليقي دقيقة في كل شيء وتحب الجداول والمواعيد مثله تعيد طباعة الورقة اللي كتبنا فيها احنا المعلمات بقلمين مختلفة حتى لو كانت ازرق بس تبغانا نكتب بنفس القلم ....كل المعلمات بنفس القلم والشيء اللي يعذبها اذا وقعنا خارج المستطيل ..... عاد تعال شوفني كيف اعاندها واخليها تعيد الورقة ولا اعتذر منها بعد اني ننسيت :) هي مثل طليقي يحبون ياخذون من الناس مايحبون يعطون حتى كان لي ميزانية خاصة تصرف لي عشان اسلمها الطالبات ماكانت تعطيني منها ريال المهم السنة هذي حاسة نفسي مو قادرة اتحمل شوفتها فضلا عن طلباتها للعمل اصبحت اعاندها وكل طلباتها اخلها فالدرج واقفل عليها لكن مايخص الطالبات اسعى مايكون فيه اي تقصيرررررر لاني احبهم وابي لهم الفايدة علميا وتربويا وللحديث بقية بالتاكيد |
|
06-10-2013, 07:47 PM | #14 |
( عضو دائم ولديه حصانه )
|
وعلى طاري التناقضات يادكتور مديرتنا هذي لها صديقة من المعلمات
تسمح لها تغيب وتسجيل امامنا غيابها لكن لما ترفع الغياب تحضرها ايام كثيرة واحنا مانقدر نغيب لانه لو بيدها حاسبتنا بالساعة مو بس باليوم علما بان صديقتها هذي كل اعذارها الطبية تزورها عندها بالسكنر وتجيب لها وكانها تقول لنا ياغبيات شوفوني غايبة بعذر بصراحة شيء يرفع الضغط اني اتحمل عملها في غيابها وفالمقابل المديرة ماتراعيني لو حصل لي اي ظرف خارج عن ارادتي |
|
06-10-2013, 10:32 PM | #15 |
مستشار
|
فديت قلبك أختي فجر
والله يبشرك بالخير ويزيدك من فضله :) والله ماتعرفي قد ايش انبسطت لما قلتي انك مرتاحة ولما قريت اللي كتبتيه وحسيت انك فعلا مرتاحة في كلامك وتعبيرك وماشاء الله تبارك الله، حلو اهتمامك بطالباتك واحساسك بالمسؤولية تجاههم والتوجه التربوي مو زي اكثر المعلمين والمعلمات مجرّد صورة وبدون اي حس تربوي وسبحان الله اللي يسوي خير ويعمل بأمانة يلقى خير وين ماراح وشوفي كيف كان شعور طالباتك وتعبيرهم لك بالحب وكيف هالشي ادخل عليكي السرور والشعور بالنجاح وترى كل الناس يحتاجوا يحسوا بثمرة اجتهادهم وتقدير الآخرين لها لكن مع كذا تفاجئي بناس ماتقدّر ولا تشجّع، بالعكس تلقيهم مصدر ازعاج وتحطيم ، حتى لو كانوا محايدين وأقصد ان القهر مو بس لو كانوا سيئين، لا، حتى لو كانوا ساكتين وما أثنوا وشجعوا الناجح كمان يقهرون وبكل الأحوال أقول لك ماعليكي من هالأشكال، وزين ماسويتي مع هالمديرة الفاشلة لو وحدة محترمة غلطت عليكي يحق لك تتضايقي لأنك بتقولي أكيد شافت شي غلط وعندها نظرة لكن تخيلي لو واحدة حيوانة او لئيمة او فاقدة العقل وتغلط عليكي، بالله بتشرهي عليها؟ بالعكس كلامها بيكون أي كلام ومالها الا انك تحقريها أنا معاكي في ان البلا لو كان هالشخص التافه مدير عليك او شريك حياة، لأن هالإنسان غالبا بيكون ما منه فكّة وممكن مايتركك في حالك. وهالناس قال فيهم الشاعر: ومِن نكدِ الدنيا على الحُرِّ أن يَرى عــدواً له ما مــن صـــداقـتــه بُـدُّ يعني غصبا عن الواحد لازم يصادقهم ومن الطبيعي انه يكون متنكد معاهم لكن الحل معاهم هو ممكن بأحد صورتين: يا تتعاملي معهم بمفهوم: لو كان لك حاجة عند الكلب قول له ياسيدي او تتعاملي معاهم بأصلك الطيب وتحتسبي أجرك والحماية منهم والتغلب عليهم عند الله ومن الله ووالله ومن واقع تجربة معي ومع ناس نصحتهم بهالطريقة انك في النهاية انتي الربحانة وانهم بينقلبوا من معاداة لك الى خجل من انفسهم واعتراف بأنك انتي الأطيب طبعا مو كلهم، في ناس الله يكرمك وسخين جدا جدا ولو ايش ماسويتي معاهم ماينفع ولا فيهم أي أمل لكن كمان ربي بينصرك عليهم وبيحميكي منهم وبيبعدهم عنك لأنهم اصلا مايستاهلون طيبتك مرة ثانية حبيبتي أقول فرّحتيني بالأشيا الحلوة اللي قلتيها ويارب تكون أحوالك كلها حلوة :) على فكرة، انتي فعلاً إسمك الحقيقي فجر؟ ومدرسة انجليزي لأي مرحلة؟ |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|