محتارة وقلقاااااانه!!!)!

محتارة وقلقاااااانه!!!)!

بسم الله الرحمن الرحيم


دكتوري الفاضل
انا متزوجه صارلي سنة
انا وزوجي نحب بعض والحمدالله
زوجي مو مقصر معي ابد والله الشاهد علي
ظروف عمل زوجي تتطلب انه يترك البيت من الظهر لحد الفجر وهذا الضغط يكون في فترة الصيف
بعد ستة شهور من زواجي الله اكرمني بحملي هذا
من بدا الصيف صار زوجي مضغوووط مره لدرجه انه اذا رجع يكون تعبااان ولا نقدر نجلس مع بعضنا كثيررر (انا مقدره انه تعبان ومضغووط)
بس كل هذا يهوون على حساب انه يبي يوفر لنا حياة كريمه
صح اني اتضايق في بعض المرات واقول بنفسي ليه زوجي مايكون معي حالي حال الحريم الباقين ((بس داايم كنت اهون على نفسي انه هو ماقاعد يلعب هو يدور رزقه))
طبعا كاااااااااان عيد زواجنا قبل كم اسبووع((وانا من اول العطله وانا اخطط واحوس وادور عشان اسوي له مفاجه حلووه ابيه ينبسط ويغير جو ؟))
قبل عيد زواجنا باسبوعين تقريبا وزجي راجع من الدوام وهو قايم يصلي الفجر رحت افتح جواله عشان اشوف ررسايله(لانه هذا الشي عادي بينا )
فتحت ثاني رساله الي كانت من ابووو فلانه(حاط اسم بنت؟)
قريت الرساله بغيت اموت مكتوب كلام من هووول صدمتي ما اتذكره مكتوب ياحياتي وحاط اسم زوجي وومكتوب اخررر الرساله اممووه))
هو اول ماشافني وجه تصفق قلت له لاتمسح المسج واخذ الجوال ومسح المسج((ما قدر يتكلم ولا كلمه
انا على طوول حسيت نفسي اني وحده قااعد ينلعب عليها رحت الحمام (تكرمون وقعدت اصيح يقولي افتحي الباب اقوله ما ابيك ما ابيك)
طلعت من الحمام وجا على اساس انه يهديني يبي يشرح لي (قالي انه هذا المسج من واحد هو ماكان مخزن رقمه وصاحب المسج راسل هذا المسج عشان يهبله)
والله ما دخلت السالفه بالي ابد((
قعد الشيطان يلعب براسي ليه بعض المرات اتصل عليه اشوفه انتظار؟ هو كل ما بغى يدخل الحمام ياخذ جواله؟في مره من المرات جاه اتصال الفجر تخيل طلع برى البيت قعد ساعه.. طيب كان قعد برى الغرفه على الاقل..وبعد ما خلص قالي انه في سالفه مع مديره بالشغل وقالي السالفه...
قلت له معليش ماتبي تكلم قدامي اطلع برى الغرفه مو برى البيت؟
قال طيب..
بعد فتره نفس الشي جاااااااااااااه اتصال قعد ربع ساعه
كلم بصاله ورجع...
كل هذي الاشياء خلتني اشك...)
انااااااااا والله العظيم احبه ولا ابي اخرب حياتي بس ممكن يكون هو يلعب علي...
قعد يقولي انتي شاكه فيني قلت لا ... وقعد يصيح
بعد السالفه بيوم كانو اهلي عندي ولا بينت قدامهم انه في شي
يوم صار من بكرى بعد ما راح الدووام ارسلت له مسج قلت له انه ودي ارووح اقعد عند اهلي كم يوم معليش؟؟(مع انه في الحقيقه ما ابي اروح)
اتصل علي وجلس يقولي ليه تبين تروحين ومدري ايش ومن هالكلام..
قلت له اني ابي ارووح كذا بس .. (حسيته انه خاف اني ارووح لبيت اهلي او اني اجيب طاري لهم انا اعرف اسلوبه(وخصوصا انه اهلي حاطين له مكانه عاليه عندهم )
قالي اذا رحتي ما ترجعين الا لما انا اقول ترجعين يعني مب بكيفك((
بعد هذي المكالمه ارسل لي مسج يقولي فيه انه يحبني وانه مايبي غيري وانه هو وش ذنبه بالمسج الي انا شفته بجواله واذا شاكه فيه هذا شي ثاني...وكاتب اخر المسج كلام مره حلوووووو
بعد هالمسج قعدت افكر وافكر...
مارحت لاهلي وكلمني وتراضينااااااااااااااا....والحمدالله المياه عاده الى مجاريهااااا......بس (الصدق اني طول ثلاث ايام وانا بالي مشغول
بعد هذي الساااالفه.........
طلع رقم جديد(قلت له ليه قالي انه في ناس يزعجونه)
وطلع رقم جديد والرقم القديم وقفه...
(دكتور مرات اقعد افكر اقول هل ممكن المسج الي جاه يكون من حرمه.......؟
او انه في احد يضايقه بجد؟
(انا اعرف زوجي مب راعي سوالف ولا خرابيط واحد مصلي ومسمي)

المصدر: نفساني