انا اخوكم الله يحفظكم

الله يحييك وآسفين يأستاذي الفاضل

تفضل فضفض باللي عندك عشان يمكن نقدر نساعدك

الحمد لله هذا ما نريده التغلب على أفكارنا اللي مضيعتنا هههههههه

أسأل الله لنا ولكـ ولكم الشفاء العاجل آمين

هناك أعضاء أفتقدتهم والله لأنهم كانوا أقرب لي من أي شي ولايسعني إلا تذكر أختي الفاضلة


حنيـــن الذكرى

هل أنت بخير أتمنى تشرفين هذا الموضوع لو برد لنطمئن عليك إحترامي وتقديري

ههلا اخوي اابو عبادي يخلي عيونك ي رب وماتقصر ان شاء الله
اخذت سبرالكس فقط لمدة شهر وتركته ولم اراجع الطبيب

دعوني اشارككم بتحقيق حلمي غداً !
ادعولي يكون بكره يوم جمييييل علي !

هنا أكون عندما أريد أن اظل بخير :)
يسعد صباحكم طمنوني كيفكم اليوم ؟

حياك الله اخوي وصباحك جميل محمد كيف الصحة

بخصوص الدواء كان من الافضل انتظار مدة اطول حتى تظهر نتائج الادوية لأنه المفعول يأخذ وقت في بعض الأحيان والسيبرالكس كويس انصحك ترجع تستخدمه وباذن الله راح تدعيلي مع عزيمة واصرار وروح عالية

أهلا وسهلا بك يا دجى القمر وصباحك ومسائك جميل وتفائل

الله يحقق لك ماتتمنين وان شاء الله كل ايامك خير وسعاده وشفاء وعافية كيف المعنويات فوق يارب ؟

أهلا اليوم مع بداية الدوامات حسيت إنوا ناقص علي شئ في أقرب فرصة عل المنتدى على طول الحمد لله الأمور طيبة والمعنويات مرتفعه وتوقف عن الافكار الغريبة بقدر كبير لله الحمد والمنه

اههلا اخو ابو عبادي صباح النور الحمدلله ماشي حال اليوم اول يوم لي دوام بالجامعه واعوذبالله من الوسواس قابلت ناس كثير اعرفهم من المتوسط ما قابلتهم من سنين ويجيني الوسواس يوسوس يقول اي هم حسو ويودعوك واعوذبالله منه كل ماقابلت واحد قلت يليت ماقبلته تعرف جامعه مافي هي الا ب المنطقه وكل الطالب اللي كنت ادرس معاهم زمان جوفيها وقابلتهم ونسلوف لكن الوسواس يجلس يوسوس لك الله يبعده عنا

ياهلا وغلا حبي محمد ومساء جميل زيك

لاتشيل هم مثل هذي الفكرة كل ماجتني ضحكت منها لأنه مو منطقية يعني بالله شوف كيف فكرة الوسواس حقيرة وغبية لكن واجهها بالتفاؤل بالخير وإضحك وإبتسم وأقطع الفكرة وإندمج معاهم في الموضوع وخش عرض بأي سالفة d3 وأنت قلتها الجامعة الوحيدة في النطقة يعني لازم تتوقع إنك بتقابل اللي كانوا معك بحكم السن وحاول قدر الامكان أن تغير من الفكرة وتحولها لفكرة غير مخيفة يعني تصنع لها سبب غير إنهم جو يودعوك بل إنها صدفه أو الزمن جمعنا جمعة طيبة إلخ ...

قدامك العافية وبداية عام دراسي جميل أخوي محمد

يارب يجعل كل ايامك تباشير خير وانشراح
الحمدلله كلامك مبشر ربي يسعدك ويقويك يارب ..
تاكد أخي عندما تكون بخير تلقائي نحن هون كلنا نستمد من بعض القوه وروح التحدي ربي يسعدك :)

محمد مثلك بالزبط ما تخاف والله في سماه افكار جنونيه تجيني مشان الدوام
وساوس تحطم جبل ما بالك بقلبي هههه
لكني عنييييده وراح اواصل وافرح بالجامعه وناسها بحاول اتأقلم بقد ما بقدر لن استمع لوسواس ارجووك كن هيك حطم قيوود المستحيل وحلوو مدامي واياك بنفس الموكب كل يوم نطمن بعض ..انا اليوم استعديت لاخر لحظه والباص تاخر فظليت ما رحت واقسم الك الوسواس رايح جاي لكني احاربه
الله يسعدك يارب :)

ماشاء الله تبارك الله

والله أسعد لسعدكم وحفظكم الله من كل شر ومكروه آمين

وفعلاً إن لم نبدأ بمواجهة أفكارنا وتغيير حياتنا وسلوكنا بيضيع عمرنا عالفاضي لكن نقطة من أول السطر

نهاية الأفكار السلبية وأهلاً بالأفكار الإيجابية

وأستمري يادجى القمر وينصرك ربي عليه وأحنا كمان آمين

أتمنى لنا ولكم الشفاء العاجل آمين

اللهم آمين يارب
ربي يكرمك اخي ويوفقك ويرفع قدرك ..
الحمدلله دايم كلامك كلو أمل و مشجع :)

مساكم الله بالخير كيف الشباب والصبايا إن شاء الله تمام

عندي خمول وتنميل في بعض الأطراف ؟؟ علماً إني مطنش والوضع تمام الحمد لله

مساك طاعة اخي يارب
وسلامتك يارب ان شاء الله الامور سهالات ..
وتكون بخير يارب :)

http://up.harajgulf.com/do.php?thmb=1100703

الله يسعد مساكم أحبتي "
راح احكي لكم عن شعوري الليلة طلعت
وكأني اقسم لكم اول مره ارى الدنيا 👀
شفتها بقلبي مو بس بعيني والله قاعده اشوف واشعر باحساس عظيم كان شعوري مثل اللي كان بالسجن
وتوه طلع للدنيا !
هل احكي لكم عن صفاء السماء او جمال القمر ؟
او الاحساس اللي من زماااااااان فقدتو !
وكنت اتسائل ليش شو تغير فيا ؟
تعرفوا شو وجدت اني هاليومين تجاوزت ثلاث مواقف كنت اخاف منهم موووووت فالليله شعرت بالثقه بنفسي و اني مثل هالعالم ارى كل جميل لكن الوسواس والمخاوف دمرت هالاحساس والحمدلله بالمقاومه والصبر والثقه بالله
اني قادره وبدأت التمس الجمال من حولي |
انصحكم الله الله بالصبر والمقاومه ولابد من تغيير الجو :)

اخوي محمد انا أعاني مثلك تقريباً .
بس قد م تقدر طنش عليك بقرأت سوره البقره و قيام الليل افضل علاج نفسي و عن تجربه و انا مجربتها
و حط ببالك شي بعد كل يسر سهوله و بعد كل كرب فرج وبعد كل تعب راححه
ويارب يجعلها بوازين حسناتنا ❤

مواقفكم تحفز الواحد انه يقاوم و يواجه 👏🏻
كنت متخوفه من حاجه مره وجلست ابككككي مره
بس الحمدلله واجهتها صحيح كان في مخاوف
بس حاولت اطنش قد ما اقدر واركز على الهدف الاساسي
والتأثر بمشاعر الناس حماسهم للدوامات و تصوير سناب و الناس مبسوطين
يعكس علينا والله

ويسعد مساك دجى القمر

ماشاء الله تبارك الله والله فرحت لك من قلب للللللـ ليش هههههههه الله يتم عليك |

ممتاز جداً فالمحاولة تدريجياً مفيدة لا تكون دفعة واحدة حتى لايكون الضغط عليك كبير من شدة الأفكار

لكن تستطيع في حالة إنه معك ناس عارفين وضعك وبيساعدوك والله بتحس بالثقة تزداد وإنك في الوضع السليم والتحسن يوم بعد يوم والخرجة من البيت شئ أساسي حتى لاتكون حبيس لأفكار لا أساس لها من الصحة رغم تصديقك لها بأنها حقيقة وهي بالفعل من الشيطان فهو يضخم الأمور ويهولها في بالك

أتمنى لنا ولك الشفاء العاجل آمين

مساءك جميل وكله خير إن شاء الله

الحمد لله خف الخمول والتنميل والأمور كويسة

ربي لك الحمد على كل حال

ممتاز جداً (إنعكاسات)

أنا عندي طريقة لك إنك يومياً تواجهي فكرة من الأفكار السيئة والمخيفة وتحاولي تعكسيها في مخيلتك يعني تكون فكرة غير مخيفة وبترتاحي لها وبعدها أول ماتحسي بضعف الفكرة إقضي عليها وإنهي التفكير بها وإن شاء الله حتشوفي الفرق

قدامك العافية

يعطيك العافيه اخوي ماقصرت والله وتعبتك معايه وان شاء الله راح اوقف ضده وبقوه وماراح اخليه يوسوس لي بأذن الله

ههههههه اللحمدلله كلنا فالهوا سوا لازم نعانده والله الجامعه وناسه واصحاب كثيروقابلت ناس احبهم وكذا لكن الوسواس يجي يخرب كل شيء يجلس ياكل اكل فيه
الله يعين والحمدلله والله يشفينا امين ويسعدك يارب

مساك الله بالنور اهلا اخوي ابوعبادي طنش وماعليك كلها من افعال الوسواس الحقير شافك مطنشه ويبي يشغلك قام سبب لك التنميل ذا والخمول علشان تبدا الوسوسه طننش وماعليك قدامك العافيه ي رب.

ههلا اختي وجدان ان شاء الله حطنشه واكون اقوى منه وان شاء الله نشفا منه ونرجع احسن من اول❤.

ورب الكووون فرحت من قلب بمحاولتك الجميله |
ربي يسعدك احلا انعكاسات ربي يطمن قلبك يا روحي
واصلي ومره ع مره راح تبستم الحياة لروحك
وبكره وبكل لحظه تعالي طمنيني :)

اللهم آمين تشكر اخي لفرحتك
ربي يسعدك ويشرح صدرك ويعلي شانك يارب
صادق بس جت بغصب عني وراء بعض وما كان مني الا التحمل والمجاهده ولله الحمد قدرت :)
اما عندي انا ما احكي الا الكم بس من مدة طويله بطلت احكي حتى لزوجي والله ما بدي يعرف احد بوضعي كيف وصل
الا اللي يظهر لهم بدون شعور مني يكفي قهري عليه :(

كويس الحمدلله كلامك افرحني انت ع الاقل افضل مني رحت انا لساني بحسو عالم بنظري مجهووول باقي ما شفتو لكن اطمن قلبي اني راح اكون بخير وغير تفكيري فيها لين ادخلها باول خطوى وقتها اتصرف مع الوسواس ههههه
ما شاء الله عليك شو ناوي تتخصص ؟
وهلا نام معك دوام ،
انا بكره الظاهر ما راح احضر لانو اسبوع تهيئه :)
بس كنت حابه اقتل هم شوفتها لكن يلا بدي اتحمل
وبداوم بعد بكره ان شاء الله :)

الحمدلله والشكرلله :)
يارب شفاءاً تام واجر وثواب من الله آمين

لازم تقاوميه وماتترددي مره مرتين وان شاء الله تغلبيه لازم يكون عندك اصرار وعزيمه انا ذلحين سنه تحظيريه واحاول اشد حيلي واجيب معدل ثلاثه وفوق وادخل هندسه مدنيه ان شاء الله حتى انا ماعندي شيء ذا الاسبوع لكن اداوم علشان ماجلس بالبيت واوسوس اروح اشوف الناس وكذا وغير جو انصحك تداومي وتغيري جو ماعندي نوم جلست اتقلب وموراضي يجيني النوم لاني نمت الظهر وقمت المغرب وشكلي بدوام مواصل الحمدلله الوسواس خف لكن الكتمه معاي الله يعيننا.

مرحبا اخي يسعد صباحك يارب
والحمدلله ربي يشرح صدرك دوووم والله كلامك افرحني وشجعني جداااا لانو منك نفس المعاناة مشتركه بينا الله يهونها علينا يارب ..وما شاء الله حلوو الله يوفقك يارب تخصص جميييل الله يبارك فيك ولك ،
و اسال الله يوفقنا جميعاً يارب ..

صبحكم الله بالخير جميعاً

حاولت أنام مافي فايدة لخبطة الإجازة وكذا لكن الحمد لله الأمور كويسة والوساوس نوعاً خافة شوي أفضل من أول ياربي لك الحمد

يسعد صباحك اخي يارب
مثلنا والله ما اعرف كيف بداوم ع هالسهر :(
انا بصراحه من شهر 8 يعني الاجازة كلها هيك صعب اتاقلم الله يعين يارب ..والحمدلله ربي يثبتك والله افرح بشكل لما احس انكم احسن وبخير وياربي دووم آمين :)

وصباحك يارب ويؤجرك ويكتبلك الخير أينما ذهبت آمين

الله المعين بحاول أعدل نومي قدر الإمكان أهم شئ نكون بخير أسأل الله يديم علينا وعليكم فضله وكرمه ويشفينا شفاءً عاجلاً غير آجل آمين

بحجم الكون كله اشكرك أخي ع كل حرف منك اللي ..
وكل حرف ايجابي يرفع من الروح الله يوفقك ما تعاقب الليل والنهار يارب
ما تنساني في ظهر الغيب من دعواتك ربي يسعدك :)

العفو
الله يسعدك يا دجى ويوفقك انتي والاخوة الموجودين هنا

اليوم مواقفي كثير بحكم موعدي عند الطبيب الافكار كويسة والنفسية لله الحمد متمسكة بحبل الله وسأسرد بعضا من المواقف الليلة إن شاء الله وردة فعلي تجاه الفكرة

أحبكم

وبينما أنا في مستشفى الأمل لحضور موعدي وإزدحام الناس أسال الله لي ولهم ولكم الشفاء العاجل آمين

مررت من جانب مكتب أحد الموظفين فإذا به يتكلم مع أحد الأشخاص عن فلان أنه أصيب بجلطة الله يشفيه ويعافيه وفجأة نط الوسواس وقلت إيش خلاه يفتح موضوع مثل هذا وفي يوم موعدي وفي وقت مروري من جانب مكتبه ولما تذكرتكم حسيتكم كلكم تطالعوني وكأنكم تقولوا لي لاتلفت لهذه الفكرة إنما هي وسواس والحمد لله كانت النتيجة قاتلة للوسواس إنه لاعلاقة لي بالأمر مجرد موضوع تناقش به أحد الناس كأي حديث عابر وأزلت الفكرة من بالي تماماً وأنهيتها في وقتها وأبتسمت

وأكملت يومي لله الحمد والمنه

تم التواصل مع الطبيبة بخصوص الدواء حيث أني كنت أتناول حبة واحدة في اليوم سبرالكس 10 mg

وذكرت لها عدم تقديم الدواء لي أي نتيجة منذ شهر تقريباً فنصحتني برفع الجرعة لـ20mg وقالت إنه ممكن ترفع لي الجرعة لـ 40mg وقلت لها سأكتفي بالـ20mg حبتين في اليوم وبعد 3 أشهر إن شاء الله سنقرر فائدة الدواء من عدمه

وهذا يومي أتمنى لي ولكم الشفاء العاجل آمين

ههلا اخوي ابو عبادي ماعليك والله تسرلي كثير امر من جنب ناس واسمعهم يتكلمون على واحد اصيب بمرض او مات على طول يجي الوسواس والافضل انك تجاهلته وماله دخل فيك لانهم اصلن مادروا عنك جالسين يسولفو حارب الوسواس ولاتخليله اي مجال يوسوس لك فيه بما انك فتحت الموضوع توي داخل البيت تغديت ورايح انام اللي يجي الوسواس ايوا حتنام وماتقوم ويوسوس ويقول ايوا انت تحس انك بتنام وماتقوم وبكره ماراح تدوام وشغال يوسوس وانا مطنشه واوقف ضده الله يبعده عنا ويشفينا منه ي رب.