ما تشوفين شر

اختي بنت الظبي

خذي زيت زيتون اقري فيه ايات السكينة والمعوذات وعلى كاس ماء

حاولي تصلين ركعتين قبل النوم

واحتسبي الاجر

الله يقوي ايمانك

ارجوكم لا تنسوني من دعائك والله حالي للاسف محزن ضايق صدري وتفكير كل اليوم يارب ان ترحمني برحمتك


http://www.youtube.com/watch?v=031NP0vgNj8

معانيه

الله يرفع معاناتك و يشفيك

والله إنك زعلان مني يا شفيق ما أدري ليش ؟

سويت شي غلط

قولي و أرضيك و ابشر بالحق و ما يلحق

----------------------------------------------------------

هلا اخوي الغالي الم غامر

بالعكس ما شفت منك الا كل خير انت اخوي عزيز وغالي

والله ماني زعلان من احد في المنتدي ابدا ابدا

لكن ما اعرف ليش شعرت بهذا الشعور هل قمت انا بعملي احسسك بهذا الشعور

لم افكر ابدا بانك زعلان او ماخذ في خاطرك علي انت بس علمني لماذا جاءك هذا الشعور

رفع الله قدرك واعز شانك وجعل الجنة دارك

الله يسلمك و يعافيك و شرواك ينحب يا شفيق أقولها و يشهد علي ربي

أما عن الشعور هذا لأني سألت عنك و أنت موجود و ما رديت علي و خذيت بخاطري لا تكون زعلان مني و أنا ما أدري و الآن قلت خلني أشوف من ويش زعلته و الحمدلله إن القلوب خضر

و اللهم آمين على الدعوات و لك بالمثل يالغالي

حبك الله وملائكتة

صدقني اخوي الم غامر لم اتجاهل احد لكن ممكن اني مفهي ترا نص عقلي معي والنص الثاني طار

ارجو منكم تقبل عذري وسامحني ترا اخو عزيز وغالي وشرواك ينشرى بالغالي

الله يحظفك ويرعاك

عندي زيت زيتون مقروء فيه ما استخدمه

الله يفرج همك يا شفيق ويشرح لك صدرك

انا كل ما احاول اقرأ قرآن ماقدر اكمل احس بصداع احيانا

او ثقل وتثاؤب

هلا بنت الظبي لازم تحاولين شكلك مصابة بعين وحسد

حاولين انك ما تروحين الغرفة للنوم الا وانتي دايخه

اقري الفاتحة حتى النوم

صدقين انا اجاهد من عشر سنين

ولم يكتب الله الشفا

انصحك والله لانك غاليه علينا بالرقية اشتري شريط رقية واستخدمي الزيت والماء والسدر

حاولين خذي مسك ابيض نص توله مع ماء مقري فيه وحطيها في بخاخ وعطري السرير والغرفة ونفسك

وهذا دعاء لكن لا اعرف هل هو صحيح او ضعيف

اللهم غارت النجوم و نامت العيون وأنت الحي القيوم لا تأخذك سنة ولا نوم
اللهم هدي ليلي... وأنم عيني ...أرح بدني.

ما تشوف شر و الله يشفيك يا شفيق عاجلا غير آجل

و أنت كذلك عزيز و غالي على قلبي و على كل الأعضاء الموجودين و شرواك الطيب و ما جرى منك قصور يالغالي

..........

شفيق ما فكرت تقتني لك شي يسليك من حيوان أو طير ترا شي طيب لأهل الإكتئاب لو إني صغير بالعمر كان خذيت لي حمام لأني ربيتها بالسطح و أنا صغير تقول راعي حمام خخخخخ و أذكر ان أبوي كسر العشة بعد سنوات و صار الحمام بالأريلات
أريلات بيتنا و بيوت جيراننا و ما هجت إلا بعد شهر و أكثر

المشكلة الحين لو أربي لي حمام والا حتى قطو خخخخ بيشرهون علي أهلي يالصغير يالخبل مهوب قدرك ماأدري إيش

آه ليتني صغير و أسوي إللي أبغاه و ما احد ينقد علي

----------------------------------------------------------------------------------------

شرواك الطيب يا غالي

تخيل انا شيبان ونربي حمام والله السمعة بتروح فيها كان اول عندنا الي يربي حمام عرجبي ذكرتني بعشة اخوي نص الحمام مات خخخخخخ ما عرف يربي مسوى فاهم وجات على راسه والحمام والله متعه واحبه بس صراحة يبي واحد فاضي ومتعافي لانه تنظيف ومرض وكل شوي تحط لهم موية وحبوب

اما انا ربيت ارانب ثاني يوم كلهم مات الذكر وبعدها كل شوي ميت واحد

ثم ربيت ببغاء حجم كبير سوبر وكان يتكلم بشكل بسيط ويصفر ويرقص وهذا قبل يمكن فترة مب بعيد بس وصخ البيت وازعاج قالت امي روح بيعه وفكنا منه وانا اصلا مليت منه ترا انا امل بسرعة مني الشي

والله يا الم ما له دخل العمر اذا قالو اهلك شي كل اجي بربي اسود هي خاربة خاربة

انا لو اربي شي الحين ممكن اخنقه في لحظة غضب او اعدمه شنق

أدري شفيق انها عين

والا كيف انا اوسوس وعندي اكتئاب

تخيل مافيني شي

وبين يوم وليله تغير الحال سبحان الله

حسبي الله ونعم الوكيل

عندي زيت زيتون مقروء عليه بس ما استخدمه

وعندي مسك اسود لكن بشتري الابيض

أنا تعالجت عن العين ، بس الشيخ قال قويه

الحمدلله ياشفيق اني اقدر امشي لكن اول ما اصبت بالعين كانت حالتي حاله

وهذا الشي اللي خلاني اترك العمل

الله يشفيك ويشفيني يارب

ههههههههه إي والله السمعة بتروح بخرايطها أنا لو أبوي ما عنده مشكلة كان حطيت لي عش حمام و على قولتك خاربة خاربة وش نسوي
مرة أهدا لي واحد جرو سلق و زن علي أبوي أنت تربي كلاب الكلب ما يقعد ببيتي ما أدري إيش عاااد بعدين قلت لخويي ياخذه والا ترا الشايب بيذبحه و خذاه
و الحين أفكر آخذ لي زوج هدهد والا كناري والا بلبل والا أي شي أهم شي يكون في قفص و احطه بالغرفة عندي

ما أدري محتار والله أبغى شي يسليني في البيت والله يشفيني و يشفيك يا شفيق عاجلا غير آجل