هل هذا مرض عضوي أم نفسي , أرجوكم
 

السلام عليكم ,, مساء الخير جميعاً

أسأل الله لي ولكم الشفاء والطمأنينه وأن يجعل مأصابنا من مرض هو كفارة لنا يارب العالمين ..

بإختصار ,

الشكوى:

عند الألتفات جهة اليمين أو اليسار يؤلمني رأسي جداً وأشعر بإرهاق مستمر ولا أستطيع بذل نشاط مما يضطرني إلى الجلوس وترك الجوال والتلفزيون وأستلقي بالساعات حتى أهدأ

الأعراض :

أحس بأن داخل رأسي شيئا يدور وأحياناً صداع مع الجانبين ومن فوق الرأس وأحياناً من الخلف ولكني أرى الأشياء ثابته أمامي , بمعنى أن الدوار داخلي فقط مع االإحساس بضغط داخل رأسي وأحياناً شد في عضلات الرقبه مع العلم بأن لدي فقرتين في الرقبه متحركه من مكانها ..

الكشوفات :

ذهبت إلى طبيب أنف وأذن حنجره وابلغني بأنه لايوجد أي التهابات بالجيوب الأنفيه ولا مشاكل بالأذنين .

ذهبت إلى طبيب المخ والأعصاب ( بروفيسور ) وأبلغني بأنه لايوجد مشاكل بالدماغ أو الأعصاب مع العلم باني أجريت أشعه مقطعيه وقالوا سليمه .

ذهبت إلى أخصائي عيون وأفادني بأني سليم .

التاريخ المرضي :

أعاني من السكر منذ خمس سنوات والتراكمي 9 ( مرتفع ) ولكن أفادني بعض الأطباء بانه ليس له علاقة

أعاني من نوبات هلع منذ خمس سنوات ولكنه خفت كثيراً

طبيب المخ والأعصاب يقول بأن الذي أعاني منه بسبب الضغوط النفسيه .


السؤال : هل منكم من عانى من هذا الشيئ لأني سوف أجن , الإحساس الذي أشعر به في رأسي هو كإحساس ركاب الطائره عند حدوث مطب هوائي .

اخيراً لقيت واحد مثل إحساسي سبحان الله كأنك تتكلم عمي بالضبط نفس الشعور بس الفرق انا من 3شهور بس فجأه جاني هالشعور كنت راجعه من سفر ومرهقه نمت صحيت لقيت نفسي بهذا الشعور ورحت طوارئ قالو الاذن بس بعدين رحت أنف واذن قال مافيك شي كل شي سليم وقال انتي صاير لك خوف يمكن قلت بس خفت من المطبات الهوائيه قال بس هذا هو بعد فتره راح يخف وصرف علاجات وجلست اسبوع ماخفيت نفس الشي واروح مرا ثانيه ويطلب الدكتور اشعه رنين للراس وكل شي سليم ويحتار بعدها رحت مستشفى حكومي واجرو تحاليل وفحوصات واشعه مقطعيه وبرضو ماعرفو السبب بعدها حولوني لدكتور طب أسره مصري قال اللي فيك دوار حميد بعد فتره راح تتشافين قلت كم قال كلها يومين ثلاث ولاخفيت ولاشي وصرت ابحث عن المرض هذا طلع كرستالات الاذن اللي داخل الاذن الداخليه تتحرك لما يتحرك الراس بوضعيات مختلفه

وسمعت لها تمارين معينه مناورات المشكله سويت التمارين بس ماخفيت ابدا بعدها رحت مخ واعصاب وصرف علاجات لي وقال بعد شهر راح تتحسنين والحين خلص الشهر ولا شفت اي نتيجه شي يحير

عاد انا وقتها رحت دكتور متخصص للدوار والدوخه وعملي اختبار للتوازن وقال مافيك الا العافيه مافيك شي انت بس عندك قلق شديد ولازم تروحين لمعالج نفسي يصرف لك علاجات وراح تتشافين بس انا ماصدقته رحت مخ واعصاب وقال معاك دوار حميد قلتله انا سويت فحص جهاز توازن ودوران وقالو مافيك اي مرض في الاذن قال ماراح يبين معاهم لانو بيطلع نورمال طبيعي قلت معقول قال ايه بعدها عطاني علاجات قال شهر وراح يروح ومحلك سر ماراح ولاشي وشكيت بكلامه انو مو مرا فاهم لانو انا قبل ماروح له بحثت عن هالمرض وهو علاجه تمارين بس يوم قلتله قال لا مايحتاج تمارين شكيت بصراحه بمصداقيته

عاد اخوي الله يخليك اذا تعافيت علمني لانو انا نفس حالتك ابحث عن علاج

لازلت ابحث عن العلاج والشافي رب العالمين

الان جالس اتبع طريقتين وارجوا من الله الشفاء

1- ارقي نفسي ( كتاب اسمه ارق نفسك وآهلك بنفسك ) . اعتقد موجود بمكتبة جرير

2- علاج دوائي : فيتامينات + اوميغا 3 + فيتامين ب عشان السكر ..

سويت منظار للمعده وقال الدكتور عندك التهاب شديد جدا بالمعده .. واعطاني علاج لمدة شهرين ..

واشتريت عسل واخذ ملعقه ع الريق وبعد كل وجبه بنص ساعه ايضا عشان التهاب المعده ..

والامل بالله ......

نسيت اقول .. اخذ بعد غذاء ملكات النحل

طبعا مو شرط ان حالتي زي حالتك .. صحيح آغلب الاطباء قالوا ان اللي فيني نفسي ..

قلت في نفسي اذا كان نفسي بأتكي على الرقيه الشرعيه كل يوم .. لمن احط يدي اليمين على راسي واقرا احس بان الآلم يهدأ قليلا .. وقاعد اسوي رياضه على خفيف .. مشي فقط واذا حسيت راسي بدا يألمني وقفت ..

اذا انك حصلت علاج بلغيني لو سمحتي .. واقول في نفسي انه بيهدأ ان شاء الله

هلا اخوي وش صار عليك

انا لاجديد تعبتني الدوخه والدوار وانا مثلك معدتي تعبانه تتوقع من المعده الدوخه انت سألت دكتور المعده عن سبب الدوخه وهل لها علاقه وبسألك عن المنظار هل يألم وضروري الواحد يسويه او يكتفى بالنفخ

نسيت اقولك ترا دكتور أنف وإذن وحنجره مايبان معاه سمعت انو لازم يكون متخصص سمع واتزان وأنك تسوي فحوصات توازن عن الاذن الداخليه لانو الدوخه والدوار من الاذن الداخليه واتوقع انت معاك الدوار الوضعي الحميد لانو من حركات الراس يجيك اجهاد انا مثلك بالضبط وشخصو حالتي مستشفى حكومي انو دوار حميد بس المشكله تعرف الحكومه مايهتمون لحد وغير كذا انا رحت مستشفيات خاصه كبيره وخسرت وقالو مافيك شي بس مو مصدقتهم اكيد فيني شي لانو متواصله الدوخه والدوار حتى وانا هاديه ومافكر

عاد انا بدعيلك وانت ادعيلي انو ربي يشافينا

يارب .. وين احصل الدكتور اللي ذكرتيه ؟

انا لاحظت شي .. انه بعد الاكل يخف نوعا ما ..

المنظار هو افضل حل .. انا من زمان ودي اسويه والحمدلله سويته في الثالث من رمضان وانا صايم .. وقالي الدكتور ان المعده عندك ملتهبه التهاب شديد جدا جدا .. وأخذ عينة من المعده والنتيجه ان الجرثومة لازالت موجوده .. وقال الطبيب بابدا معك بعلاج الجرثومة بعد ماننتهي من علاج الالتهاب ..

بالنسبه للمنظار مدته نص دقيقه فقط واذا سواه لك تنفسي مع الانف بشكل مستمر .. والالم بسيط

لي رد لاحقا .. عندي موعد الان مع دكتور المخ والاعصاب .. الله يشفيك ويشفيني