نفساني - عرض مشاركة واحدة

19-11-2017, 08:21 PM

بسمه أنتي يبغالك كورس جديد و تتابعين مع العيادة كل أسبوع هذا اللي أشوفه لأن حالتك غريبه شوي و يبغالها تكتيك محترف دام ان البروزاك جاب لك كل هذا النوم و الله مشكلة هو يمكن صح يجيب التثاوب لبعض الأشخاص بس انه يطرحك طرحة ما عاد توعين الا و أنتي ناقده نفسك و كأنك في سبات شتوي هذا شي يبغاله بيطار محترف

و أنتي صادقة و الله عندنا أطباء لا في الحكومي و لا الخاص يكرهونك في العلاج و يصير المراجع يكره حتى نفسه من شوفة النفس فيهم و من عدم تجاوبهم مع المراجع
أنا أول كورس لي في العلاج طحت في أخصائي نفسي قاللي أنت مستخدم مخدرات من شكلك يا لعنبوه قال لي من وين جاك الرهاب و الإكئتاب قلت أنا علتي خارجيه تماما عن اللي تظنه فيني قال لا أنت مستخدم ثم ضمرتها في قلبي قلت خلني أشوف وش آخرتها مع ذا المعتوه اللي بليت به بعدها طلعت من عنده و قلت توبه أجيك الله يبلاك مثل ما بلاني أنا ما دورت وراه أصلا و خذيت فكرة سيئة عن الإخصائيين النفسانيين كلهم لكن بعدها تعدلت النظرة هناك و هناك و أصابعك ماهي بـ سوا

المهم مع روحتي للدكتور و كل موعد يقولي بعطيك موعد مع الأخصائي ـ المعتوه ـ أقوله لا ما أحتاجه فكني منه الله لا يحوجني لأحد غيره

على فكرة أنا أمي كذلك مريضه نفسيا و كل أخواني و أخواتي سليمين و ورثت هالمرض من أمي فقط الوحيد اللي رماني القدر و الحمدلله على كل حال و هي أميه بحته و هي الوحيدة المريضة بين أخوانها و أخواتها خوالي و خالاتي لكنها أشوى مني بكثير تشوفينها ما تقولين فيها شي و تسولف و تآخذ و تعطي مع الأدويه أما قبل كان حالها يرثى لها

أبوي قد قاللي انها عانت في فترة من حياتها بعد زواجها و ودوها لواحد أيام الجاهليه معروف بينهم انه يستخدم الجن لكن أيام الجاهليه ما كانوا يعرفون حلال حرام و يقول أبوي لو أشوفه الرجال الحين لا أكفر فيه

سبحان الله المقدر ما منه مفر مع ان أبوي تزوج وحده ثم طلقها ثم طب في أمي مع انها مرضت عنده و لا طلقها و جيت أنا حانق على أبوي أقول في نفسي ليش ما طلقتها لأني طحت طيحة الله يسامحهم بس

الأولى اللي طلقها أبوي أشوف انها أبرك لو جيت ولدها كان ما فيني هالأمراض

الله يلعن زواج الأقارب مع انه حلال لكن لو بيدي أصدر قانون حكومي يمنع زواج الأقارب بتاتا البته

مع ان علي بن أبي طالب رضي الله عنه تزوج بنت عمه فاطمه رضي الله عنها

لكن ما في مثل زواج الغرباء حتى لو كانت صوماليه و الا حبشيه و الا يهوديه

لكن المقدر ما منه مفر و لا مهرب آمنا بالله و بالقضا خيره و شره حلوه و مره !!!