06-06-2002, 12:19 AM
|
#12
|
|
عضو جديد
|
بيانات اضافيه [
+
]
|
|
رقم العضوية : 1524
|
|
تاريخ التسجيل : 05 2002
|
|
أخر زيارة : 07-06-2002 (01:13 PM)
|
|
المشاركات :
9 [
+
] |
|
التقييم : 10
|
|
|
لوني المفضل : Cadetblue
|
|
مها والله أتشرف أنا بمداخلتك الأكثر من رائعة والذي أوافقك عليها ميه بالميه , وهنيئا لك ذلك الأسلوب الراقي والبعيد عن أي فلسفه ..
وشكرا لك على رفع المعنويات وأرجو أن أكون عند حسن ظنك ....
لا تنسينا من دعواتك ....
أما بالنسبة لسفري فأنا إن شاء الله بأهج ((الله لايعوق بشر)) يوم الجمعة صباح السبت ..لا تستغربين يا مها من كلمة بأهج بس والله يامها العيشة في الرياض و في الصيفية معاد تنطاق ..أجل قبل شوي ياهو إرتفع ضغطي بشكل ..تذكرت إني ماشريت جزمة سبورت لزوم السفر ناظرت الساعة لقيتها عشر ونص المساء طبعا قلت إيه بيمديني بالراحة أزرق لليورومارشية وأشتري لي جزمة قبل مايصكون ....لأن المشوار عادة ولا خمس دقايق بس تو والله انقلبت الخمس دقايق بقدرة قادر لثلث ساعة وتحسبينا وصلنا لا تونا ريظين ياهو زحمة ياهو قرف وحر ماأدري الناس هذولا من وين طلعوا لا والإشارة ولا كأنها تحمر وتصفر وتخضر الناس ما يمشون أنا خلاص دمي فار بغى يجيني الهبال المحل بيصك والخميس ماعندي وقت أدخل السوق والجمعة بأسافر تدرين وش سويت ؟؟؟...................................
بس ما أدري وشلون جتني ذي الجرأة :D
نزلت من السيارة وسط الزحمة والله و دقيت سلف مشي برجلي تصدقين إنه أصرف لي وصلت المركز وهو على الحفة ((بيصك إلاّ شوي ))وشريت الجزمة وشريت مويه بعد وطلعت والسيارة توها ما وصلت للمركز من الزحمة ......بالله مو شي يرفع الضغط ويجيب الهبال يعني المشاور الحين صار لازم ينحسبله ألف حساب ...........استغفر الله يازين الرياض وقت الإمتحانات تجيب العافية :)
عموما أنا الحين مصدعة من ذا المشوار .....أسلم عليكم وأروح وأرجع بالسلامة :D بس عاد إذا راح ثلاث شهور ولا شفتولي ظيحة اسئلوا عني الانتر بول :)
|
|
|
|