نفساني - عرض مشاركة واحدة

26-09-2011, 08:51 PM

انكسار : هلا يا بنت وينك من زمان
انا : هلا بك انا فيه
انكسار : وين فيه من مدة ما دخلتي متصلة ولا تردين على مسجاتي اوف لاين
انا : اعذريني يا غالية في دوامة الاطباء والشيوخ
انكسار : يعني ..؟
انا : يعني كل مرة شيخ وكل مرة طبيب ولا شيء جديد غير تطور الورم
انكسار : يا عمري طيب قالو الورم حميد ولا ,, مو فال لك
انا : لا حميد ولله الحمد لكنه غريب تطوره
انكسار : طيب ليه ما تستقري على طبيب حتى يتابعك صح
انا : تعرفين ابوي الله يحفظه ما يصدق احد
انكسار : يا بنت لازم لك تاخذين موقف وتقولين رايك
انا : ماله داعي اللي يبونه يسوونه
انكسار : بس هذي صحتك .. ليه انتي سلبية كذا
انكسار : هذا انتحار بطيء يا بنت الحلال
انا : هههه انتحار اعوذ بالله
انكسار : ايه انتحار ولازم تاخذين موقف من هذا اليأس اللي ياكل صحتك
انا : يووه ما ناقصني نصايح تكفين مالي خلق
انكسار : الله المستعان وربي ما حبيت ادخل من اول لكنك تنطقين الصخر
انا : خلاص بالله عليك انا تعبت وبطلع
انكسار : ودي اقول اني اسفة على كلامي بس انا لا اسفة ولا شي
انا : بااي
انكسار : الله معك

....
ازعجتني كثيرا كلمة انكسار (( انتحار ))
كيف وصلت الى اعماقي التي لم ادعها تتحدث كل هذا الوقت ,, كيف قرأت رغبتي المكبوته حتى امام نفسي
نعم كل ما اوده الموت لكن ما ظننت انه انتحارا