|
( تم القضاء على القلق واختلال الانيه ) شفيت بفضل الله
السلام عليكم
اسعد الله اوقاتكم بكل خير
الحمدلله تعافيت من القلق الحاد واختلال الانيه وتبدد الواقع
بعد رحله متعبه كنت اتوقع بالفترة اللي فاتت اني انتهيت
واني بصير شخص مجنون وغير طبيعي او اقل تقدير بكون
بهذي الحاله طوال عمري لكن الحمدلله لكل شي وقته وينتهي
طبعا قصتي كانت بدايتها الخوف من المرض واصبحت
بحاله وسوسه احلل كل شوي وخاصه السكر
بعدها انتقلت الى حاله غريبه اصبحت لا اشعر بنفسي
وكانت الاعراض اللي معايه:
*فقدت احساسي بنفسي
*فقدت احساسي في اهلي
*فقدت احساسي بالدنيا وكاني بعالم
ما اعرفه ولا اعرف انا مين..
* فقدت اي مشاعر بداخلي كنت اتكلم ولا احس
انه انا واسوي اي شي ولا احس اني سويته
اروح اي مكان ما كاني كنت فيه
* خلال 24 ساعه عايش بعذاب مايفارقني دقيقه واحده
لدرجه اني ما قدرت اروح عملي لمدة4 شهور
جالس بالبيت مو حاس بشي ولا داري انا فين ..
* كنت فقط اخرج من البيت اروح للدكتور كنت كل يوم
اروح للدكتور واقوله احس بفراغ بالعقل احس اني صرت
مو طبيعي واحس اني اكلمك ولا حاس اني اكلمك ولا حاس
مين انا ..
( دخلت بدوامه مهما اوصفها تحتاج الف صفحه ضعت وضاعت
حياتي وضاع مني كل شي ..)
اعراض مالها اول من اخر
لكن بالاخير قررت اني اخرج من الحاله
وفعلا استخدمت علاج وحاولت اعيش
واتصرف مثل ما كنت قبل الحاله تعبت
وانا احاول وفشلت كثير لكن كل مره اقول
هالمره فشلت يلا مره انجح ومره افشل
رجعت عملي وسجلت بنادي واشغلت وقتي
وكل هذا مو حاس وقتها بشي لكن ما كان
عندي خيار يا اجلس كذا بتعبي او اخرج واعيش
حياتي وفعلا بالتدريج صرت احس اني بديت
اتحسن انتكست كم مره لكن استمريت في اصراري
على ان اعيش طبيعي ..
وفعلا سافرت مع اني احس اني مو قادر
سويت كل شي كنت اسويه قبل هالحاله
وبفضل الله رجعت طبيعي جدا وكما كنت
سابقا وكان هالحاله مامرت علي سبحان الله
مو متخيل الحين الحاله اللي كنت فيها
ست او سبع شهور بعذاب لكن كنت دايم
اقول ان الله رايح يشفيني وبالفعل شفيت
ورجعت بفضل الله ..
بكتب لكم 12 نصيحه اتمنا تطبيقها
بالرد تحت..
|