المشاركة الأصلية كتبت بواسطة ام سما

اخي احمد انا ما انكر ان العلاج له دور في تحسن حالتي وانا ساعدت نفسي كثير باني رجعت امارس حياتي بشكل طبيعي لكن ولا 1%حسيت اني رجعت لطبيعتي مادري وين المشكله
والصراحه ماودي استخدم العلاج ودي اعيش حياتي وانسى شي اسمه مرض نفسي مثل ماكنت عايشه قبل المرض ماودي ان حبة دوا تذكرني بالمرض كل ماجيت اخذها
وبعدين تصدق ان ماغير انا بمجتمعنا كله اللي استخدم علاج نفسي ليش ماصير مثلي مثل اللي حولي يقاومون امراضهم بانفسهم وبقوة ايمانهم وبدون ادويه تدمر العقل والجسم
اختي اكبر مني بسنتين تعبت نفس تعبي لكن طلعت من الحاله بدون حبة دوا ورغم ان ظروفها تختلف عن ظروفي الضغوط عليها اكبر من علي عانت بحياتها ومع زوجها وانتهت حياتها الزوجيه رغم هذا ما استسلمت وطلعت من الحاله ليش انا لازم اخذ علاج
انا قوية وباذن الله بطلع من هالحاله قريب وبدون اي ادوية