كلمة منكم تريحني

كلمة منكم تريحني

ادري كل شوي اكتبلكم نفس القصه
بس ابي حد يقنعني
حتى لو بكلمة لانه جددد خوف !!!

كل يوم اقهد ف حجرتي و افكررر فالتواريخ
و اعيد الكلام انه حددلي بموت ف عيد ميلادي )؛
لانه اللاعب مات و هو عمره 21 خلاص انتي لازم تموتين و عمرج 21 نفسه )؛ احاول اقتنع مافي فايده
مره يقولي بتموتين ف عيد ميلادج و ساعه12 اول ما يهنونج بتموتين عقب يقول لا كملي 21 و بتموتين بنفس اليوم الي مات الاعب

غير جي اقول ترى صوتي و انا الي احدد الايام
كيف هذا الوسواس ؟

الاحساس ردلي انه اعيش ايامي الاخيره و كل الي ف خاطري قاعد يصير و الشي يخوفني
احساس ايامي الاخيره تخوف و مع عدم التركيز اكثر
و غير شي قلبي احسس يعطيني احساس قوي و خوف انه هيه هاي ايامج الاخيره ماعرف شسوي

كل يوم اشوف التواريخ و قلبي يدق بسرعه صوت اخاف اقول متى عيد ميلادي

ادري كل يوم نفس المواضيع بسس كلمه منكم تريحني
و اطمني انتوا تعانون مثلي و انا امر بمراحل ماعرف كيف

المصدر: نفساني

محد يعلم الغيب
وحتى لو كان صوتك
ولو كل الناس يجيهم نفس الشي كان شفتيهم يصلون ويتصدقون ويستغفرون قبل يموتون
انا متأكده ان عندك صديقات يحتفلون بميلادهم ويسوون بارتيات ويعزمون الناس
شفتيهم خايفين؟ والا قالوا بيموتون بيوم ميلادهم !
بالعكس مبسوطين وفرحانين
ادعي ان الله يطول بعمرك في طاعته وعبادته و المفروض تنبسطين وتفرحين
بدال ما تخوفين نفسك وتربطين الاحداث ببعض

منهو اللاعب اللي مات


كم باقي لك و يصير عمرك 21

الله يشافيك يارب ويطيل في عمرك

كم مرة حدد لك الوسواس التاريخ ....... كثيررر ومنها يوم ميلادك على ما افتكر من كم شهر صح

طيب راحت عليك الايام وانتي في حاله نكد وهم

سالتي نفسك .. وين اللي حدد لي التاريخ ؟ وين راح اللعين ابليس الشيطان بس صابك بالحزن 24 ساعه

الانسان المؤمن لازم يعرف ان مصيرة بيد الله سبحانه وتعالى

جلوس في الغرفة والاستسلام للافكار راح يضاعف حالتك اكثر واكثر
غييري جوووك قومي افتحي محاضرات باليوتيوب مسلسلات مضحكة اقرائي كتاب

وكل فكرة تجي في راسك استغفر الله وقومي


بالاضافه طيب بيموت الانسان احد يمنع الموت عن نفسه ما حد يقدر
ومات الانسان وين بيروح بالخصوص الانسان المسلم اللي يصلي
الله رحيم غفور كريم

متصورين ان الموت خلاص انه راح نقابل الله وكل شي تعذيب ... هذا واحنا مسليمن
طيب وين رحمه الله ومغفرته

الله سبحانه وتعالى كله خير كله رحمه كله مغفره
صدقة بريال واحد لمحتاج تجعلك من المرضين عليهم ويغفر لك الله كل شي

الكل يعرف او سمع بقصه اللي سقى الكلب ماء

تأملوا قوله تعالى (﴿ فَمَا ظَنُّكُمْ بِرَبِّ الْعَالَمِينَ ﴾)

حبيبتي الله حافضج والله يطول بعمرج
هم انا الوسواس مره حدد لي يوم زواج بنت خالي جا والحمدالله
ومره حدد لي وقت هو يعطيك افكار ومواعيد وتواريخ عشان يعكر مزاجج
بلعكس تحديه وخلج قويه وتوكلي على الله وثقي فيه

السلام عليكم

مثل هكذا تفكير يجعلك اسير وساوس هشة
قد تعيق حياتك اليومية
لذلك عليك التفكير فيما ستقدمه من مفيد
لعائلتك وللمجتمع حتى تفكر افضل
ولا تجلس وحدك في غرفة دون قراءة القرآن او كتاب مفيد

بالتوفيق دائما

وش هالسخافات!!!!!!!!!!!!!!!!!!!!!!!!!!!!!!!
أول مرة اشوف ناس تفكر هالتفكير المبهم مع كامل الاحترامي لكي

اختي الله يكون معك انتي موسوسة والموضوع واضح لانه دايما مشاركاتك نفس المشكلة ، حاولي تلهي نفسك كلنا عندنا وساوس بتظهر لكل احد بطريقة وبدرجة ..اطمني وعيشي حياتك و الله يعافينا

والله هذاااااا وسواس صح انه صعبه والتي تنظرين يوم ميلادك عشان ترتاحين و تتاكدين انه وسواس بس والله وسواس كل يوم يدخلنا بشئ جديد يعني انا مثلا كل يوم يقولي كلام ويحسسني بمشاعر انه خلاص وصدق وحزن وخوف وقلق مثلا اليوم ابوي مصر علينا ما نطلع عشان انه زحمه واقنعناها وطلعنا جلست اوسوس اقول ابوي اكيد ما يبغانا نطلع لانه يمكن يصير شئ وعنادنا هذا اكيد بصير شي منه وكذا ورجعنا والحمدالله ها وسواس جي يسوي وأكثر والحين مغير نفسيتي كثير وكل ماله يزيد كل ما قربت حفله !!!!

المشاركة الأصلية كتبت بواسطة الوردي

منهو اللاعب اللي مات


كم باقي لك و يصير عمرك 21

لاعب اماراتي
شهر 5 بدايه 5؟

المشاركة الأصلية كتبت بواسطة aziz308

وش هالسخافات!!!!!!!!!!!!!!!!!!!!!!!!!!!!!!!
أول مرة اشوف ناس تفكر هالتفكير المبهم مع كامل الاحترامي لكي

الششي سخيف يمكن انتي ما تعيشينه
بسس مب سخيف حقنا نحننن
لانه نعاني سنين و نتعب
ليشش الافكار بايدنا ولا ?
ترى الششي غصبنا عنااا
مخنا اتبرمججج علييه و الوسواس يتغلب علينا