(((((( عايلة نجوم نفساني ))))))

يؤؤؤؤؤؤؤؤؤؤ أخو مروان أسمه فتحي :D :D


ابشر يا صوت الشباب المره الثانيه إن قالت لبزاريني طررررقع طررررقع بحطها حظر , والله يا المياء أحطك حظر ولو لــسااعه واحده :) :D

واهمه اتفقنا ؛)

عسوووووول وسكررررر تدرون ليه ما حطيتكم في المسلسل ؟؟


موفركم عشان بتطلع العايلة طلعة يوم الخميس ونبيكم على الشاهي والقشطه ...


يا سكر ويا عسوووووول ;)

اوووووعك:24: ما تحشرررنيييييييش في الزحمة ده :D



صمود مش حاضره يومياً :10:



هي المــثألة إييييييه مسلسل :32: يا خرااااااااااشي :eek:



،،،،،،،،،،،،،،،،،

سلمك الله ياأخي صوووت العـــــائلة:D :D




تحياتي للعـــــــ:28: :28: ــــــــــائلة

والله انك اسم على مسمى عضو مبدع


بعدين كن شكلي مرتن بالحيل عاقلة وانا ترى مخفة شوي ممكن اودي في داهيه:p

شف لازم ترجعني بيت اهلي مرتن ثانيه عشان نسوي تحبيشه للموضوع لازم فيه اخت عارفه لامور الزواج والا ححرمك من الميراث واتبرى منك:D



واهمه وووولمياء خفوا شوي على العرسان من مصاول هالبزارين

الللللف الحمدلله على السلامة وبعدين يعني انا الحين مثلا مثلا بنت البطة السودة على العموم فكرة خطيييييرة تنفع مسلسل كوميدي رمضان الجاي وبالتوفيق دوماً :27: :27:

السلام عليكم

اهلا اخي صوت الشباب بصراحه عندك خيال واسع .....وتصلح كاتب مسرحيات اي والله وانتي صادقه اختي الخياله اسم على مسمي

ولك تحياتي

صمود ،، فيه حلقات ثانية نطلع فيها عن الزواج ومشاكله يمكن تكونين انتي وغيرك ابطالها ،،، ما تدرين :p


الخيالة ،،، تسلمين على كلامك وبعدين ترى اصلا انتي مسويه زحمه وانتي في بيتك اجل اشلون لو جيتي ،،، لا لا خليك في بيتك وبعدين ترى العبرة بالخواتيم يمكن تجيبين العيد في قيس مسكين مع بنت عمه :rolleyes:


روح الحياة ،،، الله يسلمك بس انتي بعد الحمدلله على السلامه


منيرة ،، عليكم السلام
انتي و روح الحياة من جد اذا تعرفون لي واحد يدعمني اقدر اسوي لي برنامج ولا مسلسل وناااااااااااااسه لا واوعدكم بدووووون دعايات ولا حفايظ ولا لبن ولا شي ...


;)

صوت الشباب ,,


الله الله 000 اللحين انت ليش مشغلني خطابة ؟؟ :mad:

ومن قالك بجيبلك لبنانية 000 ؟ انا اذا بجيب 00 بدور لك على وحدة قطرية 00

وش زينهم بنات ديرتي 00 اخفف شوي من العنوسة 000 ;)

ولا تبي كويتية من ديرة خوالي ؟ 00 :D



لكن لبنانية 00 مرة وحدة 000 لا اسمح لي 00 مااقدر !

وبعدين فكني من لسان هالمياااااااااا هاذي 00

عاجبك قومتها علي ؟؟ :(







+_+_+_+_+_+_+_+_+_+_+



للعلم 00 انا من رأي اختي صفو الحياة 00
انه المهر يكون ميسر وسهل 00 لكن مش لدرجة كونه مبلغ اسمي 00

نادر 00 و خصوصاً في هذا الوقت 00 انه نلاقي الشخص اللي يستاهل
انه البنت تجيه كذا 00 بشنطتها 00 بدون مصاريف و بدون مهر 00

انا مستحيل اعطي بنتي هالشكل 00 ولا بأي حال من الاحوال 00
الا ان كان شخصاً باع الدنيا ليشتري رضا الله و آخرته 00

اي من اتوسم فيه ايماناً 00 و اخلاصاً وصدقاً 00
هنا وحين اطمئن على بنتي 00 ممكن ما آخذ عليه شيء 00

لأني على يقين 00 بأنه سيتقي الله فيها 00



:rolleyes:



+_+_+_+_+_+_+_+_+_+_+_+


واهمه 00

تقفيييييييييييين 00 طااااااااالبتك 00

سوي حق هالمياااااااااااااااااااؤؤؤؤؤؤؤ هاذي حظر 00

عندك اياها 00 تراها لجتنا 00

بس امانه 00 لازم اكون موجودة 00 واشوف 00 عشان ارتاح نفسياً !:D ;)

صوت الشباب 0000الله يسامحك صفوالحياة تؤيد النظره الشرعيه 100%

لكن00 مادام المخرج عاوز كده00أمرنا لله000

صوت الشباب تكفى عطني البطولة المطلقة تراني ممثل متمرس وبعدين هوليوود كانوا يبوني أمثل معاهم بس قلتلهم مرتبط بعقد مع المؤلف والمخرج صوت العقاد قصدي صوت الشباب :D :D :D


المهم شد حيلك تراني أراقبك عن بعد

مثايل ،،

الله الله الله الله الحين انتي قطرية ؟ والله توني ادري احسبك سعودية ، لكن الشرهة ميب علي عليك انتي اللي حتى في التعريف عن نفسك ما تكتبين البلد وتبيني اقرا بين السطور !!!!!!!!!!!!!


صفو الحياة ،،
احمدي ربك وقفت على النظرة ، والله اني بغيت احطك خطابة بس قلت لازم تصيرين اخت العريس .. بتشوفين ليه ..

قيس ،، صوت العقاد هاه ؟ تستخف دمك وانت ما قدرت تشوف بنت عمك ،،، يالله ورنا همتك كيف تشوفها .


وانتظرو الحلقات وبدون دعايات

صوت الشباب ,,,





هذا ان دل 00 يدل على انك لا تقرأ الأسطر من الأساس 00 !









;)

مثايل ،،، هذا ان ان ان دل :rolleyes:


الحلقة الرابعة

( قيس و تابط شرا وصوت الشباب في السيارة )

صوت الشباب : أي عيال ياعيال ،، شوفو اللي بجنبنا شوفو ..

قيس : يا مراهق غض النظر ..

تابط شرا : صوت الشباب ترى انت عندك اخوات ..

صوت الشباب : اخواتي مايلبسون ذا اللبس .. وبعدين ياخوي والله جمال ...

قيس : اقول لا يكثر .. كلمت فيصل ولد عمي عشان اشوف خطيتبي ..

صوت الشباب : قلت لك ماني مكلمه ، ياخوي مالها داعي،، اقوله خل قيس يشوف اختك ؟!!

قيس : ايه وش فيها ولا انت ما نستفيد منك الا الكلام .. ، تابط شرا قصر صوت المسجل خلني اكلم الخياله اشوف كلمت صفو الحياة اشوف اختها ..

تابط شرا : مشواااااااااار وشوله ذا اللفه لو انك خليت شغالتنا تكلم شغالة جيرانهم عشان تكلم شغالتهم تقول لامهم تخليك تشوفها ..

قيس : اقول خلاص اسكت .. هلا خياله ،، سلام ،، كيف الحال اخبار علوم العيال كيفهم ،، والله الحمدلله انا بخير .

الخيالة : كل ذا عشان تبي مني مصلحه ولا ماكان سمعت صوتك .. المهم صفو
الحياة اختها الكبيرة ورااافضه انك تشوف ساره ..

قيس : لييييييييييه طيب

الخياله : والله من حقهم مادام هذي عاداتنا خلاص ..

قيس : بس صفو الحياة فاهمه يعني المفروض تساعدنا .. تدرين خياله .. مع السلامه

الخياله : وش فيك زعلت ؟

قيس : لا ما زعلت بس لقيت فكره مسكته .. والله لاشوفها باللي هي به.. اشوفها يعني اشوفها ..

الخياله : كيف طيب ؟؟

قيس : بعدين تعرفين .. ( وتنتهي المكالمه )

تابط شرا : الله يعينكم يالسعوديين .. انتو مررره معقدين ههه ههه ههه ..

قيس : الله اكبر عاد يالفرنسي .. يعني الحين عشان خطبت لبنانية بتقعد تزعجنا ..

صوت الشباب : يحق لك يا تابط .. بتتزوج فتوش وكبه ومحشي ..

تابط شرا: ليلة خميس طرز بها نور القمر..شط البحر..

قيس : طيب تقدر تسكت شوي يابو نوره عشان اقدر اسمع لمياء .. الو السلام عليكم يااااااارهب اخت في العالم .. انا الحين عند حلويات المصباح السحري .. اليوم جهزي لي حفلة شاهي لك انت واللي يعز عليك .. على حسابي ..

لمياء : اقول فمان الله ماني رايقه لسواليفك ..

قيس : وش دعوه والله ما امزح من جد .. اليوم الاربعاء .. وجبت 18 من 20 في اقوى اختبار عندي ..

لمياء : اقول سلمات من جد فيك شي ولا مصخن ولا وش ؟؟

قيس : تبين تسوين حفله على حسابي ولا لا ؟

لمياء : الا الا الا شي بلاش ربحه بين ..

قيس : حلوووووووو بس هذا موب بلاش ..

لمياء : اجل وش تبي ؟

قيس : ابيك تعزمين بنات عمك ساره وصفو الحياة .. بس وغيرهم لا ..

لمياء : هههههههههاااااااااااااي فهمت الحين تبي تشوفها بالقوه .

قيس : لا مو بالقوه .. بالقهوة ...ههههههههه

لمياء : خلاص تم .. أي شي فيه خدمه انا جاهزه ..

قيس : لا والله مو عشان الخدمه انه عشان البسبوسه .. يالله بس فمان الله ..

صوت الشباب : يلعن ابليسك ياخطييييييييييير ..

تابط شرا : ولو اذا ما تجيك وتعطيك العصير ولا الشاهي ما ينفع ..

صوت الشباب : ياعيال يعيال ... تشوفون العيون اللي اشوفها ..

قيس ( طررررقع على راس صوت الشباب ) : غض البصر ..

صوت الشباب : طيب لا تدف خلاص .. بس والله عيون شي ..

تابط شرا : اقول لاتخليني انزلك هنا تمشي رجلية ..

(( اليوم الاربعاء موعد حفلة لمياء اللي على حساب قيس ))

لمياء : ياااااااااااهلا والله بصفو الحياة وباحلى بنت ساره .. وش دعوه من شوفكم الا بعزايم .. ما نويتو تسيرون ..

ساره :اقوووول الحلويات ذي كذا فجأة وش وراها .. اكيد فيه شي ..

صفو الحياة : شفي !! يا ان في الموضوع ان .. ولا فيه ان .. تكلمي لمياء وش السالفه ..

لمياء : فيه حلويات .. هههههههه ها هاها اضحكو ..

صفو الحياة : ههههههههههه الله يصلحك قلي امين .. على العموم ما قصرتي
والله اللي جمعتينا ..بس وين اخواتك ما اشوفهم ..

لمياء :والله ابد صرفتهم زي ما قالي !!

ساره : منهو اللي قالك ؟

لمياء : هاه اا ايه ضميري يقول لازم اجلس معكم لوحدي ..

قيس ( من ورى الستاره طبعا الرجال قاعد يقز من اليوم ومسوي نفسه بريء ) : لمياء !! عندك احد ؟

لمياء : ايه عندي ساره وصافي .

قيس : الله يحييهم كيفكم يا بنات انشالله طيبين .. لمياء شوي لو سمحتي ..

لمياء ( جت عنده ورى الستاره ) : اخيرا سمعت منك لو سمحتي ..

قيس : والله يا شيخه تستاهلين كل كلمات الثناء والعرفان .. هذي بنت بالله ؟ هذي قمر .. هذي قشطه .. هذي كنافه .. هذي بسبوسه ..

لمياء : وش فيك تعدد الحلويات ياخوي تذلنا يعني بشويه كنافه خذها ما نبيها ..

قيس : ههههههههه لا والله تستاهلون اكثر .. يالله انا باروح اودي قيس السوق والحلاق ومشاااااكل ..

لمياء :رح احد ماسكك ..

قيس : سلمي على ساره .. وقلي لها اني وقفت بباب الدار اسالها عن الحبيب الذي قد كان لي فيها .. قالو قبيل العشا شدو رواحله وخلفوني على الاطلال ابكيها ..


(( في السيارة بعد صلاة العشاء ))

تابط شرا : بالله سرعه قيس باقي اغراض باشتريها .. واروح الحلاق .. والملابس عند المغسلة ..

قيس : بالله ياصوت الشباب قد شفت احد بيروح يخطب متحمس كذا .. اللي يسمعه يقول عريس ..

صوت الشباب : حتى انت تررى ماخرنا .. قبل شوي جالس ساعه تقز في البنت ؟ خلاص هي نظرة ومع السلامه ..

تابط شرا : قيس ، ماعليك منه الضعيف موب مجرب كيف الواحد يشوف خطيبته ..

صوت الشباب : تكفون عاد بالله شوي شوي .. ياعرسان .. ههههه والله العظيم مصدقين ..

تابط شرا : خلاص وقف هنا خلنا ننزل نشتري من هنا بعدين على الحلاق على طول ..

صوت الشباب : ياااا تابط شرا لازم يعني سوق .. خلاص المحلات في الشوارع كثر التراب .. وش بتشتري .. كلها ملابس داخلية و شراب ..

تابط شرا : وشماغ وعطر وجزمه وطاقيه منخل ..

صوت الشباب : ليه وطاقيتك وش فيها .. ولا ميب على الموضه

تابط شرا : ياخوي انت وش حارق رزك تبي تنزل انزل ما تبي ارتاح هنا لين نجيك ..

صوت الشباب : لا بانزل بانزل .. على الاقل اكحل ..

قيس : ياخي انت قليل ادب .. والله لو اشوف منك أي شي كذا ولا كذا ان ترجع رجلية ..

صوت الشباب :بتذلنا انت بسيارتك .. ترى الزم ماعلي كرامتي .. وبعدين انا ماقلت باعاكس ولا باضايق احد بس اكحل عيوني بعيون الغزلان ..
(( الشباب دخلو اول محل ))

تابط : لو سمحت ابي ملابس داخلية ..

صوت الشباب : المحل مكتوب عليه ملابس داخلية يعني وش تتوقع يبيع رز بخاري ..

البايع : هههههه كل حاقه موقوده .. عنطنا اصيل ،، دفه ،، برومان

صوت الشباب : عطه ارخص شي تراه له 3 شهور ما استلم مكافاه ..

البايع : ولا يهمك كل شي عنطنا رخيص .

تابط شرا : قيس والله لو خلينا صوت مع العيال في الكوفيشوب كان احسن ..

قيس: الا والله لو خليناه في السياره تحت ..

صوت الشباب: وش اللي خليناه وخليناه .. وش شايفيني .. كرتون طماط .. ولا اسطوانه غاز ..

تابط شرا : طيب لو سمحت ابي عطر كذا هادي يعني زي روما مثلا بس مايكون يبقع في الملابس ..

البايع : شوف هذا ممتاااز .. ومطلوب ودوبه نزل عندنا من اسبوع بس ..

صوت الشباب : هذا والله انه زي اللي عند همس الغمام .. بكم هذا خلنا نشوف شكل اللي باع لها لعب عليها ..

البايع: هذا نبيعه ب 50 لكن عشانكم زباين 35 ريال ..

صوت الشباب : هههههههههههههههههههههه قايلكم ذا البنات مخفات ..

البايع : ليه عشى ما سر ..

قيس : اختنا شرت نفس النوع هذا ب 135 ريال ..

البايع : ياخي اكيد ماكان معها رجال صح ؟

صوت الشباب : انا اخو الخيالة اخووووها . اختي تروح السوق ما معها رجال ..

تابط شرا :ارفق ارفق يا العندليب الاسمر .. امي كانت معها ..

صوت الشباب : لا والله ؟ يعني حليتها اليحن امك رجال ..

قيس: ياخوي خل هالسواليف بعدين .. الحين ليش يالاخو تبيعونه قبل شهر ب135
والحين 35

البايع : صراحه تبغى الحقيقة .. نحن نبيع على البنات بسعر مرتفع ..

صوت الشباب :شفتو قلت لكم الرجال مهما كان له هيبه عند البياعين وعند اللي يدورون في الاسواق .. بس ليه البنات بسعر مرتفع ..

البياع : شف طبعا مش كل البنات زي بعض لكن غالب الحريم ..اذا شافت السعر منخفض ما تشتري واذا شافته عالي تشتري ..

قيس : عاد انتو الحضارم محد يوصيكم ..

تابط شرا : المهم عطنا غيره .. ما يصلح ..

صوت الشباب : اثره مو بس البنات ..

تابط شرا : وش قصدك

صوت الشباب :قصدي بسرعه ترى الساعه الحين 10 والى الحين ما خلصنا .

تابط شرا : يالله بسرعه عطني هذا اشوف ..

صوت الشباب : انا باطلع شوي اتمشى .. والوعد عند السيارة ..

قيس : توك ولد قبايل .. وما تحب اللي يدورون في الاسواق ..

صوت الشباب : والله انا قلت لكم واحنا تحت انا انسان ما احب الاسواق بس مادام ا
ني دخلت باتمشى شوي .. وحد الله بيني وبين الحرام ترى امزح معك .. ولو

(( طلعو من السوق ومتوجهين الى الحلاق ))

قيس : الحين من جدك انت مصدق انك عريس لازم حلاق فيه حمام ..

تابط شرا : هو موب لازم لازم بس احسن ..احس اني قوي ..

صوت الشباب : اقول وفر فلوسك بس ترى بكره بترفضك البنت ..وترجع تشاحذني .. عطني اشتري جريده .. وعطني اسدد الفاتورة ..

تابط شرا : فال الله ولا فالك .. لكن تدري بس عشان الوقت خلاص رح أي حلاق ..

( في الحلاق )

التركي : تبي الشعر كيف ؟

تابط شرا :خفييييف مره والدقن تحديد ..

التركي : خفيف يعني فرزاتشي ..

تابط شرا : لا لا تخفيف

التركي : يعني اعمل لك من هون شويه تخفيف ومن هون ..

تابط شرا : ياخوي ما تعرف تخفف ؟

التركي :بلا بس انا كان فكري اعمل قصه يعني ولا شو ؟؟

تابط شرا : ايه طيب معليش خفف وبس ..

قيس : قايل لك ذا الاتراك يحبون يتفلسفون .. لو انك رايح عند الفلبيني اللي عندنا كان اصرف ..

التركي : لا بس لانه هو شكله بيركب على الفرزاتشي فقلت يمكن هو هيك بده .. لانه فيه ناس بتعمل فرزاتشي وكمان شكله حلو على الفرنسي ..

قيس : ولا سو له قصة الاسد ..

صوت : هههههههههه كح كح كح كح ياااقدمك

تابط شرا : لو سمحت استعجل شوي ...

التركي : ابشر .. والدقن كيف حاب يكون .. سكسوكه ولا خنجر .. ولا زيق وقطره .. ولا شو

تابط شرا : اقول شباب والله ذا بيخربني .. لا حبيبي بس حددها وخففها شوي طيب

التركي : ابشر اللي يريحك ..


(( يوم الخميس بعد صلاة العشاء ))

البتار : في الحقيقة احنا جيين نخطب بنتكم عالية لولدنا .. قيس ..

ابو هاشم : والله يا بتار نسبكم شرف لنا .. لكن في الحقيقة احنا والله ما عندنا
بنات .. هم ولدين واحد في سويسرا والتاني هون عمره 15 .. وبنات ما عندي ..


ططططاااااااااااااااااااط (( الواهمه جابت العيد ))

نشوف الحلقة الجاية وش السالفه

واوعدكم بدون دعايات
;)

هههههههههههه الله يقطع إبليسك يا صوت الشباب
أقول

اذا يمديك تزوجني أربع طقةٍ وحده ترى ما نقول لا

الحاج متولي على غفله :D :D :D

أولا

يممممممممممممممممممممممااااااااااااااااه يماه يمه ..هئ هئ هئ.. شوفي إخواني قاعدين من صباح الله يهزئون ويزربون فيني ويهددوني بأحظرك ما بأحظرك غايرين مني ذا الدبـيـين عشاني دلوعة الماما ..طبعا آخر العنقود سكر معقود ...انقهروا ميــــــــــــــر:19:

بعدين( قيس) لا لا مسكتني بالهال الكنافه ..لا لا أبيك تعشيني في مطعم جبال الألب ..ماعلي منك بعد تعبت وأنا أصب لسويّر وصافي القهوة والشاهي تمصّعت كتوفي ياعمري أنا ....:9:





______________________________

البتار : في الحقيقة احنا جيين نخطب بنتكم عالية لولدنا .. قيس ..

أقول هما قيس بيخطب ساره ...وش وداه لعاليه

قيس : ههههههههه لا والله تستاهلون اكثر .. يالله انا باروح اودي قيس السوق والحلاق ومشاااااكل ..

الله يصلحك يا أبو الشباب مين بيودي الثاني للسوق ..يا أخي ركز وإنت تكتب

ولا كبر راسك من هالمدح اللي جاك وماقمت تشوف وش تكتب :D