|
|
|
20-11-2002, 08:14 PM
|
#61 | |
|
عـضو أسـاسـي
|
أهلييييييييييييييييييين
ومن قالكم إني موافقه على زواج جدي ..لا لا لا لا وش بيقولون عنّا النـــاس جدهم هذا كبره وأعرس لا لا لا.. بعدين ما أرضى بوحده تحل محل جدتي لا لا لا ..غير كذا جدي البتار وش ناقصة عشان يعرس لا لا ....أنا أرفض ومستحيل تتم هذي الزواجه ..فاهمين مستحييييييييييييييل وما أكون لمياء إذا ما فركشتها :mad: على فكرة تأبط شر تراك غطيت على صوت الشباب ..بس معليش اسمحلي زوجتك عاليه مستحيل يوم من الأيام إني أتقبّلها أو أكون صديقتها ومستحيل أحبها محبتي لسارة زوجت قيس.....وإنت تعرف ليششششششششش:mad: أصلا منيب حاضرة عرسك ...لا خلاص لا تحاول وأخيرا أخوي صوت الشباب أخي العزيز اللي زواجته بتكون على إيدي بإذن الله إسمع إذا جيت بتروح السوق علمني أروح معك تكفى عشان إنت تروح تقز من جهه وأنا أروح أقز من جهه :o إيه ولا تسويلي فيها غيرة ومحارم هماك تقز بنات الناس :2: (( يمه .. لا إن شاء الله بسم الله علي الرحمن الرحيم ....الله يثبتي على طريقه المستقيم ولا يبلاني بما ابتلى به غيري ..والله يستر علي وعلى بنات المسليمن ..بس حبيت أوجه رسالة لكل شاب معاكس أيا كان و أعتقد إنه فهمها ....)) نحن بانتظار الحلقه القادمة بس تراكم صرقعتوبي يالمصرقعين :D |
|
|
|
20-11-2002, 08:28 PM
|
#62 | |
|
عضـو مُـبـدع
|
اقول لمياء ترجميلي شو معنى:
صرقعتوبي وبعدين هااه هااه :5: كل ولا حرمتي خلاص ماشيء لا اوديك لا منه ولامنه وانت اصلا مب معزومه على عرسي ؛) ويا صوت مبرووووووووك انا كنت بقول للوالده تدور لك عشان هيه فاهمه وتختار زين بس الظاهر انك خلصت شغلك |
|
|
التعديل الأخير تم بواسطة تابط شرا ; 20-11-2002 الساعة 08:32 PM
|
|
20-11-2002, 09:15 PM
|
#64 | |
|
عـضو أسـاسـي
|
تابط أجل وحده بوحده
اسمع صرقعتوبي ..من صرقع ..اللي وصفه مصرقع فنقول هذا رجل مصرقع ..يعني يصرقع بالناس عساك فهمت شئ لا لا عاد صرقعتوبي يعني هبلتوبي جننتوني هاه معلوم صديق في هادا كلام :D بعدين أفا ترضى تتزوج وأختك ماتحضر عرسك أفا هئ هئ هئ .....مير اوريك إما هبلت بعالية ذا اللبنانية وجننتها وإمّا طلعت النخل في راسها ما أكون لميوه :32: |
|
|
|
|
20-11-2002, 09:52 PM
|
#65 | |
|
عضـو مُـبـدع
|
لمياء الحمد لله الحمد لله فهمت بس بعد ما تصرقعت;)
اقول لو ما ودرتي حرمتي ترى:mad: المهم يا اختي الصغيره انت اول الحاضرين اذا سمعت الكلام وحطيت حرمتي فوق راسك كم لمياء عندنا خلاص لا تصيحين اخاف امي تيجي وتروح عليه بس خلاص قومي سويلي شاهي او بقول لرفقاتك لما يتصلو لمياء محد و ماراح اخبرك |
|
|
|
|
21-11-2002, 04:50 AM
|
#66 | |
|
( عضو دائم ولديه حصانه )
|
الحلقة الخامسة ( الاخيرة ) ;)
طق طق طق طق طق طق طق طق هيا وهاي وهيا .. اها .. هيا وهاي وهو اه اه واهمه : لمياء وجع وش ذا الشريط يااااااقدمك . الخيالة : الحين بالله مزعجتنا باجيب لكم حفلات حلوه وازعجتينا والحين هذي اخرتها .. طلعو الشريط طعلووه .. لمياء: لا والله ماعليكم ،، حطو الوجه الثاني يمكن هذا قديم شوي .. جنا : قديم شوي ،، الا خلاص انقرض الله يسلمك حطو الوجه الثاني نشوف .. اساهير : هذا الوجه الثاني .. عريسنا يا بدر بادي ،، .... ليالينا الملاح القريشية : اقول لميووووه هذا بالله شريط .. طلعوها طلعوها برى رحي العبي مع البزارين برى يالله لمياء : لا تقعدون تنفخون علي عشاني صغيرة .. هذا احسن من وجيهكم .. خلاص بكيكم تبون تطلعونه طلعوه (يقالها زعلت ) ( اهات " الزميلة المفضلة لساره " جابت شرط مسكت استااانسو عليه النسوان ) اهات : بنات ... تفضلو العصير .. وردة : تسلمين يا اهات .. نخدمك في عرسك انشالله اهات :ايه خير انشالله همس الغمام : اللي عنده سكر لا ياكل ..(جايبه شوية حلويات ) مثايل : الله لا يجيب المرض .. بس ترى مضر بالصحه .. لينا محمد : اقول مثايل ..بالله فكينا .. خليها على الله المستبدة : ياعروسه ما سمعنا صوتك .. غريبة : هي عروسه وحده ماشالله .. ثلاث اللهم لا حسد .. انماااار : يالله نبي من كل وحده تقولنا وش مشاعرها في هذي الليلة السعيدة . . عاليه : انتو ..عمركم ماشفتو عرايس .. حلو عنا .. بدنا نفس بس ..يالله كل وحده تروح تاخد كرسي وتجلس .. وبلا كترة لعي .. لمياء : ياااربي وتنفخ بعد .. انا والله ماني مرتاحه لها من يوم شفت شعرها ... ام احمد : هاه يابنات وش عندكم .. متجمعين على العرايس ..يالله وخرو خلو الناس يشوفونهم .. وخرو .. يالله لمياء اتصلي على صوت الشباب .. قلي له جا العشا ولا الى الحين .. وتستمر الحفلة والنسوان يتفرجن في الحفلة .. وطبعا شلة نفساني مجتمعين في زاوية .. والشاهي والقهوة نظرة امل : واااخزياه شفو ذا البنت شلون لابسه لاحووووول .. ما تستحي على وجهها روح الحياة : وين اللي لابسه اخضر .. فاطما : شفيها ذيك اللي شعرها احمر .. النجمة : لا لا شفو ذيك الطويلة الخبلة اللي نازلة ترقص مدري وش تبي .. ( والبنات يضحكون ) ام مروان : بنات مايصير تقعدون بس تتكلمون على بنات الناس اللي صادقه تروح تكلمها ولا تنصحها .. لا تغتابون جروح تبتسم : بس شفي يا ام مروان شفي هاللي الحين نزلت وش لابسه .. ام مروان انتي ام العروسه ولك حق تسوين شي .. ام مروان : لاااااهالشي ما ينسكت عليه ابد ( وتروح ام مروان وتمسك المكرفون و وتفجر الكلمة ) : الله يحيكم كلكم واحنا سعداء بتلبية الدعوة .. لكن رجاء البنات اللي لابسين ملابس غير لائقة ما ينزلون .. والله يحييكم كلكم .. ام احمد : ام مروان تدرين هالبنات ما ينفع معهم .. وقفو الرقص كله .. ام مروان : ايه بس مايصير عاد نسكتهم .. نبيهم يستانسون .. ام احمد : تبينهم يستانسون .. جبي المكرفون وعطيه لمياء وخليها تسوي البرنامج اللي تبيه وبتشوفين كيف بيصير عرسنا .. واذا صارو بيطلعون العرايس زفيناهم .. ام مروان : اللي تشوفينه .. لمياء تعالي هاك المكرفون تصرفي .. لمياء : هات انا اوريكم .. سيداتي اانساتي .. وبعد ان فليناها .. يسرنا ان نكون متميزين بتميز عرايسنا الليلة .. ( لمياء صراحه صعبة تقول زي ذا الكلام لكن المخرج يبي كذا ) والان نلتقي بعرايسنا الليلة ونشوف وش رايهم .. ساره وش شعورك ؟؟ ساره : والله الحمدلله شعورنا شعور أي بنت تتزوج .. يعني الحمدلله الله يوفقني في هالزواج ويقدرني اكون اسرة سعيدة .. وو لمياء : طيب وش شعورك .. لو الحين اعطيك حلاوة هدية من عريسك .. ساره : شكرا .. مدري صراحه وش اقول لمياء : الف الف مبروك ننتقل الان الى وحده ثانيه يقولون اسمها عاليه.. يالله تكلمي .. وش فيك ليه تزوجتي .. عاليه : الله يبارك فيك .. انا تزوجت لان هذي سنة الحياة والحمدلله قضاء وقدر يعني .. والشدة على الله لمياء : شدي حيلك .. شدة وتزول انشالله ،،،،،، ننتقل الى عروسه جديده .. هي ام اللي قبل شوي عاليه .. هلا .. انتي كبيره وتزوجتي ماهو شعورك .. وكيف تم ذلك بنجاح .. ام عاليه : والله الحمدلله .. كله كان بتوجيهات من الجهات العليا .. والثبت البتار انه رجل يعني .. وهذي الكوره فوز وخساره .. لمياء : الف الف مبروك .. انساتي سيداتي .. والان ننتقل الى مشهد تمثيلي من تاليف مثايل .. وتمثيل لمياء و اساهير وهمس الغمام .. ( يبدا المشهد ) لمياء : امي ..يامي .. لا استطيع ان اكون وحدي هنا .. اريد ان تنامين معي هاهنا .. همس الغمام : يا بنيتي نامي لوحدك .. تحملي يابنيتي فان ابوك لن يقبل .. تهئ تهئ تهئ اساهير : امي .. امي .. هيا بنا لقد تنوم ابي في المستشفى .. هيا لنزوره .. لمياء : هيا هيا همس الغمام : تعالو .. تهئ تهئ .. لن يصلح .. اننا يجب ان نذهب بكره .. لان الزيارة الان سكرت .. تهئ تهئ ( وتدخل القريشية تخرب المشهد ) القريشية : اقول من جدكم انتو ؟ وش ذا المشهد ؟؟ اقول رحو اجلسو بس استريحو .. احنا في حفلة ولا في عزا .. لمياء : لا لو سمحتي دعينا نكمل المشهد .. ( يعني الممثلة مندمجة في الدور ) القريشية : اقووول بلا دعيني ما دعيني .. يالله بس هات المكرفون .. اهلا بكم مره ثانيه .. حقيقة ولانكم نساء .. ولا يحق لنا ان نسلبكم اهم واروع هواية عندكم ... لذا فقد قررنا ان نمنحكم فرصة تمارسون هوايتكم .. حشو .. وقطعو في الاوادم .. و لكم بس نص ساعه .. احنا نعرف انها ماتكفي لكن الوقت ضيق .. ( اما عند الرجال فالوضع مختلف تماما ) صوت الشباب : ابو مروان .. هاه متى قالو العشا ترى اهلي يسالون .. ابو مروان : انشالله الساعه 10 هدهد سليمان : الف مبروك اخوي البتار .. والله زين ماسويت .. ياليتنا مثلك .. البتار : الله يبارك فيك شد حيلك عاد .. عبياني: مبروووووك قيس ،، والله فرحنا لك ، عاد اسمع نصايح مجرب.. اذا جيت بكره ............... قيس : الله يبارك فيك ،، لا تخاف علي اشوى اني قريت 13 كتاب عن ليلة الدخله .. شراني : تابط شرا ،، يقولون انك تزوجت ؟ شد حيلك .. مابعد الشده الا الرخاء تابط شرا : الحمدلله على كل حال .. هذي حال الدنيا .. عسول : أي والله وابن ادم مثل البشر اذا مات توفى .. صوت الشباب : اقول كنك تستخف دمك يا عسول ترى تقدر تروح تتقهوى مع الشباب .. ابو مروان : ساكن الرياض ،، وين القهوة تعال صب للعرسان .. ساكن الرياض : هذااااا شاهي نعناااع لعيون العرسان .. ( في احدى جلسات الاستراحه الجميلة ) د.انسان : لو سمحت .. نعناع لو سمحت مقرقع البيبان : الووووو ياخوي .. انت اطلع مع المخرج .. بتشوف لوحة كبيرة على يسارك مكتوب عليها استراحة نفساني .. ايه خلاص خل اللوحه على يمينك و امش الين تجيك الاستراحه على اليسار .. مشعل : اقول شباب .. ما سمعتو فيه لعب اليوم ولا لا ؟ ( ولا زال الاطفال يلعبون في تلك الساحة الخضراء الكبيرة ،، والشباب في جلساتهم يتسامرون .. والشيبان يتذاكرون بطولاتهم السابقة ،، والعرسان كل على همه سرى ) وحانت الزفه ،، وكل واحد من العرسان ياخذ حقته ويروح البتار :انا قايلكم الزفه في الهايلكس حقي ماني متخلي عنه ابد .. انا موصي صوت الشباب يغسله وساكن الرياض بيودينا بيتنا على طول .. صوت الشباب : هاه قيس جاهز يالله ترى العروسه بتطلع .. قيس : بشر وش استاجرت لي .. كدلك ولا بي ام .. صوت الشباب : اقول لا يكثر .. مستاجر لك فورد وتخب عليك .. قيس : ليه وانا عطيتك 1000 ريال .. صوت الشباب : ياخوي طفرت وتعرف حلقت .. و شريت اغراض لي المهم موب الحين نتحاسب بعدين بعدين .. يالله امش طلعت العروسه ترى .. تابط شرا : هاه عمي ابوهاشم ،، مشينا ؟ ابو هاشم : يالله يا ابني .. عاليه طالعه مع العرايس .. تابط شرا : اصصص لا تقول اسمها لا احد يسمعك .. هذولا محارمنا الله يخليك .. ابو هاشم : هههههه الاخ سعودي تابط شرا : لا والله اماراتي .. اف ام أي خدمات .. ابوهاشم : خفيف دم على عادتك .. يالله يالله مشينا .. (( وكل واحد راح بزوجته وهم مبسوطين واحلى ليلة زفاف في العالم .. وكل واحد مخطط على سفره )) تابط شرا ناوي يروح بيروت ( من الحين تحكمت فيه زوجته ،، وهذا اللي قاهر لمياء اكثر) قيس حاجز على ابها البتار يقول زوجتي الجديده كلها لو حرجت عليها في سوق الكمبيوتر ما جابت قيمة تذكرة .. نقعد في الرياض ونمشيها على كورنيش القمامه ( قصدي الثمامه ) واهم شي اني معها في مكان واحد .. ((( ولا زال صوت الشباب والكثير معه .. الكثير الكثير .. لازالو في الاسواق يبحثون عن عواطف .. وافضلهم حالا ، لازال في بيته يتقلب اخر الليل تقول ماكل ملحوس .. على قولة الشيخ سليمان الجبيلان ))) انتهت حلقات مسلسل نجوم نفساني .. ولكن مسلسلات صوت الشباب .. باذن الله ستستمر واعدكم .. بدون دعايات تحيااااااتي |
|
|
|
|
22-11-2002, 05:50 AM
|
#68 | |
|
عضو نشط
|
ايه والله ياخزيـــاه..
بعض بنات هاليومين.. تجي الزواج لابسه لبس تقولون شاحذته ولا لقت قماش تكمل فيه الفستان.. لا ولو صارت من اهل العريس تلاقون اخوها يدخل عند ذا الحريم ويشوف البلاوي اللي لابستها اخته ولا يقول شي.. ويـــن الغيــــره؟ .................................................. .............................. بصراحه تنفع مؤلف.. بس الله يهديك وراك ما جبنتي إلا بالحلقه الأخيره؟ وبعدين ترى مسلسلات رمضان ثلاثين حلقه مو خمس حلقات.. بس والله حلو..(مصالح..:D نبي بطوله المسلسل الجاي!  لا واللــــه جد جد حلو.. وفي إنتظار مسلسلات اخرى.. وبدووووون اعلانات..:) :37: |
|
|
|
|
22-11-2002, 05:52 AM
|
#69 | |
|
عـضو أسـاسـي
|
ماشاء الله عليك ياصوت نفساني ...
فعلاً روعه .. بس كنه هالميووووه ماخذه البطولة ؟ :mad: و بعدين كله كوووووووم ... وهاالجملة هاذي كوووووم .. ""وحانت الزفه ،، وكل واحد من العرسان ياخذ حقته ويروح "" !!!!! شنو يعني ياخذ حقته ويروح ؟؟ شنطة هي ولا سيارة ؟؟ :D :D عموماً .. يعطيك العافيه .. و ان شاء الله ربي يرزقك بنت الحلال .. المناسبة على يد اختك ...... لمياؤؤؤؤؤؤؤؤؤؤؤؤ ... :3: منت معطيها دور البطولة ;) .. وبانتظار مسلسلاتك القادمة ... تحياتي ؛ مثايــــل .. |
|
|
|
|
22-11-2002, 06:13 AM
|
#70 | |
|
عضو نشط
|
أحلى صوت الشباب
والله حركات هالمسلسل ..... بصراحة أحلى دور في المسلسل هو دور قيس بن الملوح ... وكان يستاهل البطولة المطلقة بس شسوي قلت لازم أخلي الشباب الصاعد يطلع على أكتافي .:D :D على فكرة انا مرشح للحصول على جائزة الأوسكار لأفضل دور رئيسي :) ما أقول إلا الله يعين زوجتي علىّ .. هههههه المشكلة أني مسوي البيت مثل الفندق ما أجيه إلا آخر الليل عشان كذا شكله زواجي بيطول إلين ما أبطل هالعادات .. |
|
|
|
|
22-11-2002, 06:55 AM
|
#71 | |
|
( عضو دائم ولديه حصانه )
|
صفو الحياة ... :rolleyes: انتي تدرين ليه ما طلعتي في الحلقة الاخيرة
انتي اللي كنتي عند المطبخ تسوين زحمه ويعني انا اللي منظمه الحفلة وانا اللي اسوي كل شي .. وزحمه يعني :p نظرة امل .... وين الغيره ؟؟ وش الغيره ؟؟؟ غيره غيره غيره ؟؟ انا سامع بهالكلمه قبل كذا ياربي ويييين .. يوووه نسيت المهم ان الظاهر فيه شي اسمه غيره .. بعدين تدرين ليه ماجبتك الا الخيرة .. لانك انتي الله يهديك تاخذين على الحلقة 400 واللي في الحلقة كلهم من اولهم الى اخرهم ما كلفوني 35 ريال لا ومعهم مسطره هديه :D مثايل ... لمياء ما اعطيتها دور البطوله هي اللي اخذتها .. تعرفينها مسويه زحمه في كل مكان ،، بس لا نغتابها الضعيفه .. استغفر الله استغفر الله ،،، اما ان زواجي على يدها ، والله مدري ومن جد تكفون والله ان هذي اهم دعوه عندي (( الزوجة الصالحه )) فهي خير متاع الدنيا ... والله مابي من الدنيا الا زوجة مؤمنة بربها وبامره راضيه بحكمه قيس ،، اقول لا تصدق نفسك ترى احسن دور في المسلسل دور عاليه لسبببين : اولا لانها زوجتك ترى لو سمعتك تقول انت احسن منها بتخلي عيشتك كحلي منقط باسود ... السبب الثاني عشان تنقهرررر لمياء اخيرا احب اقول لكم ان المسلسل لم يكن مجرد استعراض او نكته .. بل غايته اكبر ولكن المشكلة ان صوت الشباب لا يصل بعيدا ولا يدوم طويلا .. ولكن باذن الله سيبقى صوت الشباب ينادي حتى يسمع .. وانتظرو القادم قد يكون سهرة من حلقة واحده فقط .. وايضا بدون دعايات :) |
|
|
|
|
22-11-2002, 09:07 PM
|
#72 | |
|
عـضو أسـاسـي
|
ياشييييييييييين الغيره
مثايل يا أختي أنا فيني كل المقومات إني أقوم بدور البطوله ليش إنتي متضايقه هاه ليش غايره :D بعدين صوت الشباب أجل ماكلفناك إلا 35 ريال :mad: اقول نظرة أمل تعرفين ليش أبو الشباب أنهى المسلسل بسرعه ..عشانه فلس ...بس يوم عرض المسلسل كسب ..عشاني أنا فيه ... بس تصدق يا أبو الشباب قمت بمحاولة علاج بعض المشاكل بأسلوب جمييييييييل جدا ومضحك ..يا أخي والله إني أٌقرا وأضحك ..أهلي يقولون وشذي إنهبلت ....بس للأسف في شئ ماعالجته وبأعالجه أنا وألحين يالله بسم الله _________________________ عاليه : تأبط شر بديّاك تكتبلي البيت بإسمي تأبط : أي بيت ...ياعاليه هذا بيت أبوي مو بيتي عاليه : أيوه عارفه أنا بأأصد ((بأقصد )) لما يموت جدك الكبير تكتبلياه باسمي تأبط : وإخواني وخواتي ترى لهم حق في البيت عاليه : ماتشيل هم أنا عندي فكرة بتخلي أبوك الإكبير يوقع على ورقه تنازل لك عن البيت والحلال كله تأبط : وشلون عاليه : ماتستعجل ------------------------------------ راحت عاليه عطت أمها ورقه تنازل وقالت ماما بديّاك تلعبي بعقل عمو بتار وتخليه يوقع الورقه وطبعا لعبت الأم بعقل جدنا البتار ووقع على الورقه..وبعد كذا -------------------------------- عاليه : تأبط بدي أزور لبنان إشتأتلاّ (( إشتقتلها )) تأبط: عاليه معليش خليها في وقت ثاني عاليه : شو شو شو إلك عمبتعارضني تأبط: لا لا والله بس علولتي ماعندي دراهم عشان نسافر عاليه : شو شو شو سمعني شو إلتا (( نسافر )) مين اللي بيسافر تأبط : انا وإنتي عاليه : لا لا أنا بدي أسافر مع الماما وبس ..أنا حاسه إني زهإت ((زهقت)) منك بدي أسافر ونغيب عن بعضنا شوي عشان نشتأ ((نشتاق)) لبعضينا تأبط: طيب طيب بس بس ماعندي قروش عاليه : إستلف من إخواتك ولاّ رفأاتك (( أصدقائك )) تأبط : طيب طيب خلاص بس أهم شئ ماتزعلين <=== ((طبعا مو المره ساحرته)) --------------------------- وراح تأبط وقط وجهه على إخوانه وأصدقائه وعطوه كم فلس وراح قص التذاكر لعاليه وأمها لبيروت وفي درجه أولى بعد (عشان عاليه تبي درجه أولى)وأخير سافرت عاليه وأمها .....وبعد أيام على سفرهما --------------- تأبط : ياربي ما اتصلت عاليه مثــــايل : عادي يا تأبط بتتصل عاليه لا تقلق ..عاليه صديقتي أنا أعرفها إذا حبت الواحد مستحيل تنساه ولو للحظه ..بتتصل بتتصل لا تخاف لمياء : يمكن الطياره طاحت بهم ....ياسلااااااااام ياليت تأبط : أٌقول إنطمي يا لميوه ..جعلها تطيح بك الطياره ولا تطيح بعاليه لمياء : كذا طيب تفضل زوجتك علي ...أقول جعلها كفوك ..وكفو اللي أختارتها لك البتار : والله الله يستر حتى مرتي ماكلمت تطمني ----------------- في هذا الوقت دخل أبو الشباب :خذ يا تأبط هذي رساله من لبنان تأبط : صدق أكيد من عاليه عطني عطنياها أبو الشباب : أول عطني الحلاوه تأبط شات أبو الشباب بغى يفقع بطنه وأخذ الرساله منه وفتحها وبدا يقراها ___________________عزيزي تأبط_____________ أرجو أن تكون بخير ...تأبط أرجو أن تتمالك أعصابك وأنت تقرأ رسالتي لقد حدتني الظروف أن أرسل إليك لأخبرك أن عودتي الى السعودية وإليك مستحيله ...فأنا سأهاجر إلى أمريكا بصحبة ابن عمي اللذي سأتزوجه بعد أن تبعث بورقة طلاقي ...ولإحتياجي للمال اضطررت لبيع منزلكم .. كما أن والدتي ستسافر معنا لعالجها من مرض السكر وأنا آسفه جدا جدا لما سأسببه لكم من أذى تحيات محبتك عاليه بس إياني وإياك تنسى ورقه الطلاق إبعتلياها بسرعه ..ابن عمي مستعجل على الزواج ___________انتهت الرساله __________ تأ[ط : لا لا لا مستحيل مستحيييييييييييييل وانهار تأبط شر البتار : طيب والبيت وحلالي حسبي الله عليهم حسبي الله عليهم وسقط الجد مستسلما فليس لديه حيله سوى الصمت ----------------------- بعد دقائق جرس الباب يرن راح أبو الشباب فتح الباب ..طلع رجال يصارخ : أٌقول وش جابكم في بيتي أطلعوا أطلعوا أبو الشباب: هذا بيتنا الرجال : أقول ظف وجهك توني شاريه وهذا صك البيت بإسمي يالله بره البتار : طيب عطنا كم يوم نشوف وش السالفه وتصلح أمورنا الرجال : أٌقول أطلعوا الحين عيالي معي ولا بأطلب الشرطه تكرشكم بره البتار : خلاص خلاص بنطلع الرجال :يالله بررررررررررررررررره ____________وفي الشارع __________ تأبط شر معه وردة ويقول : تحبني ماتحبني تحبني ماتحبني وقيس راح لبيت أهل زوجته سارة (( لأن ساره ماهان عليها تترك زوجها قيس في الشارع __طبعا بنت حموله وسنعه )) وأبو الشباب منسدح على الرصيف ويقول : ياليــــــــــــــل ما أطولك ومثايل واساهير قاعدين يقرون في كتاب كيف تجتاز الأزمات ولمياء : أنا قارصني قلبي وعارفه إن ذي اللبنانيه ماوراها خير يالله عاجبك كذا يا تأبط عاجبك منظرنا في الشارع ..كله منك ومن أبو الشباب اللي عرض فكرة الزواج ياربي وش يقولون عنا الناس صرنا فقراء في الشارع ..حسبي الله على ابليسك يا تأبطوه على هالبنانيه المنحوسه أم أحمد : قاعده تدعي ربها إن الله يفرجها وفعلا جت خياله واهمه بأزواجهم وشالونا من الشارع وأنقسمنا نصنا راح مع خياله ونصنا راح مع واهمه وأنا عاد رحت مع خياله عشان ما يزعجوني عيال واهمة _______________وبعد سنوات ___________ استفاد أبو الشباب من تجربة إخوانه ..فجدّ في دراسته حتى تفوق وحصل على الدكتوراه وعمل في الجامعة كأستاذ وتزوج من صديقه لمياء وكون بيتا وأسرة سعيده أما قيس فخرج من بيت أهل زوجته وأستأجرله شقه وعمل في ورشه كميكانيكي حتى يسدد أقساط الشقه بعد ذلك تطور وأصبحت الورشه ملكه وهو مدير عليها مثايل وأساهير تزوجوا من رجال صالحين وسنعين وتجار ...وعاشوا في حياة سعيده لمياء سافرت مع جدها ووالدتها أم أحمد ..لتكمل دراستها ..ولتعالج جدها البتار واهمة وخياله ..أصبح لديهم مجتمع بزارين وحياتهم مستقرة جدا ويأتون لزيارته إخوانهم وأخواتهم كل خميس أما تأبط فمازال في رصيف المطار حيث رفض دعوة إخوانه وأخواته للمكوث معهم ..وظلت الورده في يده ويقول : تحبني ماتحبني تحبني ماتحبني وهكذا وهكذا هي الدنيا تدور وكلن يلقى جزاء عمله :rolleyes: |
|
|
|
|
22-11-2002, 10:29 PM
|
#73 | |
|
( عضو دائم ولديه حصانه )
|
لمياء ،،
والله انك مشروووووووع بس موب مشروع مؤلفة ،، مشروع انشاء مجمع تجاري بس صراحه احسن مشهد في العالم (تأبط شر معه وردة ويقول : تحبني ماتحبني تحبني ماتحبني وقيس راح لبيت أهل زوجته سارة (( لأن ساره ماهان عليها تترك زوجها قيس في الشارع __طبعا بنت حموله وسنعه )) وأبو الشباب منسدح على الرصيف ويقول : ياليــــــــــــــل ما أطولك ومثايل واساهير قاعدين يقرون في كتاب كيف تجتاز الأزمات الى الاماااام يالمياء بس ارفقي على اللبنانيات شوي ترى مو كلهم مثل اللي تشوفينهم في المسلسلات .. زينا موب كل بناتنا مثل اللي في مسلسلاتنا .. كلهم حثالة :cool: |
|
|
|
|
22-11-2002, 11:00 PM
|
#74 | |
|
عضو نشط
|
وش ذا يا لمياء من وين جبتي كل هالإبداع؟
والله انك تحيــــــــــفه.. إسمعي لازم تسوين مسلسلات ثانيه وتعطيني البطوله المطلقه.. تعرفين نجمه هوليوديه مثلي تاخذ 400 على الحلقه لازم تصير بطولتها مطلقه.. بس باراعيكِ بالسعر لأنك مبتدئه ولاني احب اشجع المواهب الشابه.. .................................................. .................................... على طاري صوت الشباب والتفليس.. ترى حقي ما وصلني.. وين ال400 ؟ تراني مستعجله ابي اشتري لبس العيد.. |
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
