كيف أعرف بشعور أنني شخص طبيعي؟
 

أنا بسبب طول فترة المرض نسيت الشعور كيف اكون واحس واشعر انني شخص طبيعي

كيف ممكن افرق بين مزاج مرتفع بسيط مرضي وبين الحالة الطبيعية والفرح الطبيعي
ونفس الشي بالحزن؟

هالسؤال بالتحديد للي عندهم اكتئاب ثنائي القطب لأنهم أكثر قدرة على فهم كلامي

للامانة صعب بس هذا السؤال وجهته لدكتور وانتظر رده
صحيح لا تنسى انه ذهاني الهوس
والحمدلله انه خفيف رغم انه خفيف الا اني كنت اظن اني افضل واحد بالعالم هههه كل ما اتذكر ودي أضحك ههه

اذا تبغى تعرف أفضل طريقة التجربة وقف مثبتات المزاج وخذ مضاد اكتئاب وحتعرف وقتها الفرق ههههه

سؤال مؤلم جدا ...الله يشفيك...لكن الصحة النفسية الطبيعية تعتمد علي الثبات في المزاج والنوم والاكل

يا رجل حط قدر فوق راسك و امش و شوف توازنك بس شوف القدر لازم يكون معبّى ثلج ما يكون القدر فاضي و الا العلاج ما يجيب مفعول

يا لبى الهوس لكن يا كم تمنيته يكون موزون !!!

ههههه اي يالبى
هوس خفيف وجنني ما غير تضحك على نفسك ههه
اذا انشراح المزاج بسيط جداجدا هنا نقول يالبى ههه

أنا حاسس بشوية انشراح مع اكتئاب في نفس الوقت لكن ما ادري هل الانشراح طبيعي
يعني مزاج مختلط لكن بدل ما يكون مزاج منخفض وعالي في نفس الوقت يكون مزاج طبيعي ومنخفض في نفس الوقت؟؟

أنا ما اقدر افرق بين الحالة الطبيعية والهوس الخفيف
ساعدوني على التمييز

هذا السؤال من اصعب الاسئله ، وجاني نفس تفكيرك،لكن الجواب اللي اراه ، ان الادويه اذا استقرت وتأقلمت وتكيفت مع جسمك بجرعه واحده محدده لفتره طويله راح تعرف الفرق و راح تميز باذن الله

عندما تكون هادي بلا حزن وخوف وقلق ووووو انت انسان طبيعي

و الله بكاني سؤالك ..
حسبي الله و نعم الوكيل ..
صبرا جميل و الله المستعان ..
أسأل الله لك بكل ما أملك من شعور أن يشفيك شفاء لا يغادر سقما .. و كل مكتئب ..

حلم كل مكتئب ان يشعر انه شخص عادي طبيعي , لا نريد ان نعيش حياة مليئة بالمرح والسعادة ولكن فقط اشخاص طبيعين نفرح كشخص الطبيعي ونحزن كشخص طبيعي

أحسنت ...

اكيد ذاكرتك تتذكر شعور الشخص الطبيعي لذلك
فان وصلت لهذا الشعور سوف تجزم ذاكرتك انك عدت طبيعيا وركز على كلمة الجزم
وانتبه يضحك عليك الهوس ههههه ا

شكرا لك .....

انا اللي نفسي اعرفه هذا المرض كيف صاير وكيف اعراضه لان الطبيبه شخصت انه عندي وانا مادري وين الله حاطني وناسيه انا وش قلت لدكتوره حتى شخصتني هالتشخيص

والله اخوي انا عندي اكتئاب ما عندي ثنائي القطب ويفضل تسال هذا السؤال في قسم ثنائي القطب افضل والأفضل بعد انك تسال دكتورك وبس

ي الله


طرى علي موقف
مانساه

يمكن الي يقرا م راح يحس باللي راح اكتبه


مشيت ع برنامج الطب النبوي للرقية الشرعيه
لعلاج المس والعين والسحر

العلاج متكامل بس تطبيقه يبي قوه وتفرغ

لانه كل وقت شي مره تمر مره استحمام وقت قراءة ورد قران تزييت جسم مسك


المهم طبقته يومين مدري ثلاث
بعد مازيت جسمي بزيت مقري بالليل



حسيت بشعور غررريب
كان ثقل عظيم زي الجبل نزل من صدري


قعدت اتنفس بعمق وبراحه

وقتها حسيت اني قبل ماكنت اتنفس كل هالسنوات
حسيت بخفه فضيعه والله اني وقتها زي الطير ابي الطير

والله اني مابالغ
حسيت ان روحي القديمه رجعت

صحيت ابوالعيال من النوم قلت اقعد انا تشافيت
انا اشوف الدنيا بالوانها مو سودا

كل شي حولي كان يونس

اتصلت ع خواتي ببشرهم بس ماحد رد علي تالي الليل





بس للاسف
صحيت الصبح ورجع كل شي زي ماكان
وتركت العلاج
وهذا اكبر غلططططط

يمكن لو مواصله بالطب النبوي متعافيه


ياااه مانسى هذاك الشعور
ليتني وقتها مانمت
عشان احس به اطول وقت ممكن

ان شاء الله بيرجع وبتعيشين احلى ايام عمرك وتعوضين كل اللي فاتك
سبحان الله هالشعور احس فيه لما انام وانا اسمع رقيه عن طريق السماعات اصحى في وسط نومي احس صدري خفيف واتنفس بسهوله واحس بهدوء عجيب واحس اني تشافيت فعلا لكن ارجع انام ولمى اصحى القى وضعي مثل ماهو.