اتمني انكم تعطوني الحل
 

موضوعي و باختصار اني تزوجت و انا عمري 16 سنه و صار عندي ولدين زوجي كان اكبر مني بعشر سنوات كنا مجرد زوجين و بس مو اكثر ماكان في بينا اى تفتهم و لاحب و لا اي شي المهم دخل حياتي شخص و تعلقت فيه وايد و حبيته و هوه بعد نفس الشي الدرجه اني تطلقت علشانه و تركت اولادي بعدها اكتشفت ان الشخص هذا متزوج و كل شي كان يقوله جذب و خداع و كان طول الوقت يوعدني بالسعاده و ماكنت اشوف شي منه خير الاهانه و الطق و البهذله والحين انا ندمانه حيل على خيانه زوجي و اعيالي اللى خليتهم و اتمني انهم يحبوني لان حاولت معاهم وايد مو راضين ان يقتنعون ان امهم مع العلم اني صارلي الحين 3 سنوات بعيده عنهم و اللى صار خلاني ارفض كل رجال يدخل حياتي اشلون اقدر اخلي اعيالي يحبوني

للاسف حاولت معاه وايد يرجعني بس مو راضي ويقول ان الحين اهو مرتاح لان تزوج وحده ثانيه و حامل بعد مايبي يهدم بيته هذه علشاني انا اللى يهمني اعيالي و بس حتى لو كنت بعيده عنهم اشلون يرجعون يحبوني و يعرفون ان امهم موجوده حتى اعيالي حاولت معاهم بس ماكو فايده ابني الصغير رافض نهائيا انه يشوفني