المشاركة الأصلية كتبت بواسطة عيون متفائلة

طيب وش الحل من سنين و دنين و هم يصرفون له هذا العلاج مع السيبرالكس
لان فصامه من النوع المقاوم و العنيد
قعد يتنقل بين الأدوية و يتنوم بسبب الانتكاسات المتكررة غير جلسات الكهرباء

لين استقروا على ذا العلاج و ليته نافع

يعاني من الضلالات السمعية و البصرية و وسواس ماغير مرابط عند الصنابير و الأبواب و الشبابيك يروح و يرجع عليها يتاكد من قفلها علاوة على ذي الضلالات

وش نسوي ما خلينا عيادة و لا مستشفى ماغير يتنقل بين الأدوية و الله المستعان و فوق ذا حياته متعطلة ما يعتب عتبة الباب بسبب الرهاب و لا يبي احد يطب بيتنا و يزورنا حتى أدواته و أغراضه يرفض يبدلها او يغيرها لين تتلف من حالها ، يرفض التغيير بكل أشكاله

حتى اباغته بمواعيده للمستشفى و يوم اذكره ان ممكن يجون ياخذونه ينومونه بالمستشفى يتراجع و يجي معي و هو كاره ، لانه يكره التنويم يقول تحطوني مع المجانين اللي يقعدون يكلمون الجدران ، و المشكلة العنبر اللي يحطونه فيه دورات المياه و انت بكرامة مافيها أبواب و يجبرونهم كل صباح على الاستحمام و هو يتضايق و يجلس فترة طويلة يلومني حتى بعد ما يطلع
مع اني كنت كل يوم ازوره رغم انهم محددين يوم للزيارة
لكن يوجع قلبي اروح اصبره لين يطلعونه
لدرجة مرة من المرات نوموه فوق شهرين بغى ينجن و الله المستعان