كلي رجا فيكم

كلي رجا فيكم

السلاااام عليييييييييكم ورحمة الله وبركاته...
بصراحه انا مدري وش ابي واقول بالبدايه بس والله اني كلي رجا ابي من يساعدني بمشكلتي..


انا بنت عمري 19اكبر اخواني ابوي متوفي وامي متزوجه واحد يقرب لنا مشكلتي اني دايم احس اني انا مظلومه بحياتي بس الواقع غير كذا اي كلمه تنقال لي اجلس افكر فيها كثير واتضايق ...
انقهر واحقد على اقل واتفهه الاسباب انا ادري انه سبب تافهه بس انقهر بشكل مو طبيعي انقهر اذا شفت احد انبسط وانا مانيب معه انقهر من بنت خالتي ليه صديقاتها ومعارفها اكثر مني احس وقتها بالنقص اسال نفسي ليييييه انا غير ليه صديقاتي محدودات وطلعاتي محدوده احس احيانا مالي وجود بالمجتمع ومافيني ثقه بنفسي ودي اعرف ليه انا كذا احيانا تتصل علي وحده من فتره ما اتصلت اقول اكيد بالغلط متصله علي ((احيانا افكر بحالي اقول الدنيا مافيها خير ولازم الواحد يرضا بنصيبه ان كان زين او شين بس مافي فايده حالي هو حالي ماتغير))
... مااحب اشوف امي تضحك ومع اي احد بس ابيها تجلس تسولف وتتكلم معي احقد على اختي كثيير لأنها تعرف تثبت وجودها بين الناس والوسيله الوحيده اللي اقدر ابرد خاطري منها هو اني ادخل غرفتها ولازم اخرب لها شغله مدري ليه اسوي كذا ومايبرد خاطري الا اذا كسرت شي من اغراضها ادري شي غلط بس مدري وش الحيله ابي اعرف السبب ولا القى لي جواب , تعبت من حالي قلت ما في الا اني اشكي لأحد رحت لوحده من خالاتي وتكلمت معها صدق جلست تواسيني بس بالاخير قالت لي روحي دكتور نفساني يمكن يقدر يساعدك وقتها حسيت نفسي معقده مثل ما قالته امي لي مره امي قالت لي اني انا معقده(( يوم قلت لها ليه انا معقده قالت لأني اجلس لحالي دايم ولا اسولف معها ولا اقولها اللي بخاطري)) وفكرت اني اروح دكتور نفسي واتصلت على المستشفى اخذ موعد وكلمت الدكتور عن اللي فيني قال لازم اروح لأني احتاج كذا جلسه بس لقيت الموضوع صعب اني اروح من غير علم امي .. بالاخير قلت مافي غير النت هو الوسيله الوحيده اللي اقدر عليها .. تكفوووووون ساعدوني ابي اتخلص من اللي فيني ومن الهم اللي احسه
وشكرا

المصدر: نفساني

عليكم السلام ورحمة الله وبركاته

مرحبا بك اختي الكريمة

و ارحب بك في منتدى نفساني وا سال الله ان نكون خير من يقدم لك النصح والارشاد ان شاء الله .

و بخصوص موضوعك اختي الكريمة من الواضح أن هنالك علة في شخصيتك وبدون حرج نقول لكي أن شخصيتك تحمل سمات الشخصية القصورية، وهي كثيراً ما تؤدي إلى فقدان الثقة بالذات، والنظر إلى الأمور الجانبية بصورة سلبية، وهذا غالباً ما ينتج عنه نوع من الاكتئاب النفسي الثانوي وليس الأساسي.

الجانب العلاجي يتمثل أن تنظري بعمق إلى إنجازاتك الإيجابية في الحياة وما اكتسبته من مهارات ومؤهلات و كل شي جميل .
و في مثل هذه الحالات ننصح بزيادة التواصل الاجتماعي والمشاركة في النشاطات الاجتماعية، ويا حبذا لو انضممتي لأحدى الجمعيات الخيرية، وكذلك ممارسة الرياضية الجماعية، فهذه كلها سوف تساعد على إعادة الثقة بالذات وبناء خارطة تفكيرية ومعرفية أكثر إيجابية.

وفيما يختص بالأخطاء التي ترتكبها، فاعلمي يا أختي أن النفس الأمارة والنفس المطمئنة والنفس اللوامة يمكن أن تجتمع في نفس الشخص في حالة واحدة، وحتى تتيح لنفسك أن يتغلب الخير على الشر عليك أن تسعى إلى إحجام وإلجام النفس من شهواتها

و بأمكانك محادثة والدتك لعلها تتفهم موقفك و حاولي ان تقنعيها انكي تعانين من امر في نفسك و ان تساعدك بذهاب الي دكتور نفساني للعلاج .

و اسال الله لكي التوفيق و النجاح في حياتك .