السلام عليكم

السلام عليكم

السلام عليكم اخواني الاعزاء.. انا جديد هنا وماني عارف وش الي صار فيني فجأه...ؤاليت تساعدوني
انا كنت طبيعي ومافيني شي الى شهر رمضان الي فات ...في شهر رمضان الي فات قدر الله وحدثت حالات وفاه لعدد من اقربائي وكلهم بينهم اسابيع ..المهم في شهر رمضان وبعد صلاه الفجر دخلت الغرفه عشان انام ونمت وفجاه صحيت مفجوع وقلبي يدق بسرعه وخايف خوف غير طبيعي ...وقمت اجري مدري وين اروح .بعدها جلست مكاني وقعدت اتشهد ..والحمدلله رجع كل شي طبيعي ..وبعدها صرت دايما خايف واسوس بكل شي مره اقول فيني ضغط واروح اقيس القاه مرتفع وارجع البيت اقيس القاه طبيعي ..ومره اوسوس في الموت واني بموت...وصار اكثر تفكيري في الضغط وكل شوي اقيس ...نفسي ارجع طبيعي مثل قبل رمضان ..اعذروني اذا كان الكلام غير مرتب ..

المصدر: نفساني

حلمت شي ذاك اليوم؟

لا والله ماحلمت ...اصلا مالحقت احلم

نصيحه مادامك في البدايه
لاتقرا بالنت وطنش ولاتعطي الوساوس مجال
كل اللي تمر فيه نفسي وليس عضوي
يعني مافيك الا العافيه

مشكور يابن دايم ..بس استفسار ودي اعرف وش هو الي صار وش جاني ..

المشاركة الأصلية كتبت بواسطة أبو مشاري الحكم

مشكور يابن دايم ..بس استفسار ودي اعرف وش هو الي صار وش جاني ..

انت يوم جاك نوبة الهلع
بعدها اشتغل القلق النفسي
انتقل كل تركيزك على جسمك وأعراضه
فصرت توسوس وتخاف
نصيحه طنش
والدليل ان مافيك شي لو تروح تكشف بيقولون لك مافيك الا العافيه

اخوي جاتني حالة قياس الضغط هذي لدرجة اتعبت اخوي موديني ومرجعني رايحه جايه بعدها نصحتني امي قالت ترا بيجيك ضغط انسي هذا التفكير وفعلا كل ماجيت بروح استغفرت وتعوذت لين الحمدلله راحت الفكره

اللي فيك نوبات هلع
بسبب صدمه في وفاة اقاربكم
وشكلك كتمت مشاعرك وقتها
عموما لا تشغل نفسك فيها وتوسوس
تراها ما تسوي شي
حاول تتجاهلها لما تجيك

شكرآ لكم جميعآ طمنتوني وريحتوني ..الله يطمن قلوبكم ويريح بالكم ويطول باعماركم

هي ردات فعل اخي بسبب اللي صار
وشي طبيعي الإنسان يفكر ويقلق ويتوتر
وان شاءالله مع الأيام تروح الأعراض
المهم ما تعطيها أي أهمية
واستغفر الله واذكره كل ما تحس بالضيقة

مافيك الا العافية يا طيب
يسعد اوقاتك :)

مشكوره اختي ظل امرأة...واوقاتك اسعد بأذن الله ..

لاباس عليك اخي الكريم

طبيعي بعد كل ما مرّ بك ..

انت تعرضت لأكثر من حدث مؤلم و هذا ما جعلك عرضة لحالة من القلق ،،

ان شاء الله عابرة ..

و حتى تكون عابرة يجب عليك ان لا تعطيها اكبر من حجمها رغم أعراضها المزعجة ،،

تقبلها و تجاوزها و واصل حياتك عادي ،،

الحمدلله هالامور ان شاء الله كلها سهالات انت قادر تتغلب عليه ولاتعطي نفسك مجال للتفكير والعلاج الدوائي خله اخر الحلول

يعطيكم الف عافيه اخواني واخواتي الكرام ...طمنتوني والله ..الله يعين ويصبرنا