معاناتي مع الرهاب أرجوكم انقذوني

معاناتي مع الرهاب أرجوكم انقذوني

بسم الله الرحمن الرحيم والصلاة والسلام على أشرف الأنبياء والمرسلين.....

أخيرا أخيرا طلعت الي في قلبي أنا أرتحت ألحين في أحد يحس فيني ماتتصورون قد أيش أنا فرحان

أتمنى الرد بالتفصيل وشرح حالتي وهل هي صعبة وأنا راضي بالي تنصحوني فيه وعدم المبالاة من كل كلمة بما كتبته أرجوكم

وشكرا لكم على هذا المنتدى .........

أنا تكلمت عن جزء من معاناتي بالحياة :( أتمنى الحصول على العلاج وأنا ماتكلمت وكتبت ألا عارف أن الدكتور النفسي مثله مثل أي دكتور درس سنـين وأخذ شهادات وهذا كله مو على الفاضي أكيد علاج الي مثلي يارب



أنا شاب متخرج لي سنتين تقريباً قبلت في الجامعة لكن خرجت منها مع أني أحب الدراسة وأتمنى أني أرجع 12 سنة وأدرس من جديد ونسبتي عالية بالعلمي أثناء تخرجي ولكن ليس من الرهاب بل من عدم تأقلمي مع الناس وعدم وجود صديق هذة الكلمة التي أتمنى أحد يقولها لي ماتتصورون قد أيش بيكون ردة فعلي يمكن أنهار من الصدمة ماأدري كيف درست12 سنة لكن بدو ن الرهاب طبعا أنتم في نعمة ياناس صدقوني والله في نعمة لكن ماأحد يحس بالنعمة الا أذا فقدها أعاني من الرهاب الأجتماعي أعتقد هذا هو المرض ولا أدري ماهو من تعرق وخفقان وعدم الشعور بالجسم مع أني سليم بالنطق وسليم من أي مرض عضوي ألا في العين اليسرى وعدم الرؤية بوضوح وهذة وراثة ولا أعتقد هي السبب لكن لما أتكلم مع أحد أنقلب 180درجة وأتهرب والرغبة بـ الذهاب ألى الحمام وأذكر أول ماعانيته منه حسيت بالموت بعد تخرجي من الثانوي العامة بعام ثم ذهبت ألى معهد وهنا أصبت بهذا المرض والسبب أكيد من الفراغ ال سبق تخرجي وعدم مقابلة أحد منه حسيت بالموت وأنا كنت طوال العام أنام بالنهار ألى الأن مع أن نوم الليل مريح لكن تعرف الفضايئات والأنترنت وووووو وأحس بدوخة كل شهر تقريبا أنسى كل الي سويته وأخاف وفمي يتغير لونه عند مقابلة أحد ويجف وكل ماأروح لأي مكان أفكر وش أسوي أبقابل ناس كثير أو لا وأقول أنا الي سويته صح أو لا والناس كانت تراقبني أو لا وأفكار كثيرة تدور في رأسي
تظهر لي هذه الأعراض عند مقابلة الناس ولو كان شخص واحد أتهرب دائما غصبن عني يتلون جسمي وألوم نفسي بصراحة معاناة يادكتور لدرجة انعزالي عن الناس
كل يوم أتمنى أن أعيش يوم واحد مرتاح أميل ألى الوحدة والأنطواء عادة عندي لكني أحس بالملل والفراغ لا أشعر بمرور الوقت ولكن أنشغل بأي شيء ومو أقعد طول الوقت جالس لا أشغل نفسي بأي شيء مثل الأنترنت تعودت على هذا الحال
والكل يسبني وضغوطات نفسية لدرجة أني نادرا ماأكلم أحد مع أني ماأتعرض على أحد وأنا حساس جدا أي كلمة علي ازعل وأبكي ساعات طويلة ومافي أحد يحس فيني كل يوم وين أروح مافي أحد يحس فيني لا صديق ولا قريب كثير التفكير وقليل الكلام وأستمع ولا أناقش فقط كلمتين وأمشي أنام بالنهار وأصحى باليل جسمي تعبان وأحس بخمول وأحيانا بالموت
أقسم بالله ماأقدر أتحمل وأصبر ماأقدر أواجه أحد تعبت مليت أحس أني بنهار في كل مكان أروح له أخاف تصدق وأنا أكتب ألحين حاولت وحاولت أواجه الناس لكن سبب لي هذا المرض هاجس كل ماأقابل احد او أروح لأي مكان أحس برهبة شديدة وتعرق وخفقان ووووووووووو أفكر ماذا أفعل أذا ذهبت لأي مكان
تصدق وأنا أكتب ألحين أخاف أحد يقرأ الي كتبته وش يصير فيني ماأدري
والله يادكتور مريض الرهاب يعيش عالم ثاني أنا لما أشوف الأعلانات الي بجريدة
الرياض أتمنى أن أتصل ياترى هل هناك علاج وهل عالجتو مريض يعاني من الرهاب وهل المرض النفسي أشد من العضوي كم أتمنى العلاج بأسرع وقت
لكن كلام الناس مايرحم أنا أعترف أني مريض وهذا مو عيب وأنا واثق من نفسي لكن المشاكل والظغوطات تؤثر علي وأرجوكم ساعدوني أنا الي مثلي متوظف الناس مو لاقيه وظايف وأنا حصلت لكن ماأقدر أواجه احد لو شخص واحد معاناة بس كيف أعيش حتى نظرة الناس للمريض النفسي بأنه مجــــــنون تمنيت أن أكون فلسطيني أو عراقي أهون علي من هذا العذاب أول كنت عايش ومبسوط وكنت مرتاح ماأشعر بالرهاب صح أني هادي لكن كنت طبيعي لكن الآن دقيقة واحدة ماأقدر أتكلم فيها وأي كلمة تجرحني أبكي وأقعد ساعات طويلة أنا أرتاح مع خواتي أكثر أما الأخوان ما أرتاح معهم ماأدري يمكن غيرة لأنهم يطلعون وأنا لا أو لأن أبوي معترف فيهم في أي مناسبة يناديهم وأنا لا وكل مايروح مكان يأخذ أي واحد ويتكلم معهم وأنا لا تصدق يادكتور لو توفى لاسمح الله وكل نفس ذائقة الموت ماأشعر بالحزن عليه أنا أتكلم من جد والله لأنه مو معترف فيني أنا أعترف فيه أنه أبوي لكن ليش يكرهني بالحياة ليش جايبني ليش مايحس فيني أمنيتي أن يكون لي أب أحس فيه يشعر فيني يعلمني أمور الحياة يثق فيني لكن عقب ويش تبرز الشخصية عند سن السابعة مثل ماقلتوا يادكاتره ياريت أبوي وأمي في أول 7 سنين أهتموا فيني لكن لاحياة لمن تنادي وهم كبيرين بالسن ومو ناقصين مشاكل الله يطول أعمارهم ويعطيهم الصحة والعافية تصدق لو سافر وغاب أيام ورجع أسلم عليه من دون شعور بفقدانه وأمي دايم تنصح الوالدين أبوك ماعندك غيره بالدنيا ويزداد ألمي يوم ورا يوم أحس بالحزن الشديد ويزداد كرهي لأبي لما أشوف أي أب يكلم اولاده في أي مكان ويلعب معهم مع أني كبير لكن محتاج حنان لو دقيقة واحدة تمنيت أني أكون معهم وأقول أبوي أبوي وألمه وأبكي............. حرام عليهم ليش يسون فيني كذا ماأدري مين الغلطان أنا أو الأسرة لكن لو كنت يتيم أرحم مو يعطيني المصروف ويمشي وهو عصبي مرة يادكتور قالي جيب نظارتي وهو عصبي مع أنه نادر مايكلمني لما رحت وقلبت الغرفة وماحصلتها قلب علي وحسيت انه شخص ثاني ماأقدر أقول كرهته لكن الله يعلم والله بياخذ حقي منه وأنا حساس جدا والحمد لله أنا مو عاق لكن هم الي خلوني كذا تركوني حتى صرت اخاف من أي شخص وهو الأن كبير في السن ماأقدر أكلمه وأخذ وأعطي معه أنا الضحية والله يستر من الجاي على عكس أمي لما يصيرلي شيء تهديني وتريحني لكن ماتحس بالي فيني ماتجلس معي تحسسني بالوجود ماأدري أنا الغلطان أو الأسرة ما أقدر أواجه أحد مهما كان أنا عايش وساكت ألم داخلي ماأقدر أعيش ساعدوني وأرحموني من الرهاب و كلام الناس
لاتلوموني لو فكرت بالأنتحار وأعوذ بالله من الشيطان الرجيم حتى الأعياد ماأطلع فيها وأقعد أبكي والناس تضحك معاناة يادكتور مع أني مو كاره للحياة حاولت أشوف مقاطع لعمليات أعدام بالعراق ماتأثرت أبي أحس بالخوف الطبيعي كيف أعيش مرتاح تكفون كيف أتوظف الكل يلومني صغير وكبير مع العلم عندي راتب حوالي 3آلاف لكن بدون أني أشتغل أنا ماأعرف من وين جت لكن الي فهمته وسمعته أنه لها صله بالوليد بن طلال مع أني أقضي يومي وحيد كيف أتزوج كيف
أعيش مرتاح لكن ماراح أعتمد عليها أقسم بالله ماراح أعتمد عليها العمالة الوافدة قطعت مسافات طويلة عشان لقمة العيش وأخرتها راتب بسيط وأنا جالس بالبيت وأخذ ألاف وين الي يحس ليش مايحسون فيني حرام عليهم وش فايدة المال بدون الأهل............

ولا تظنون أني أتكلم أي كلام أقسم بالله العظيم أنا أبكي أبكي وأنا أكتب ألحين....

أتمنى الرد من دكتور مختص بالرهاب الأجتماعي


أرجوكم ساعدوني أنا سليم لكن ............


ماذا أفعل هل هناك علاج وخاصة من التعرق سبب لي هاجس هاجس تصور حتى المسجد ينتابني شعور بالرهبة وخاصة التعرق وهل للتعرق دواء أريد الحصول على علاج يمنع التعرق وأكون مرتاح وكم مدته وتكاليفه وكيف أذهب ألى العيادة ؟

هل السفر سيحل المشكلة ؟؟؟

أنا منتظر الرد على أحر من الجمر md

وأسف تعبتكم معاي سامحوني

المصدر: نفساني

مرحبا باخي الكريم

بخصوص ماجاء في رسالتك ولقد فصلت الكثير عن حياتك وانت تعاني من رهاب الاجتماعي وهذا علاجة عن طريق الجلسات النفسية (سلوكية ، معرفية ) وممارسة الاسترخاء .

ولا باس من تناول الدواء عن طريق طبيب نفسي

اي استفسار انا بانتظارك

بس هذا ردك مشكلتي كبيرة وأنت بكل بساطة قلت كلمتين أنا أبي دكتور مو أخصائي وين الي يحس