ساعدوني

ساعدوني

السلام عليكم...
انا مشكلتي مع اهلي مع امي بالذات والمشكله مأثره على كل شي بحياتي
وانا مااحب احكي لاحد عن الموضوع بس قلت عادي اقولكم ماراح انحرج ماراح تعرفوني11:))
انا امي عصبيه شوي وشريره شوي يعني لما كنت صغيره كانت تضربني ودايما زعلانه مني بس مو هذي المشكله ..المشكله الكلام اللي الكلام اللي كانت تقوله يعني اذا سافر ابوي تقول ابوك سافر لانه مايحبك ومن هالكلام وانا كنت صغيره يعني طبعا راح اتاثر وكانت اذا زعلت مني تقول خالتك تقول عنك كلام مو زين او جدتك يعني كلام المفروض ماكانت تقوله بس انا كنت عادي يعني مو متاثره مره بدت مشكلتي صدق لما بديت اكبر شوي كل ماكبرت كل ما صار اسلوبها وتعاملها معاي اشين من اول.
والحين والله مااذكر كل شي عني وانا صغيره بس اذا حبيتو تسالوني عن شي راح اجاوبكم ان شالله
الحين اتكلم عن وانا كبيره مابيني وبين امي أي علاقه اذا شفتها جالسه في مكان مااجلس فيه لانها دايم تصرخ
علي وتقول كلام مو زين عند اخواني الصغار حتى اخوي اللي اصغر مني على طول ماصار يحبني او يحط لي أي اعتبار واختي الصغيره اذا زعلت تقولي نفس الكلام اللي تقوله امي وهو طبعا كلام مو زين يعني تدعي علي
اذا كنت انزل من الدرج تقول يارب تطيحين وتصيرين معوقه يعني دعاوي مو زينه ابدا وتخوف
واساسا هي ماتحبني وماتحب تشوفني واذا كنت جالسه في نفس المكان اللي هي جالسه فيه تسوي مشكله عشان اروح يعني تقول لاخواتي لاتصيرون مثل اختكم شوفو كيف هي محد يحبها ومن هالكلام او تهزئ وتصرخ وتخليني اجلس بغرفتي بالقوه وانا يعني ب ال3 سنين الاخيره تغيرت مررررررررررررره صرت مزاجيه
ودايما زعلانه ومتضايقه ومااحب اطللع من البيت كثير وعلاقتي بصديقاتي مو مثل اول ونزل مستاوي الدراسي
واحب اجلس لحالي كثييير يعني اذا فيه شي مضايقني اجلس افكر بشي احبه او اتمناه بعدين اصير مبسوطه
بعدين صار نومي كثير ونومي ملخبط يعني ارجع من المدرسه وانام واذا نامت امي اقوم عشان مااشوفها وماتشوفني
بس انا خلاص انا عارفه ان امي كذا وماراح تتغير ومو هذي مشكلتي بس كل اللي انا فيه الحين منها والله صارلي 3 سنين كذا على طول متضايقه واحب اجلس لحالي عشان افكر بالاشياء اللي احبها يعني عايشه عالم ثاني
وانا مااعرف ايش اسوي الحين عشان ارجع مثل اول ياليت تساعدوني
معليش كلامي مو مفهوم شوي ماعرفت ارتب افكاري بعدين مااعرف ايش اكتب وايش اخلي

المصدر: نفساني

خلاص شكرا crayingcraying