أنا شاذه ............. مين يخلصني من حياة الشقا؟!

أنا شاذه ............. مين يخلصني من حياة الشقا؟!

ماتتصورن حجم الفرح بقلبي لما عرفت هالمنتدى..
اكتب مشكلتي اللي ابوح فيها لاول مره لشدة حساسيتها وانا متاكده اني باذن الله رح القى حل عندكم

انا بنت عمري 20 سنه .. عشت ايام صعبه ذبحتني ليل ونهار لما دريت بشذوذي الجنسي..ماعمري تخيلت اني رح اكون شاذه لكن انصدمت بحقيقتي اللي حاولت اتهرب منها دايم..
لما بدت مرحله المراهقه عندي بديت ابحث بامور الجنس كل مافكرت فيه او احد تكلم عنه مايجي في بالي الا البنات.استغربت من افكاري مع اني ماكنت اعرف ان في شي اسمه شذوذ بس اعرف انه في علاقه جنس بين رجل وامراه..
واللي زاد الطين بله وخلاني اتعمق بهالامور هو اعجاب البنات الزايد واهتمامهم المبالغ فيني وكنت استمتع في قربهم مني وكنت اظن ان الشئ اللي يصير
طبيعي..ولما عرفت ان في شي غلط فيني شوي شوي ابتعدت عن البنات..
ولما وصلت لسن ال16 اكتشفت ان فيني شي يجذب البنات ماتصدقون لو اقول لكم ان حتى المعلمات كانو يتحرشون فيني والله اني حسبت ان فيني علامه
او مكتوب على جبهتي شي يدل على شذوذي مع ان شكلي كله نعومه وانوثه .رجعت للموضوع ولكن بشكل اقوى صرت اتلذذ بالتصاقهم ولمسهم حتى ولو كان مجرد سلام.
لكن ماقد اقمت علاقه مع اي بنت عشان اقنع نفسي باني طبيعيه ومو شاذه..
واخاف ان احد يقرب مني او يلمسني عشان مايثيروني ماتتخيلون الاحساس الرهيب والفظيع اللي كنت احسه وانا قريبه منهم ..صرت اطالع اي بنت بنظرات تسبب لي الاحراج بس والله غصب عني مقدر حتى ابعد عيني ..

وبلحضه من لحضات اللي ماكنت متوقعتها مارست الشذوذ بشكل لا ارادي مدري وين كان عقلي وربي ماحسيت بالدنيا ولا بشي حولي..
ومن يومها ماارتاح لي قلب ولا ارتاح لي بال لاني خلاص تاكد لي اني شخص مو طبيعي وزادها احساسي بالندم لفعل المنكر.تعبت ادور اجابه تبرر فعلتي فلما سالتها عن سبب مبادلتها الشذوذ معي قالت لانها تحبني !!تخيلو تحبني وانا كنت ماخذه الموضوع استمتاع بالشذوذ بدون مشاعر اتجاهها و ماعمري فكرت بالحب ولا حسبت له حساب وطاري
وعرفت ان كل اللي يسونه معي باسم الحب ..كرهت البنت وكرهت كلمة حب واي وحده تقول انها تحبني والله العظيم بدون مبالغات اني اصير اكرهها وابتعد عنها حتى
لوماكان قصدها شي.

وبعدهــــــا ..قررت اقطع كل من حولي واعيش بعيده عن البنات واقوي نفسي بديني وبالصلاه والصيام حتى دراستي الجامعيه اخترتها مختلطه عشان مانفرد مع بنات..
لكن اهلي اعترضوا على العزله اللي انا فيها واختارو لي مكان اشتغل فيه وبدا العذاب من جديد في ((مجتمع بنات))وعدت نفسي اني مااكرر اللي راح وقاومت وقاومت لكن ماقدرت على التحرشات اللي ذبحتني ورجعت بصوره اقذر من قبل .

اكتشفت اني اعشق الشذوذ وان كل مافيني شاذ وغريب واستمتع بالتعذيب النفسي اللي اتعرض له من الشخص اللي قدامي او امارسه على اللي قدامي من جرح وتحطيم وحرق اعصاب وكل مازادت علاقاتي مع الناس وتعمقت اكتشفت عادات اسوا واقبح من اللي قبلها.

وربي كل ماذكر اني شاذه واني مجرمه واني غارقه في مستنقع حرام احتقر نفسي واتعذب.
تعبت تعبت من نفسي عايشه جحيم منيب متحمله نفسي اكثر من كذه مابي هالعيشه القذره وعالم القرف ابي اكون طبيعيه زي باقي الناس مابي اعيش عيشه نفاق مع نفسي مظهري واسلوبي الخارجي يختلف اختلاف كلي عن اللي داخلي .
احاول دايم اني اصلح من نفسي واقنعها انه لسه باقي امل وان الله مارح ينساني في محنتي وان مو كل الناس زي بعض واهدي من نفسي لكن فتره بسيطه وارجع
لحالتي القديمه ..
انا مالي في هالدنيا احد لا اهل لا اصحاب لا اقراب انا مالي في هالدنيا غير الله سبحانه وتعالى اشكي له همي بعض المرات احس ان اللي قاعد يصير لي عقاب من الله واخاف واحس برعب مو طبيعي.

انا وصلت لمرحله جنووووووون وخايفه من اللي بيجيني بعدها وغير كذه عندي عاده اكل الاظافر اللي زادت هالايام لدرجه نزول الدم منها من غير ما احس وبديت اقطع في شعر راسي الين مايجيني صداع رهيب افكاري مشوشه لو تسالوني وش احب ووش اكره ورب البيت ماعندي اجابه انا مدري وش اسوي..
((وكل اللي اعرفه الحين اني اكره نفسي واحقد عليها))
ادري اني غلطت واني اثير الاشمئزاز وادري اني ارتكبت جرايم في حق نفسي وحق اللي حولي وماابيها تكرر وتستمر معي ابي اتوب من كل شي انا سويته ابي ابدا عالم جديد

ودي اكتب واكتب واكتب لي سنين ابغى اوصل ولو جزء صغير من معاناتي لاحد يفهم بعقل
ولو تلقون لي حل رح تخلصوني من هلاكي الاكيد ورح تخففون من عذابي ومارح انسالكم اي جميل او معروف تسونه فيني ورح ادعي لكم ليل ونهار
اعتبروني بنتكم الضايعه اللي خذلها اقرب الناس لها

ابي اعرف هل اللي فيني مرض او عقده او ان هالامور راجعه للتربيه؟ هل اقدر اتخلص منه ومعالجته في عيادات ؟

*ملاحظه:تعرضت لتحرشات جنسيه (بين سن ال8 - ال12)

المصدر: نفساني

بنتي الحبيبة لن اخوض معك الان في أي تفصيل قبل ان تقولي لي من هو من قام بالتحرش بك والى اي درجة .

ثانيا هل قمت بفحص الهرمونات لديك ؟

أطمئني مشكلتك سهلة ان شـاء الله وحلها سهل ايضا .

اولا .. جزاك الله خير على الوقت اللي منحتيني اياه...
ثانيا .. هو زوج خالتي .
اما بالنسبه لاي درجه مدري اذا كنتي تقصدين الافعال اللي مارسها معي هي القبل والاحضان واللمس وبعض المرات كان يجبرني اتعرى ويكتفي بالمشاهده.
ماقد فحصت الهرمونات.

ومره ثانيه اشكرك واقول الله يطمن قلبك مثل ماطمنتيني.

السلام عليكم

انا لسه انتظر ..
اتمنى القى رد