نداء الي الدكتوره فوزيه دريع والله محتاج مساعدتج دكتوره

نداء الي الدكتوره فوزيه دريع والله محتاج مساعدتج دكتوره

السلام عليكم
يعطيكم العافيه والصراحه فتحتو باب حق الي يبون حل حق مشاكلهم وانشالله بيلقون حل

دكتوره مشكلتي مشكله يمكن صادفتج منها بس قليل انا احب وحده وابيها زوجي لي اليوم قبل باجر متعلق فيها الحمدالله حيل واهي نفس الشي واثقين من بعض والله الحمد .انا طالب واشتغل وماشتغلت الا علشان اكون نفسي واقدر اتقدملها على الاقل اني طالب وعندي وظيفه وعمري 22 البنيه راح تتخرج من الكليه وانا باقيلي سنتين لاني كنت بكليه علميه وحولت بعدين لكليه نظريه لظروف خليت البنيه جس نبض اهلها اذا راح يوافقون علي او لاء والحمدالله موافقين دام انه البنيه اهي الي تبيني يا دوري وكلمه امي حاولت فيها اول مره قالتلي ماكو انت طالب ولازم تخلص دراستك بس امي مو عارفه اني مو قادر اتحمل البعد بيني وبين البنيه اول مره رفضت انا تضايقت والبنيه تضايقت وقالت لازم ننفصل دام هذي امك ماراح نتزوج كلش هديتها وقتلها صبري يا بنيه انشالله بتوافق وكلمه امي مره ثانيه وماوافقه وظلت على رايها ماغيرته بس في شي زاد على ردها انه اذا تزوجت قالتلي راح اتبرا منك ولا راح اتذكر انه عندي ولد ولا ابي اشوفك بهل بيت ولا راح ارضى عليك لين يوم القيامه
انا بين نارين ومابي اخسر احد والله امي قالتلي انطر سنه ونص وخلها تنطر معاك واذا مانطرت خلها تولي الديره متروسه بنات قاعد اقولها انا مابي باجي البنات ابي هذي تقولي خلها تولي انا شسوي بعمري اروح اتزوج من وراها وهل مره لا رضى الله ولا رضا والدين يني لا دنيا ولا اخره والله دكتوره اتمنى انه الله يحنن قلب امي حتى لو تحجزلي البنيه مابي الا انها تكون يمي واكون يمها حتى لو رافضه اني اتزوج الحين على الاقل خل تكلم ام البنيه خل قلبي ونفسيتي تهدا
المشكله البنيه على ويه تخرج من الجامعه وانا خايف اكلم امي مره ثالثه علموني شسوي والله متوهق

المصدر: نفساني

ساعدوني بسرعه جزاكم الله خير :(

معقوله ولا واحد رد علي ولا حتى قالي شنو اسوي او شنو الحل للمشكله ؟؟؟

ردو علي تكفون اي واحد يرد علي :(

ساعدوني والي يسلمكم

حتى لو تكتبون لي عنوان عياده الدكتوره فوزيه اروحلها ابي حل يا شباب :(

حتى لو راي من الشباب ابي راي واحد كبير بالموضوع
حاولت بأمي وابوي بس ماكو مو راضين شنو الحل وصلت السالفه اني انا طلعت نمت بره البيت بسبت امي بيت مايطبق فيه الا لازم كلمه نعم والي يبونه لازم يصير حتى لو على حساب شنو

الأ خ / كمبيوتر سلمه الله
أخي مشكلتك تتعلق برضا ء والديك ، ومن حق الوالد أن يرضى على ابنه ، ولن يوفقك الله في حياتك إذا أزعلت والديك ، لكن خذ الأمور بالسياسة والمحاورة بالحسنى ولا تعصب وتخرج من البيت لان ذلك يزيد الطين بله وحاول توسيط خالتك ، لتتحدث مع والدتك وتقنعها ، مع أنك لم تخبرنا عن سبب رفض والديك لخطيبتك ، ربما أنهم لاحظوا شيئا محذورا ويخافون عليك من هذا الزواج ، تأن يا أبني ولا تستعجل فقرار الزواوج صعب جدا يحتاج إلى دراسة وصبر لئلا يفشل لاقدر الله . وتحياتي لك .

امستشار/ ابراهيم الدريعي

مشكور اخوي على ردك انا اقولك سبب الرفض من جانب اهلي السبب بسيط وانه اهم حاطين فبالهم انه اذا تزوجت ماراح اكمل دراستي واشتغل ماراح اقدر اوفق بين الدراسه والشغل والزواج عرفت اخوي ابراهيم المساله مو مساله انه اكو شي محذور لا ولله الحمد ماسويت شي غلط ولو سويت شي غلط او على خطيبتي غلط جان انا الي راح ارفض الفكره اخوي ابراهيم حاولت ادخل وسيط بس للاسف كل علاقات امي مع خوانها وخواتها فاتره بسبب الخلافات العائليه وحتى مع عماتي يعني من كل مكان مسكره
لما كلمت خالتي تقنع امي بالزواج امي لما عرفت اني انا كلمت خالتي سوتلي سالفه مالها اول ولا تالي اخوي الي بعمري تخرجو وتزوجو وانا صارتلي ظروف وحولت من الكليه في شي واحد بالبيت عندنا انه اذا عندي شي ابي اقوله سواء حق ابوي او امي اكو حاجز اسمه الخوف اهم حطو تخيل يوم قلت حق امي ابي اتزوج سوتلي سالفه ماتخلص الا لين تخلص دراستك وادري انت ماراح تكمل بالكليه مايفيد معاهم شي غير الصبر والدعاء قعدت ادور عن رقم او عياده الدكتوره فوزيه الدريع على الاقل تكون الوسيط وتوفق راسين بالحلال ماعمري فكرت اسوي شي بالحرام لاني ادري شنو نهايه الحرام
ماعليك امر اذا تعرف ايميل الدكتوره فوزيه او حتى رقمها ضروري ماعليك امر

الأخ كمبيوتر سلمه الله
يؤسفني أنني لا أعرف الأيميل الدكتورة فوزية الدريع ،فإذا أحد من الأخوة الزملاء يزودك به أرجو ذلك ، وشكرا .

ابراهيم الدريعي

مشكور اخوي ابراهيم بس ماعلقت على الكلام الي كتبته ورديت عليك فيه شنو الحل برايك ؟

أخي كمبيوتر .....................سلــــــــــــــــــمه اللــــــــــه.
المشكلة ياأخي حلها بيدك لاتنتظر مني ولا من غيري حلا ، أنت قلت بنفسك أن حل المشكلة هو الصبر والتريث فلماذا لا تختار هذا الحل ، وما الذي يضير لو تأخرت سنة أوسنتين حتى تحقق شيئين ، الأول : رضاء والديك ، الثاني : تكون الأمور فد تحسنت وصرت قد تهيأت للزواج ، فالزواج مسئؤلية غير سهله كما تتصورها ، كما أنه يجب عليك القرب أكثر من والدتك وكسب ثقتها ، حتى تكسب رضاها وتستجيب لرغباتك ، فلا أحد سوف يشفق عليك ويسعى لمصلحتك أكثر من أمك ، ووالدتك معها الحق لانها تراك غير مستعد للزواج الآن ... أرجو أن أكون قد وفقت في الإجابة عن سؤالك ، والله يحفظك .

المستشار / ابراهيم الدريعي