أكــره الدنيا

أكــره الدنيا

الســـلام عليكم ،،
أنا بكتب هالموضوع كفضفضه لي لاني متأكده انه مستحيل حد يقدر يخليني احب الدنيا مره ثانيه و خصوصا بعد اللي صار ،، بقولكم ليش اكره الدنيا و انتو احكموا اذا من حقي أكرها والا لا ،،

انا من طفولتي أعاني لاني امي و ابويه انفصلوا عن بعض و انا صغيره و تمت فتره نزاعات من بينهم على الحضانه و فالاخر استقر بنا الامر عند ابويه بعد ما امي اتنازلت عنا
و بعدين حاولت اتعايش مع الوضع و كان والدي مب امقصر معاي ابشي لكن يظل هناك شعور بالوحده و فقدان الحنان لعدم وجود الام في البيت بس خلاص اعتبرته اختبار من رب العالمين و صبرت و يوم أتأقلمت على الوضع ابوي اتزوج و ادري انه هذا من حقه بعد تميت صابره لانه كان فيه انسان يقويني يساعدني يحسسني انه دايما معاي اتعرفت عليه من النت و بعد فتره اكتشفت انه قريب مني مب من الاهل لكنه قريب يعني من المعارف و استانست و كان عندي امل انه هالانسان بيعوضني عن كل اللي فقدته و بالفعل في الفتره اللي تميت فيها وياه ماخلاني احس بأي نقص كان يوجهني للطريق الصح هالانسان انا عرفته يوم كان عمري 13 سنه يعني كنت في المرحله الاعداديه لين ماوصلت الجامعه يعني صار عمري تقريبا 19 سنه و نحن ويا بعض و كنا تقريبا 24 ساعه ويا بعض حتى ف فترات الامتحانات اكلمه حتى لو ساعه فاليوم اطمن عليه و يطمن علي و فعلا كانت افضل سنوات عشتها ف حياتي و بعدين قالي خلاص الحين صار الوقت اللي اقدر اخطبج فيه لانج كبرتي و فعلا اتصلوا ف اهلي و قالولهم انه يايين يزورونهم عشان يخطبوني بس للأسف اهلي رفضوا حتى قبل مايشوفونهم مع انهم يعرفون اني اموافقه و المصيبه اني معرف شو هو سبب الرفض مرات يقولون لي كملي دراستج و مرات يطلعون عيوب في الناس و ف اهل الريال و مرات يقولون لي انتي مب مال عرس و انا ابويه من النوع اللي وايد متعلق فيني و يخاف عليه لدرجة انه اول ماسمع بموضوع الخطوبه صاح و يفكر يعطيني حد من اهلي عشان يكون مرتاح وواثق منهم حتى لو انا رفضت ،، و تموا الناس يحاولون حوالي ست شهور يتصلون عسب ايون و مافي فايده الحاله اتصير من سيء للأسوا و حسيت نفسي وحيده ماعندي ام اقدر اكلمها و افهمها اللي ف خاطري و ابويه مقدر اكلمه معرف شو اسوي حسيت نفسي وحيده و وصلت لمرحله اني كرهت فيها كل الناس و ماعندي ثقه بحد لاني اكتشفت انه الانسانه الوحيده اللي كانت اتعرف بعلاقتي بهذا الشخص راحت و قالت حق اهلي و طلعت عني كلام وايد يسيء لي و بس

انا بعد كل هذا اللي صار كرهت الدنيا لدرجة انه يتني فتره فكرت فيها بالانتحار ماحب حد ماشعر بامان متأكده اني بيي يوم بلقى نفسي وحيده فيها و الناس حوالي اكثار انا الحينه انسان ميته من داخل اكره الدنيا ،،،

طولت عليكم وايد اسمحولي

المصدر: نفساني