السلام عليكم

السلام عليكم

السلام عليكم ورحمه الله وبركاته

كتبت مشكلتي قبل كم يوم بقسم المشكلات الزوجية ولكن للاسف ماجاني اي رد فحبيت اكتبها هنا وان شاء الله الاقي الحل عندكم
اتمنى من كل المختصين الاجابه على مشكلتي ومساعدتي فيها...اعترف انها مشكله صغيره جدا بل تافهة ولكنها بشكل ما تضايقني وتصيبني بالاكتئاب احيانا والشعور بالانعزال...وتلازمني منذ سنوات..الموضوع وما فيه اني انا متزوجه من اربع سنوات والحمدلله مرتاحه مع زوجي واحبه وهو يحبني..بس المشكله ان قريبتي واللي محسوبه علي صديقه حاطه عينها على زوجي وهو حسسني كم مره انه مهتم فيها ويسال عنها..بداية المشكله بدات بعد زواجي بكم اسبوع يوم عزمت قريباتي لبيتي وكانت القريبه هذي ولنسميها(م) من بينهم وفرجتهم على صور زواجي وكانت مركزة على زوجي كثير وكل الاسئله والتعليقات بس عليه وهذا الشي وقتها ماظايقني ابد بالعكس انا افتخر بزوجي وانا بنفسي اللي مفرجتهم على الصور يعني انا مو من النوع اللي اغار على زوجي واخبيه عن عيون الناس..خصوصا اني انا ولله الحمد واثقه من نفسي كثير والكل يشهد الحمدلله بجمالي واناقتي يعني موناقصني شي ولله الحمد,,والا لو باغار كان مااخذته من الاساس لان هو من طبيعتهم قريباته ما يتغطون وجميلات مررره وانا ماعمري حسيت بالغيره تجاههم..بس هذي قريبتي متعبتني..المهم نرجع للموضوع ...بلغني بعدها بفتره انها كانت مره تسولف لناس عن زوجي وتقول ,,,اما زوج فلانه ,,,واااااو يجنن...ومره بعدها كنا بمطار وجاي يستقبلني وبالصدفه كانت موجوده وطبعا متنحححححححه بزوجي وبس تبحلق بلا حيا ولا شي..وكل هذا كان يمر علي مرور الكرام لحد ما جاء اليوم اللي اتذكره الحين واتذكره داااايم وعجزت انساه..وهو اليوم اللي رحت ازور فيه جدتنا المشتركه وكانت هي موجوده بالغرفه وزوجي برا (قدام الباب) ينتظرني ..المهم يوم شافتني دخلت بدل ماتجلس جنبي وتسولف معي راحت كانها مقروصه وكشفت شعرها وحطت روج وفتحت الباب بحجه انه كتمه وطبعا كان زوجي قدام الباب وبدل ماترجع وقفت كذا قدام الباب بشكل مو مبرر وبدت تتمشى على شكل دائره وكل ما صارت مواجهه لزوجي اشوفها ترفع راسها وتناااظر ,,,واستمرت بدون مبالغه ربع ساعه..بعدين بدت جدتي تكح قامت استغلت الفرصه وطلعت للممرضات اللي جنب الغرفه وجنب زوجي وبدت تحاكيهم بالانجليزي بدلع عجيب احلف اني ماعمري شفتها تتكلم كذا...انا طول الوقت كنت مندهشه!!لهالدرجه توصل فيها الحقاره!!واللي ضيق صدري زياده انه زوجي بعد ما طلعنا اول سؤال سالني اياه من هي اللي طلعت تكلم الممرضات؟؟ومن الغباء اللي بي علمته من هي مع اني المفروض مااقوله ومن بعدها بدا كل ما طلعنا من اجتماعنا الاسبوعي يسال جت فلانه جو الفلان(هي واهلها)!!!!تخيلوا ,,وهي مره تلعب طفلي الصغير بتدليع اسم زوجي,,حسيتها حركه مالها داعي منها هي بالذات والا لو احد غيرها كان عادي..وقبل كم اسبوع كانت جايه تزور جدتي بالمستشفى وكنت انا وزوجي عندها ,,زوجي يوم طقوا الباب طلع فتح الباب عشان بيطلع واشوفها هي وقفت بالضبط قدامه وتناظره بعين قويه مع اني انا كنت خلفه بشوي واناظرها باشر لها واقول لها هاي بس طلعت البنت ماجابت خبري ولفت نظرها وتلاحقه بنظراتها لحد ما طلع من الممر بعدين سلمت علي بجفاء...ملاحظه : هذي البنت متزوجه بعدي بكم شهر من حبيبها اللي تكلمه لمده سبع سنين وهذا الحبيب حسب كلام اخواتها وسامه ومال واسم يعني مو ناقصه شي فليش تناظر لزوجي وملاحظه ثانيه: البنت هذي من تزوجت ماورتنا صور زوجها ولا تتكلم عنه ولا تجي معه اذا كان المشوار عائلي لانها من النوع اللي يخاف من العين باي شي لدرجه انها نادرا ماتتصلح ,,تخاف من العين...... هذا كل الموضوع هي معجبه بزوجي وتبصبص له وزوجي كل فتره يسال عنها واذا جبت سالفه عنها او هي قالتها الاقيه يهتم بكلامي..انا متاكده انكم تقرون مشكلتي وتقولون وش هالخرابيط بس والله وهذاني احلف انها ماذيتني من بدايه زواجي هالسالفه خصوصا ان الطرفين بالموضوع هم زوجي اللي مااقدر ابعد عنه وقريبتي اللي مااقدر اقطع علاقتي فيها بحكم القرابه....بلييييز عطوني حل اريح فيه نفسي..كل بين اسبوعين ثلاثه اتذكر هالسالفه او اشوفها تسال عنه او هو يسال جت او لا بعدها انجننننن..بليز ردوا علي كلكم

المصدر: نفساني

اختى الغالية
السلام عليكم ورحمه الله
لماذا كل هذا القلق ياعزيزتى؟ ؟هل انت واثقة من زوجك ام لا؟ فلا تزرعى الشك بداخلك و تجعليه يوثر فى حياتك الزوجية وحاولى الاتركزى على هذه الامور الصغيرةولا تهتمين بتصرفات قريبتك على الاطلاق وتزكرى انها ايضا متزوجة.
اختى قوى علاقتك بزوجك واهتمى به اكثر وكذلك اهتمى بنفسك اكثر وباسرتك الصغيرة ولاتفكرى فى تصرفات قريبتك نهائيا بل حاولى ان تعدلى طريقة تفكيرك من التفكير السلبى الى التفكير الايجابى.واتمنى لك حياة زوجية سعيدة هادئة.
وشكرا وفى انتظار تواصلك

اول شي احب اشكرك استاذه رحاب على اهتمامك بمشكلتي اللي للاسف مافيه احد عبرني عليها الا انتي الله يجزاك خير

بالنسبه لزوجي الحمدلله واثقه منه ومن حبه لي ورايه بي بس مااقدر اتحمل فكره ان زوجي جنبي بس تعجبه قريبتي!!ويمكن حبي له يخليني اتحمل شوي وابرر له بس هي متعبتني هي وتصرفاتها ماادري ليه تسوي لي كذا!!للاسف انا من النوع اللي يبان علي كل شي وصرت اذا اجتمعنا يبان علي اني ماصرت اميل لها وانا ماابي هالشي يصير لانها مهما كانت هي قريبتي غلط اني اعاملها ببرود..يعني عطيني طريقه مكن اعتمدها اذا سال عنها او اذا هي جابت طاري زوجي وش اسوي اجاوب بكل سهوله وابين اني مو مهتمه او مااعطيهم حق ولا باطل ..؟

استاذه رحاب ان انتي؟؟

انا انتظرك بفارغ الصبر...


ابي ارتاح من هالسالفه!!ملييييييييييت احسها تسوي لي ظغط نفسي واحس وقتها بالغيره من قريبتي وبنفس الوقت بالحقد عليها وماانكر اني اثق بزوجي بس اني اعتب عليه كثير عشان تصرفاته نحوها ..علميني وشلون مااخلي السالفه هذي تاثر علي؟؟ ودي اني مااهتم فيهم ولا بتصرفاتهم اللي تاثر علي بسهوله,,وشلون اتعامل معها اذا سالت عنه او تكلمت عنه ,,اتجاهلها او انبهها اني ملاحظه تصرفاتها او ايش؟؟

الله يعافيك ردي علي انا انتظرك

في انتظار الحل

اختى الغالية
السلام عليكم ورحمة الله
لا تتجا هلى اسئلتها بل يمكنك الرد عليها ثم اطرحى نفس السؤال عن زوجها وبذلك سوف تتوقف عن الاهتمام بزوجك وطرح الاسئلة عنه.
ولاتقلقى نفسك
وفى انتظار تواصلك