أبي ارجـع حق زوجي - ساعـدوني

أبي ارجـع حق زوجي - ساعـدوني

السلام عليكم ..

انـا متـزوجه وعمـري 21 وعنـدي بنت عمرها 3 شهـور وعشـت عنـد زوجي بس 4 شهـور
والمشكـله من أهلـه ( امه واختـه ) تقدرون تقولون ان زوجـي ولـد امـه ودايـم يسمع كلام امه حتى لما تتكلم عني بسـوء جدام زوجي وطبعا زوجي ساكـت مايرد على امه ولا يدافـع عني جدام امه وطبعا انا سـاكنه عند اهل زوجـي
وفـي يوم من الأيـام كنت توني قاعده مع زوجي الصبح حطيت الفطور وقعدنا نسولف ونضحـك انا معاه
وزوجي يحب يتغشمر معاي فبعـدها مسك ايدي حيل وقامـت ايدي تعـورني وصارخت ولا امه تسمعني وصعدت لي فوق بغرفتي وتهاوشت معاي تقولي ماتستحين على وجهك صراخك واصل الشارع بعز الصبح طبعا كان وقتها الساعه 11 الصبح وزوجي كان واقف جنب امه حاول ان يهدي امه بس ماسكتت الا كملت هوشتها معاي وانا رحت داخل غرفتي ابكي وزوجي يحاول يهديني بس انا مصدومه من كلام امه لأن امي ماقالت لي هالكلام ابد
ويوم صار وقت الغـدا طبعا زوجي قالي امشي نتغدى مع امي وبوسي راسها وانا ماوافقت عشان لا تذلني مره ثانيه وطبعا زوجي زعل مني وظل 3 ايـام مانكلم بعض وفي اليوم الثالث اتصل زوجي على امي يتهاوش معاها بموضوعي مع امه وقال كل شي حق امي وبعدها صعد لي بغرفتي يكلمني عن امه ويحاول يراضيني وبعدها رضيت بس تذكرت كلام امه ورحت ابكي وبعدها ضماني على صدره ويحاول يهديني واختي تتصل فيني بس مارديت عليها وطبعا خافت علي قالت حق امي لازم نروح لها وبعدها فتحت الباب حق خواتي وامي وخالتي وقررو ان لازم ياخذوني عندهم على طول وامي كانت تكلم زوجي وخواتي يوضبو ملابسي بالشنطه وزوجي ماكان يدري بس قبلها كنت قايله له اني بروح بيت اهلي مابيك وكنت حامل بالشهر الثالث وقت ماكنت اتنسى وبعدها زوجي قال حق امه ماتاخذونها الا بس اسبوع او اسبوعين وبعدها خواتي خذو الشنط بالسياره ورحت معاهم البيت وامي لحقتنا وزوجي حاول يوقفهم عشان ماياخذوني لأنه ندم وبعدها عشت عند اهلي وبشهر 2 تطلقت وكنت حامل بالشر الثامن والحين اتمنى اني ارجع حق زوجي عشان بنتي مابيها تعيش بعيده عن ابوها ابي الحـــل منكم ..

ادري ان مشكلتي صعبـــه بس تكفون عطوني الحــل .. ابي مساعـدتكم لي .. ارجو الرد بسرعه

المصدر: نفساني

ارجـوكم ســاعـدوووني بليـــز .. ابي الحـــل

ابنتي / الحزينة اسعدك الله

أنا لاالومك على تصرفاتك مع والدة زوجك ، ولكن تاكدي أن أهل زوجك بما فيهم أم زوجك لن يكونوا مثل بيت أهلك ، أهلك يلتمسون لك الأعذار عندما تخطئين ، وأهل زوجك يبحثون عن أخطائك لأنهم يحاولون مطابقة صورتك التي في أذهانهم على واقعك معهم ، على أي حال مشكلتك ليست معقدة كما تتصورين ، وتتكرر دائما في أغلب البيوت ، وتزول ببساطه ، والذي الاحظه أن تصرف زوجك ممتاز معك ، يحاول يهديء الأمور ويعاملك بحنان ورقه وهذا شيء جيد معناه أنه يحبك ، ولكن المشكلة أنه محرج أنت زوجته وحبيبته وهذه أمه ولها حق عليه وينطبق عليه المثل العامي الذي يقول : ( ياعرضي من أرضي ) إن ارضيت زوجتي زعلت أمي وإن أرضيت أمي زعلت زوجتي ، فأنت يا أختي يجب أن تكوني ذكية وتتفهمي الوضع جيدا وتحاولي أن تكسبي رضا أم زوجك ، وأنا اعرف أن الكبير يرضيه شيء بسيط حبة راس فقط ولن تخسري شيئا ، وحاولي وهذه نصيحة قيمة من رجل مجرب أن لايطلع أهلك على أسرار ك الزوجية مشكلتك مع زوجك تحلينها بنفسك دون أن يطلع عليها أحد وزوجك كذلك ابلغيه بما قلت لك إذا اردت لحياتك الزوجية ان تدوم وتستمر وتكون خالية من المنغصات والمشاكل ، أما عودتك لزوجك فهي سهلة جدا إتصلي عليه بالهاتف ، ويأتي ويأخذك من بيت أهلك ، وافتحي معه صفحة جديدة يكون قوامها الحب والتفاهم والانسجام والله يحفظك ويوفقك لكل خير ( بارك الله لكما وبارك عليكما وجمع بينكما بخير ) 0