ارجو المساعدة ارجوكم

ارجو المساعدة ارجوكم

السلام عليكم انا لد طفلين الاول 7سنينو الثانى 4سنين ابنى الاكبر بدات مشكلتة و هو عندة 4 سنوات بدات الاحظ علية اعراض مرض فرط الحركة و تشتيت الانتباة و استشارت دكتور متخصص و عملت عندة اختبار زكاء و الولد طلع زكاءة ممتاز و كتب لى على دوا اسمة رسبردال و بدات احس فعلا بتحسن على الولد و بعد سنة من العلاج الولد بقى طبيعى و الحمد للة بس دلوقتى حاسة انة رجع تان طول النهار رايح جاى مش بيقعد فى مكانة حتى حصة القران بيفضل يطلع على الكراسى و ينزل و دلوقتى اصبح مدمن كارتون بشكل غير طبيعى و لما اقنن الوقت بتاع التلفزيون يفضل يعصبنى و يضرب فى اخوة و فى المدرسة كل يوم يجى كتبة متبهدلة و ادواتة ضائعة وانا الحقيقة بقيت عصبية جدا وخايفة علية و مش عارفة اعمل اية و هل ممكن يفضل طول عمرة ياخد ادوية ساعدونى ارجوكم و السلام عليكم

المصدر: نفساني

السلام عليكم اين انتم ايها السادة المستشارين ارجوكم ردوا عليا بليز

اختي الكريمة
تمهلي قليلا
ولا تستعجلي الحصول على الرد
المتشارين متطوعين ولديهم الكثير من المشاغل
تحياتي

لسلام عليكم يا دكتور انا شاكرة اهتمامك بس الحقيقة انا نفسى اطمئن على ابنى و اعرف ان كان ان شاء اللة هيشفى من غير الدوا ولا هيرجع لة تانى الحقيقية انا بتمنى انة يكون فية علاج تانى غير الدوا عن طريق سلوكيات معينة او رياضة او انواع اكل معينة تكون بتزود التركيز انا كل امل فى ربى

السلام عليكم و رحمة اللة و بركاتة كل عام و انتم خير بمناسبة المولد النبوى الشريف اخوان اهل العلم و المشورة انا كتبت مشكلتى و كلى امل ان انا اعرف الرد و الحل لها لكان فات اكثر من 10 ايام و لم يجبنى احد ارجو الافادة و شكرا

أختي العزيزة ، بالتأكيد عندما عرضتي طفلك للطبيب حدثك عن تشتت الانتباه وفرط الحركة والاندفاعية.ولكل واحدة من هذه المسميات اعراض. ومن ثم سلوكيات غير محمودة. ولا اريد ان اعيد عليكي هذه المعلومات. بل لابد ان تعرفي ان للانتباه 5 انواع ولكل واحدة من هذه الانواع تكون مختصة بسلوكيات معينه. وما يهمني هو ان اقدم اليكي المساعدة من خلال هذه المعلومة وهي.
أن لتشتت الانتباه علاج بالاضافة الى العلاج الدوائي. وهو تدريب الطفل عن طريق برامج الكومبيوتر المعدة خصيصاً لتدريب عملية الانتباه وللتغلب على مشاكل الانتباه. هذه البرامج تعمل على استثارة ناقلات عصبية معينة في الدماغ وهى مختصة بعملية الانتباه يساعدها في ذلك الادوية الطبية. فعندما تكون عملية الانتباه لدى الطفل جيدة فانه يكون قادر على تذكر المعلومات والدروس والانشطة المطلوبة منه .
فاذا تم تدريب طفلك على كيفية الانتباه (المستمر، والمقسم، والمتبادل، والمركز ، الاختياري) فانه يستطيع أن يركز في جميع سلوكياته من تعلم و جري ...وخلافه.
يمكنك أن تراجعي العيادة
أولاً لاختبار انتباه ابنك وتقييم حالته.
ثانياً معرفة مشكلاته السلوكية
ثالثاً تحديد نوعية البرامج التدريبية.
رابعاً اعطائك فكره عن كيفية عمل البرنامج عن طريق الكومبيوتر


دكتورة . بتول الحلو
استاذ مشارك علم النفس العيادي

السلام عليكم و رحمة اللة و بركاتة احيكى اختى د.هند الغصن اشكرك على اهتممامك انا كتبت لك تقرير ابنى عسى ان ترشدينى لما يكون فى مصلحتة مجال الاستدلال اللفظى 128 مجالالاستدلالالمجردالبصرى129 مجال الاستدلال الكمى122 مجالالزاكرة قصيرة المدى117 بتطبيق مقياس ستانفورد-بينية الصورة الرابعة وهزا الاداء على المقياس لا يشير الى وجود قصور معرفى واضح فى العمليات الاساسية المتطلبة فى الاداء المدرسى ولكن ربما يشير الى وجود بعض الصعوبات البسيطة فى وظيفة الانتباة والتى ربما تؤدى الىصعوبة فى عمل شى يتطلب مواصلة الانتباة و صعوبة فى السكون و تنظيم العمل اثناء الاداء وكل هزة الاعراض مع تاريخ الحالة ربما يشير الى وجود اضطراب قصور الانتباة و فرط الحركة adhd عند مستوى بسيط 0 دة يا دكتورة التقرير الطبى قبل استعمال الدوا وبعدة انا حسيت انة اتحسن كتير بس انا عندى قلق ان تكون كتر الحركة فى الفصل و انة المدرسة بتشتكى انة مش بيقعد مكانة و ان دائما بينسى حاجتة تكون من الحالة اللة عندة انا بحب اولادى جدا و بخاف اوى انى اقصر فيهم لان كفى بالمرء اثم ان يضيع من يعول ارجوكى ان فية اى برنامج تدريبى يكون على النت او تتفضلى و ترسلى على الايميل بتاعى يكون جزاك اللة خيرا

السلام عليكم عزيزتى الدكتورة بتول ارجو ان تكونى قرات مدخلاتى و ان تتوصلى معى حتى اجنى الفائدة المرجوة من طرح الموضوع و شكرا

للرفع و شكرا

ثانى مرة للرفع و شكرا