تعبااااااااااااااااااااااااااااااااااااانه

تعبااااااااااااااااااااااااااااااااااااانه

السلام عليكم ورحمة الله وبركاته

والله مدري من وين ابدي كلامي افكاري متشتته اقول شو والاشو؟؟ امي ومشاكلها والا ابوي والا همومي ....اختصر عليكم اببدأ بامي تعبت بصراحه مافي انسان فهالدنيا اتوقع انه يكره امه وابوه وانا احبهم بس اهم ما يعرفون يتصرفون <<<<<امي كله تدعي علي بسبب والا بدون سبب مو بس انا حتى اخواني واذا انقولها ليش كذا تسوين تقول مومن قلبي بس اذا كنت معصبه عمري ما سمعتها تقول الله يهديكم والا الله يعافيكم مستحيل بس الله ياخذكم الله لايوفقكم ....الخ امي شخصيتها جدا ضعيفه وطيبه لدرجة السذاجه؟؟ يعني اذا تخاصمت مع ابوي اطلع حرتها فينا خاصة انا واختي اماالاولاد ما تقدر لانها تخاف منهم ؟؟؟ غريبه امي الله يهديها لا وبعد تفرق بيني وبين اختي واهي الاصغر انا عمري 24 واختي 17 تقول اهي صغيره...امي تحب تفشلني جدام بنات عمي وخالاتي اي ممن كان عالى بالها ان تصرفها صح وانها قويه واذا اشتكيت لابوي من تصرفاتها يقولي امج مافيها عقل لاتاخذينها على كلامها؟؟؟ابوي يستحقر تصرفات امي وغبائها احاول ان اتقرب مافي فايده مثلا يوم تكون رايقه اروح اجلس ويا ها وطبعا اني بنت اكيد بسولف عن الملابس والمكياج وغيره...واهي احلى من الحلو وبس تزعل تقولي انتي بس ما عندج الا اخرابيط ووو ترجع كل سوالفي اللي اقولها اذا سكت تقولي ليش ساكته ما تتكلمين واذا رديت قالت لسانج طويل واذا قمت قالت قليلة ادب واذا جلست اموت من داخلي واغلي من كلامها اللي يقهر ودي اتقرب منها تكون صديقتي بس صعبه صعبه وكله تتطنز على شكلي <<كني انا اللي خالقه نفسي مع اني والحمدلله مو بشعه........ اذا شافت ابوي تزيد بنتك وبنتك وبنتك؟؟ ماتعرف تتكلم مع ابوي ابدا سبحان الله تغيير شخصيتها الي انسانه غبيه جدا <<اسفه على هالكلام بس من قهري ان امي مو زي اي ام عاقله تصرف بيتها صح طبعا انا علاقتي بأبوي مش قويه اخاف منه وايد مجرد مايكون اهو في البيت اخاف اطلع الصاله قلبي يدق شعور يذبحني ابوي شدشد شوي وطبعا ابوي تزوج على امي وانا عمر13 سنه تقريبا كانت مشاكلهم كثيره ما تخلص كنت صغيره مااميز الصح من الغلط بس يوم كبرت عرفت ان ابوي معاه حق يوم تزوج عليها لانها كانت ما تهمتم بنفسها كان يشتريلها ويوديها ويعطيها بس ما كانت تفهم كان يقولها روحي كملي دراسه كانت تقول لا كانت تنام قبل مايرد البيت...الخ وانا قلت لابوي انا ماالومك على اي شي وطبعاابوي مشترك يعني مو ملاك له سلبيات كثيره كل شي عنده لالالالا نادر ما يقول اوكي...واخواني كل واحد في نفسه وبس بيتنا الكل اناني نفسي وبس وياليت على هذا وبس اه اه طبعا عندنا ممنوع زياره صديقات ممنوع الطلعات ممنوع اتكلم في التلفون طبعا هذاايام المدرسه <<اول مادخلت الكليه شفت دنيا غريبه عجيبه بنات اجناس واشكال بحكم اني مكبوته وشفت دنيا غير واكيداحب اني اجرب الشي اللي انا محرومه منه ومع اني بنات عمي وبنات اخوالي عندهم هالامور موجوده الوضع طبيعي طلعات وغيره...اول البدايه يلا بنات نروح نتريق واللي بعده السينما واللي بعده تعرفت على شاب وووو واستمرت المسيره القذره اللين مااذكر كم واحد عرفته وطلعات ومسخره واكيد معي صديقاتي والكل يساعد الثاني على الشر فقدت عذريتي وكرامتي <<<<لاحول ولاقوه الا بالله اللين هذاك اليوم خالي كشفني مع واحد وخبراهلي وطبعا خلاص ما خلوني اكمل دراستي وحبسوني فالبيت وانا عالحال هذا من 4 سنوات مااطلع الامع امي وبس واكيد لازم الاهانه والمذله كل فقتره وفقتره خاصه من امي وياليت على كذا خبرت خالتي وخالتي خبرت خواتها ...الخ حتى امي ما سترت علي طبعا بحكم الضغوطات اللي عشتها اكيد ما احد يحس فيني ابد لاقبل ولا اللحين كان عندي موبايل من دون مايدرون اهلي واكلم واذا لقيت فرصه اطلع طلعت..... قررت اني اكلم ابوي اني اكمل دراسه بس للاسف خلاص ما اقدر ارجع ادرس الا في جامعه خاصه وطبعا شي في فلوس ابوي مو مستعد ابد المهم كان متردد قلتله خلاص 4 سنوات عاقبتوني اعتقد كفايه <<<قالي هذا مو عقاب انا احميج حاطج جدام عيوني لاني خايف عليج......اي حمايه وانا عندي موبايل واقدر اطلع اذا ابا.....المهم وافق اني اروح معهد بعد ما صلى استخاره <<<سبحان الله هذا الكلام قبل 9 شهور تقريبا وافق اني اشتغل واهو بنفسه راح وياي اقدم اوراقي<<<<اللهم لك الحمد طبعا انا اللحين لي علاقه بشخص اكبر عني عمره 40 سنه واحبه واهو يحبني بعد وقالي انا مستعد اجي واخطبج طبعا اهو متزوج اهو حنون وقلبه طيب وايد وكل شي فيه زين الحمدلله<<<<امي تقول مستحيل ازوج بنتي واحد متزوج وابوي بعد بس ابوي سهل امره بحكم انه متزوج ويقدر هالوضع اقدر اقنعه لكن امي ؟؟ ما اعرف شو اسوي بنفسي تعباااااااااانه ودوم ادعي الله ان يفرجها والحمدلله على كل حال

المصدر: نفساني

وينك يادكتور انتظرك؟؟

بعدني انتظر؟؟

انتظر =انتظر=انتظر=انتظر=انتظر

الى اخت الفضلة ..... feed back
نأسف للتأخر في الرد ...
قرأت رسالتك أكثر من مره ...
في البداية أود القول أنه لا يوجد أب و أم لا يتمنون الخير لأبنتهم ,
وأن الظروف التي مريتي بها لايبرر دخولك في علاقات مشبوهه ولكن الذي حصل حصل
حاولي أن تنسي مافات وأن تبدأي من جديد وأن تثبتي لمن حولك انك استفت من الغلط الذي وقعت به ولن تعودي له مره اخرى, حاولي التقرب لمن حولك وبالأخص والدتك
ولاتيأسي ,
اما بانسبة لموضوع خطبتك الى شخص بعمر 40 سنه حاولي أن تضعي فارق العمر بينكم نصب عينك . فاالاهم في الزواج التفاهم المشترك


وتذكري ( عسى أن تكرهوا شيئا وهو خير لكم - وعسى أن تحبو شيئا وهو شر لكم )

واتمنى لك التوفق في امر الدين والدنيا بأذن الله ...............