ارجوكم ساعدووووني

ارجوكم ساعدووووني

السلام عليكم ورحمة الله وبركاته

انا جديده بالمنتدى.....وابغى اعرض مشكلتي واتمنى انها تنحل... انابنت عمري 21 تقريبا واعاني من مشكله تتعبتني بحياتي حتى انا لا استطيع ان امارسها بشكل طبيعي
البدايه كانت من سنه تقريبا صارت تجيني افكار غريبه مثلا اذا شفت منديل بالارض او اي شيء ثاني حس لازم اشبله ولابتنزل علي مشكله واحس الله بيعاقبني عليها وتصيرلي مصيبه...و اني اتاكد من الفرن مرات كثيره واتاكد من اشياء اشوفها صح بس يجيني تفكير انها غلط او ماشفتها زين...وتطور الامر لاني اذاا جيت اتوضا واقول بسم الله احس ماقلتها زين واعيدها مرات ومرات هذا غير الوسواس في الوضوء والماء واعيده كثير جدا جدا...حتى اني جيت مره اصلي العشاء توضبت الساعه 8 وقعدت اعيد الوضوء الى الساعه 10 او11 وتعبت ولا صليت وصليتها اليوم الثاني وتركت الصلاة شهور طويله حتى اللحين اصلي ايام واترك ايام اكثر وضميري معذبني بهالشي.واقول بسم الله بالطلعه وبالدخله واعيدها واتعب واتعذب...ووساوس كثير ه تجيني اذا شفت شي واستهزأت عليه بتفكيري او شخص شكله ما اعجبني لازم اقول استغفر الله واعيدها ولازم اطلعها من قلب واقوله زين واحس فيها...واذا شفت احد واعجبني لازم اقول مشا الله واعيدها ونفس الحاله ولابتعاقب وبجيني شي...وفيني خوف شديد وتجيني كوابيس مرعبه وخوف شديد على اللي احبهم ...طبعا وانا اسوي كل هذا احس بحراره بوجهي وتعب داخلي مادري وين مصدره ودقات قلبي تقوى ووجهي مرهق وقلق وهم وتعب. اذا جيت اكتب اتاكد من الحرف واذماصححته احس راح يصيرلي شي..وهالمشكله تجيها فترات تخف وتقوى...بس اللحين خفت عن اول ...بس فيه بعض الاشياء تقوى وتخف.واللحين صايره اشك كثير فيه اشياءاسويها صح ومتاكده منها بس احس اني ماسويتها واشك باشياء واضحه قدام عيوني واشك واخاف من اشياء ماكنت خايفه منها ويجيني رعب منها ويجيني خوف من ايش راح يصير بعدين..واللحين احس بكسل وخمول وتعب مع اني كنت نشيطه وجسمي يتعب واذا نمت ساعات قليله ما قدر اغصب نفسي واقوم حتى اني مارحت الدوام اسبوعين وصايره انسى كثير ......انااحتاج المساعده وما اقدر اروح للطبيباخاف احد يعرفني فيه عندي ذكريات اخاف الطبيب يعرفها وانا اتمنى اقولها لاد يفهمها ويحس فيني.انا خايفه حياتي تستمر على هالحال وماقدر اكملها بسعاده وانا عندي طموح كثيره وابغى اتزوج واكون بيت ويصير عني اولاد واربيهم وافرح فيهم خصوصا اني احب الاطفال...بس خايفه هالشي يصير فبني وراثي وبعدين يصير باولادي....كتبت هالسطور لين نزلت دموعي....ارجوكم ساعدوني باي طريقه الله يوفكم

المصدر: نفساني

شفاك الله اختي الكريمة
معانتك كما وضحت هي الوساوس والخوف , وتكرار فعل الشي اي كان طبيعته هو مؤشر للوسواس القهري , وعلاجه ليس يالأمر المستحيل او الصعب فحالات كثيرة شفيت بفضل الله ثم بالعلاج النفسي الدوائي والسلوكي , فلابد لك اختي ان تتوجهي لطبيب نفسي او اخصائي نفسي , وللمعلومية لاحرج من المرض او الماضي وانما المعالجين النفسيين هم لمساعدتكم وليس للفضيحة , وبامكانك اختي عدم البوح باسمك او لقبك (العائلة) وفرج الله همك

شكرا اخي على الفائده