احتاج مشورتكم بأسرع وقت

احتاج مشورتكم بأسرع وقت

السلام عليكم
اخواني الافاضل في هذا المنتدى
جزاكم الله كل الخير على مجهوداتكم ,,

انا احتاج لمشورة المختصين منكم لو سمحتوا ,,

بعطيكم نبذه مبسطه للتوضيح
انا جاني اكتئاب بعد وفاة امي الله يرحمها من سنة هالكلام
وراجعت عند دكتور كذا جلسة (انا كنت مرافقه مع امي فترة مرضها لذلك كانت نفسيتي جدا سيئة كنت اشوفها بـ اسوأ الحالات امامي ومابيدي اسوي لها شي والطبيب اللي اراجع عنده حاليا قابلني حتى قبل وفاة امي رحمة الله عليها لانه كان مرسل لها من قسم الطب النفسي لما جتها الغيبوبة وكانوا مشتبهين انها تعاني من اكتئاب حاد فكان عارف وضعي النفسي متوتر وحدد معي جلسة خاصة فيني كتطوع منه وتوفت امي قبل هالجلسة وانا بعدها بـ3اسابيع اتصلت فيه وراجعته لاني كنت محتاجته جدا )بالبداية قال لي ماراح اعطيك اي علاجات لان وضعك طبيعي وبعد 6 شهور اعطاني بروزاك
استمريت عليه حوالي 6 شهور
والدكتور وقتها أصر انه يعطيني العلاج لاني انخطبت وقال لي لانك تمرين بمرحلة جديدة فالافضل لك انك تاخذين علاج وشخص حالتي بعد مرور 6 اشهر تقريبا اني اعاني من اكتئاب تكيفي ,,وقال لي راجعيني بعد 4 شهور ,, بس للأسف
وكنت ملخبطه ونسيت يوم الموعد حقي ومارحت له ولاقدرت اتواصل معه لان مامعي تليفونه ولاشي ,,
كانت ذيك الفترة فترة ملكتي وكنت اقول له خايفه انهار وكذا بسبب عدم وجود امي فقلت له يعطيني شي يهديني واعطاني فاليوم
وقال لي جربيه قبل المناسبة وجربته ومالاحظت شي علي ويوم الملكة ماأخذته ومشت الامور نوعا ما مش بطاله ماقولك 100% بس ماشي الحال ,,كان الوضع عادي لكن ماقدرت اطلع قدامهم قلت بدخل غرفتي الخاصة بدون ماأمر من اللي حولي من الناس مع انه ماكان فيه الا المقربين لي فقط بس حسيت اني بتعب وانا اشوف الجميع موجود ماعدا امي !

المشكلة الحين في ايش ؟
انو تحدد تاريخ زواجي وانا حابه اعمله باوتيل وحفل حلو واسوي كل شي ببالي وماعندي مشكلة من هالناحية ,, الاشكالية هي خوفي من اني وقت الحفل ووقت الزفة بالذات اجلس ابكي واحوس الدنيا او لو اشوف احد يبكي ماتمالك نفسي ,, انت عارف الموقف صعب اشوف كل الناس قدامي الا امي الله يرحمها ووقتها الواحد يكون سترس خلقه حتى لوكانت امه جنبه ,, بالاضافة الى كوني مسؤولة عن اختي ذات العمر 13 عام ,, وهي تعلقت فيني بشكل كبير بعد وفاة امي ودايم تحكي لي عن وضعها بعد ماأتركهم واروح كيف راح يكون سيئ ,,

انا حجزت بالاوتيل وخلاص بس قالي المسؤول عشان تاكدين حجزك معك يوم فكري فيه وخلاص وانا محتاره ,, رغبتي الداخليه اني مره حابه اسوي الحفل بنفس الوقت خايفه من العواقب اللي انا قلتها لك ولاني عارفه طبيعتي ونفسي ,,

كل هالمقدمة الطويلة العريضة عشان اقول ,,
فيه دواء طبي يفيد في السيطرة على العواطف اللي من هالنوع ؟
سواء فاليوم او غيره ,, ؟
بحكم معرفتك وخبرتك كـ طبيب قلت اسألك لانه اكيد بيكون عندك فكرة ,,
لانه بجد هذا هو الشي اللي يقرر الترتيب عندي ,,
فكرت ارجع اخذ الفاليوم واجربه مره ثانية واشوف وقلت اسأل افضل ,,
مع العلم اني عندي حساسية خفيفة بالصدر فلذلك نستثني الانديرال ,,

بجد محتاره مادري اتكل على الله واخذ الحبوب المهدئة وبيمشي الحال معها ؟ والا كيف ؟
حابه افرح وانبسط لكن بنفس الوقت انا محبطه واحس اني ماراح افرح بيوم فرحتي ,, يعني هم الارتباط + مشاعري تجاه امي + مشاعري تجاه اختي لاني صايره مثل امها الان ,, بجد احس اني مشتته ومحتاره ,, الله يخليكم ارشدوني للحل المناسب باسرع وقت ممكن لان مافيه وقت :(

ولكم كل الشكر والتقدير جميعا ,,

المصدر: نفساني

اختي الكريمه

هنا في موقعنا ، لا يجوز وغير مصرح لأي اخصائي او طيب أن يصف دواء لأي شخص مهما كانت حالته ،،، فالدواء الذي يناسب غيرك قد لا يناسبك ،،،
ننصحك بمراجعة الطبيب ، وهذا افضل لك ..

الف شكر لك اخي الفاضل
لكن انا مابي احد يوصف لي علاج لكن ابغى اطرف هل الفاليوم ممكن يسيطر
على مثل هالعواطف او لا ؟
لانه عندي من الاساس والطبيب واصفه لي لكن هل اعتمد بعد الله عليهم والالا ؟
وشكرا