حاله غريبه

حاله غريبه

السلام عليكم ورحمة الله وبركاته ..


هذه اول مشاركه لي في هذا المنتدي الرائع ..

بصراحه انا شاركة في هذا المنتدي لطرح مشكلتي لعلى القاء عندكم النصح او العلاج

انا عندي اخ يبلغ من العمر34 سنه ..
منذ طفولته وهو غامض لابعد الحدود كان لا يكلم احد في البيت الا انا فقط وبحدود ... كنا اسره كبيره ام واب واخوان كثيرين كان دائما يقفل عليه باب الغرفه ويجلس وحيدا لا يكلم احد وياكل لوحده في الغرفه كان متفوق في الدراسه وبعد الثانويه توضف وخرج من البيت وسكن في شقه طبعا الاهل عارضو ولا كن لا جدوا

ولم يخبر احد عن مكانه وكان ياتي من فتره الى اخري وبسرعه يذهب ... من ثلاث سنوات جانا اتصال واخبران انه فاصل من العمل من ست سنوات وانه ساكن في حي شعبي ويعيش عيشه لا يعلمها الا الله ولاكن كان لا يبين لنا ..
المهم وجهناه وسكن مع اهلي وراجع دكتور نفسي واخذ العلاج وقال له الطبيب انه يعاني من مرض الذهان !!

المهم يعيش الان مع الاهل بس اشوفه دائما في غرفته واذا خرج يجلس يفكر ودائما حزين الا ماندر منذو يومين جلست معه ( انا عايشه في بيت اخر بحكم اني متزوجه ) وقمت اقوله فضفض لي بس هو دائما نحاول نسأله بس مايجاوب ويزعل ويروح يقفل عليه الباب علشان كذا نتحاشاء محادثته في هذا الموضوع ...

بس اول مره يصارحني وقال .. انه كان يعني من المرض من كان عمره ثمان سنوات !! اه اه اه قطع قلبي والله
وكان في ذاك الوقت تحتفل السعوديه باول رائد فضاء الامير : سلطان بن سلمان .. يقول انه اعجب في شخصيته وتعلق فيه واخذ ينظر اليه ليل نهار في الجريده ويتخباء في سطح البيت ويجلس بالساعات ينظر اليه يقول انه مايقدر يشيله من باله ولا لحظه المهم ماعلم احد وبعد فتره راح عنه الامر بعد شهور .. ولما بلغ 12 سنه رجع له الامر مره اخر وتعلق بشخصيه كرتونيه ( الليث الابيض ) كان يعرض في التلفزيون في ذاك الوقت واخذ يسيطر على تفكيره ليل نهار وهكذا من كل فتره واخرا يتعلق بشخصيه اخراي ولا يستطيع السيطره على التفكير يعني مخه يفكر فيه 24 ساعه يقول مقدر انام يسيطر على الشخص ليل نهار وتعب ويقول احيانن من كثر التفكير احس ان مخي بينفجر وانه يحتر حتى احط عليه ماء بارد علشان ارتاح وتطورت الحاله يعني احيانن يتعلق في شخص لمدة سنه واحيانن ست سنوات ويقوم يسال عنه واذا كان الشخص المتعلق فيه قريب له او جار او صديق يقول اني اصير زي المجنون امشي في الشوارع وادوره واروح لبيته واكلمة 24 ساعه ويتضايقون مني الاشخاص الي انا متعلق فيهم ويذوني لدرجه انه احيانن يطل من تحت بابهم علشان يشوف الشخص او يجلس قدام بيتهم المهم يقول ياما وياما دخلت سجون وياما ويام انذليت وانطقيت ومشيت في الشوارع حافي وفي السياره على سرعة 200 بس علشان اشوف الشخص اوالحقه وا اسال عنه وابدا اراقبه واراقب كل الي يعرفونه اه اه ..

بس يقول ودي ارتاح بس مقدر الشخص الي اتعلق فيه يسيطر على مخي بشكل جنوني .. الان هو متعلق بشخص من ثمان سنين .. هو الي علم اهلي عن حالت اخوي يقول الشخص اللي متعلق فيه اخوي انه بصعوبه لقاء رقمنا لان اخوي كان غامض المهم اهو اتصل علشان يشتكي من اخوي لانه قام يزعجه ويزعج اهله ويهدد عياله لان اخوي يبي يشوفه يوميا ويكلمه كل ساعه بس الرجال مل ورفض وقام يشتكي ودايم يبلغ الشرطه ويمسكون اخو بس يطلع لان معه اوراق تثبت انه مريض .. الله يشفيه يارب يارب ياذا الجلال والاكرام ..


اخوني انا قصية لكم جميع التفاصيل علشان تفيدوني ..

من مر عليه نفس الحاله !! ( تسيطر فكره او شخص على المخ )
من سمع بنفس المرض ؟؟.. وكيف تعالج لاني اخف يكون الي في اخوي مس .. مو مرض نفسي لانه ياكل العلاج وتحسن بس مازل متعلق بالشخص بشكل جنوني ... الي عنده خبره ياليت يفيدني ... ولي قرا الموضوع ولاعنده خبر او معلومه اتمني ان يدعيي له بالشفاء عسى الله يستجيب دعائه ويشفي اخوي والله اني ارحمه بس ماباليد حيله ..

المصدر: نفساني

اختي
شفا الله اخيك
يبدو لي من حديثك ان التعلق الذي لدية قد يكون جزء من المرض الذهاني الذي يعانية والذي مر به منذ طفولتة هي مقدمات للمرض الذهاني ( فصام العقل)؟
وقد يكون التعلق الذي لدية مرض مستقل بذاتة نسمية(Erotomania) ولا اعرف ترجمتها بالعربي لكنها التعلق المرضي خاصة ان لم يكن لدية اي اعراض اخرى لمرض اخر مثل الفصام او اظلالات او استخدام للمخدرات ؟
لذا انصحك بالعودة الى طبيبة وشرح ذلك له مجددا لأنهم في الغالب يخفون ذلك ولايخبرون بة احد
تحياتي لك والف سلامة لأخيك

مشكور اخي على الرد ......
بس ياليت تبين لي وش الحل بالنسبه لتعلقه بالرجل لان الرجل يشكي دائما من اخي .. ومناحية اني اروح واكلم طبيبه مقدر ..
بس اهو قال انه شرح لدكتور حالته واعطاه دواء حق الذهان وعلاج اخر حق الوسواس القهري لانه اصابه ايضا ....
هل فيه علاج للمرض الي ذكرته خاص غير علاج الذهان ؟؟؟؟
وكيف نخلي اخوي يكره هذا الرجل يعني وش ممكن نسوي حتي يخف من التفكير فيه ؟؟ هل بدينا حل ولا بس على العلاج ؟ لان صار له اكثر من سنتين والحمد لله خف بس الا الان متعلق فيه ؟؟
واسفه على اخذي من وقتك .. جعله الله في موازين حسناتك ,,,,

اختي الكريمه , اضافه الى ما قاله الدكتور سعيد فأرى أن اخوك مصاب بفصام العقل Schizophrenia حيث يظهر انعزالاً عن الآخرين وإهمالاً في العناية بنفسه وبنظافته الشخصية, ويفقد الحيوية والاهتمام والرغبة في الدراسة أو العمل (دون أن يكون هناك حزن أو اكتئاب). مع قلة في الكلام وفي التفاعل العاطفي .
وأما تعلقه بشخصيات معينه فهو مرض ذهاني(Psychotic Disorder)، وهي حالة ضلال الحب (Delusion of Love) الموجوده ضمن حالات الاضطراب الضلالي ويعرف بهوس المحب Erotomania . وانصحك بان تخبري الطبيب عن ما اوردتيه هنا لان المريض قد يخفي تلك الامور.

اختي
العلا ج في الغالب يعتمد على مضادات الذهان
اما كيفية ابعادة عنة فالأمر يحتاج الى وقت من العلاج حتى يزول تماما
العلاج النفسي لحالات الذهان قد يفيد لكن من يجيد ذلك في العالم العربي قليل
تحياتي لك والف سلامة لأخيك

الدكتور محمد .... سألت اخي وقال انه اخبر الدكتور عن حالته بضبط !!!!
الدكتور سعد .. اشكر اهتمامك وللمعلوميه اخي يعالج عند الدكتور عبد الله السبيعي .. وهو مشهور بس مشكلت اخي مايستمر في المرجعات بس اخذ العلاج وراجعه مره او مرتين وبس يرفض الذهاب ومستمر على نفس الدواء له اكثر من سنتين بس الحمدلله تحسن بس الا الان متعلق في الرجل الله يشفيه
واناسؤالي وش المطلوب مني يعني وش التصرف الصحيح الي لازم يصدر مني او من اهلي المقربين له علشان نأثر عليه ويترك هذا الشخص او يخف عنه ...