الطب النفسي هل هو علم غير ضروري(أ.نوال)

الطب النفسي هل هو علم غير ضروري(أ.نوال)

السلام عليكم ورحمة الله وبركاته
الطب النفسي علم غير مهم وأن كل مايصيب الناس من أمراض نفسيه سببها البعد عن الله والذنوب
وخلل في ركائز العبوديه الثلاثه : الخوف ، المحبه ، الرجاء .
هذا ماقلته لي احد الأخوات عندما رأتني اتصفح هذا الموقع في هذا الموقع ماقلته لها هو ان الذنوب هي من اكبر اسباب تعاسة الإنسان ولكن ليس معنى ان كل مايصيب الانسان من الذنوب لما لايكون امحتان من الله عزوجل، وصحيح ان الكل يعاني من المشكلات حتى الاطباء النفسين ، لكن في بعض المشكلات نحتاج لتوجيه سليم وصحيح لحلها فلانستطيع مثلاً ان نخبر بها أي أحد وكتماننا لها هو ما يؤثر على نفسياتنا (السبب : قديكون لعدم رغبتنا معرفتهم أو عدم ثقتنا في آرائهم ) ، ثانيا وهو المهم أن الطبيب النفسي اكبر عمل يقدمه هو كيفية تكييف انفسنا مع هذه المشكله وان نرضى بالواقع وأن كان مؤلم ...............

لماذا لايؤمن الناس بالطب النفسي !!!!!!!!!!!!
أذا كان علم غير مهم فلماذا طبعت الكتب وفتحت الجامعات هذا القسم!!!!!!!!!!!!
وبالرغم من ان الكثيرين يقولون فلان اصابته جلطه في القلب لانه كان زعلان
او ارتفاع بالضغط أوارتفاع الانزيمات بالكبد أو أو أو وغيرها من الامراض العضويه نجد ان سبب الكثير من الامراض العضويه هي الحالة النفسيه للشخص ، وحًتى في حال مرض الشخص دائما نقول الحاله النفسيه هي أهم شئ لكي يتماثل للشفاء ...فلماذا هذا التناقض.......
:confused: :confused:


استاذتي الغاليه : نوال
احب ان اقول لك اني زعلانه جداً لأن ابي لا يرضى لي ابدا أونهائياً على الجلوس على النت أو حتى جهاز الكمبوتر لأني (مصختها) لكن زي ماقلت لك يااستاذه الكمبيوتر هو انيسي بهذه الدنيا هو اللي يسليني ويعلمني ويخلينى اراسلكم والسبب اللي يخلي ابوي يزعل علي اني قلت له اني اجلس على الانترنت لأنه دائما لما كنت اروح المعهد فيه غرف خاصه للانترنت وكنت اقعد
ولما خلصت الدراسه كنت اروح عشان اجلس على النت ولما ارجع البيت يقول ابوي انت خلصت الدراسه وش تروحي تسوين قلت ابد ، ادرس الكمبوتر عالم مهما درست انا جاهله فيه ، هو يقول انتبهي لايكون في انترنت (هو يسميه مصيبه) وتقعدي عليه انا اقول ابداً وشوالانترنت مااعرفه ولاادل طريقه .........صار هو يشرحلي وش الانترنت معلومات يااستاذه ماادري الله يحفظه من وين جابها :)
لكن بعد فتره قلت مارح اخبي على ابوي(ابغى اطبق المثل اللي يقول إذا كبر ابوك خاويه) وبقله اني اجلس على (المصيبه)على قوله ، لأنه يحسب النت شات وكلام فاضي بس ، فتحت جهاز الكمبيوتر وقلت لأبوي تفضل وهو عمره مابين 58-60 سنه تقريباً وقعد قلت له ابيك تشوف النت هو من الفجعه صار يطالعني بس .......... يحسب النت شي خطير جداً جداً (ادري انه خطير اذا اسيئ استخدامه ) لكن الوالد بزياده ..........بعدها صرت افتح له مواقع اخباريه ماخلت موقع اخباري مافتحته واي موضوع يعجبه اوريه اياه ...وهو يطالعني سااااااااااااااااااااااااااااااااااااااااككت ما قلي شي بعد ماخلصت قلت له هذا الانترنت ياابوي مافيه شي مو زين كله زين........يعلم ويثقف :)
بعدها ماشفت خير :(
فصل التليفون حتى اللي بالدور السفلي وخاصمني :( وقال ياويك ان شفتك قعدتي عليه
انتي ياستاذه بتحسبيه من كلامي انسان غير متعلم لا هو متعلم وخريج كليه حربيه (اقول ان الكليات الحربيه اللي يدخلها يصير معقد) لكنه شكاك جداً لايثق بأي احد مهما كان ................ازيد من الشعر بيت حتى الكمبيوتر مايبيني اقعد عليه

انا ادري بتقولين لاتقعدي على النت بقولك انه عندنا فراغ كبير حتى بعد ماتوظفت (انا اليوم غايبه من الدوام ) ومافي شي نشغل فيه فراغنا .........لاتقوليلي اتريضي لحالك :) ولا روحي عند صديقاتك ولا كلميهم تليفون ولا اقرأي كتاب .........حتى لوزرت زميلاتي في مشكله لان ابوي مايخليني اروح الا بأمي واحيانا تكون حفله كلهههها بنات وين تجلس امي (الحمد لله ما قال لي ماتروحي الدوام الا بامك ..........مشكله بصراحه)
او حتى لو زرتهم كل يوم عندنا فراغ ...كل يوم اروح عند الناس :rolleyes:
في موهبه عندي احبها ومثل الكمبيوتر كنت اقعد واطول لين ماخلوني اكره الرسم ...بس انا حبيت انساها لأني كنت احب رسم الارواح واتقنها وكنت في مدرستي لوناردو جيفنشي .................. انشاءالله رح ارسل وحده من رسماتي عشان تشوفينها ........
أنت اللحين اكيد بتقولين كيف اليوم انا دخلت وين ابوي عني انا في بيت اخوي ومن كثر ما انا مشتاقه للنت قعدت من 2الليل إلى 6الفجر حتى ان خرجت ارجع بسرعه
تذكرت انتي في رساله قبل قلتي لي ان اجلس ساعاتين في اليوم ياليت والله اللحين ابغى ربع ساعه لكن الوالد مايرضى ..........حاولت اقنعه قلت له في منتتدى نفسي ..قلت تعرف الدكتور السبيعي والفوزان اللي يطلعون بالتلفزيون قال ايه قلت لهم موقع على النت يحلون مشاكل الناس ..........قالي وانت وشلك قلت مثلاُ لو احد عنده مشكله نرسلها قال ماعليكي منهم انت قوليلي وش المشكله اللي عندك :)
قلت في نفسي أنت يابوي


اسفه على الاطاله ... وإذا كان في خطأ املائي اعذريني لأني اكتب بسرعه
يمكن اتأخر في الرد عليك لكن انا معاك
اووووووووووووه تذكرت تذكري الوكليه شافت المنتدى يوم قلت لها ابقعد على النت طبعاً جهازالكمبيوتر ماينزل من ايدي لأن حتى المدرسه تطفش ففي نهاية الدوام عشان لا أروح لزميلاتي وترجع تناديني صرت اقعد على الكمبيوتر قلت لها اشبك النت قالت طيب شافت المنتدى صارت تقرأ ؟ قلت لها عجبك بعد ماقفلت قالت ايه ........
لكن بعد كم يوم قالت هذا الكلام اللي مكتوب فوق الطب النفسي مو مهم:confused:

مع السلاااااااااااااااااااااااااااااااااااااااااااااا اااااااااااااااااااااااااااااااااااامه
حتوحشوني

المصدر: نفساني

وعليكم السلام ورحمة الله ..

الطب النفسي علم غير مهم؟؟؟؟؟
طبعا هو علم مهم لأن الحاجه موجوده والفائده ملموسه و ليس الطب فقط في مجال الامراض النفسيه مهم بل ايضا العلاج النفسي الغير دوائي الذي هو من مهمة الاخصائي النفسي.
لا نستطيع الحكم ان صاحب الايمان الضعيف مثلا يصاب بالمرض فليس لنا ولا لاي مخلوق الحق في الحكم بذلك وفعلا قد يكون ابتلاء من الله عز وجل.

فعلا التناقض موجود لحساسية الموضوع وعدم فهمه وتقبله بالدرجه الكافيه لكن ولله الحمد الوعي في ازدياد.

اخبارك لوالدك قد يرح ضميرك ولكنه عاد عليك بالمنع:( بس ما دامك تشوفين ان الي سونيتيه صح الحمد لله والحين عليك تناقشينه يا ابوي انا علمتك عشان رايك يهمني وانا احب الانترنت لانه...........الخ والله يرضى عليك وافقلي و و و .........ان غلبتي نزلي كم دمعه ان كان يحن لا شاف الدموع اقترحي عليه ان يوضع الجهاز في الصاله مثلا عشان يطمن .

الله يوفقك ...وانت بتوحشينا بس غيمه وتعدي انشاء الله:)