الله يجزائكم خير الجواب من الاستشاريين والاخصائيين

الله يجزائكم خير الجواب من الاستشاريين والاخصائيين

السلام عليكم
الله لا يهينكم بغيت جواب للحائله الي بقولها وهي حالت اختي اذا ماعليكم كلافه
اختي اكبر مني عمرها 25 مدرسه ناجحه ولله الحمد في وظيفتها لكن المشكله ان الوالده الله يرحمها ويغمدها فسيح جناته وجميع موتي المسلمين توفت منذ 10 سنوات يعني وهي في المرحله الجامعيه تقريبا باولي جامعه انها لحد الحين ماهي مصدقه تقول العب على نفسي اذا راحت للعمل تقول ابرجع للبيت والاقي امي جت لانها ماماتت انها يوم دفنوها طلعت ولقوها ناس وتوها تتذكرنا وهي وهي تقولي تقول كني بزر يعني ناقده نفسها واذا احد سالها اخبار الوالده تقول بخير وتمام وطبختلنا اليوم وسوت لنا يعني مستحيل تقول امي متوفيه هذا شي والشي الثاني اذا جلست تشرب ولا تاكل اكلات كانت الوالده الله يغفر لها وجميع المسلمين تقول ايييه انا اكل وهي مدري الحين وش تسوي بحالها تروح للاماكن الي كانت تجلس فيها تقول كانت هنا وعطيتها هنا اهي من نفسها راحت لدكتور صرف لها حبوب اكلتها لكن سببت لها خمووول بس تنام تركتها وقالت هالدكتور ماعنده سنع راحت لوحده ثانيه عطتها جلسات كهرباء استمرت معها بعدين قطعت لانها تقول احس انها تنسين ذاكرتي وهاليومين الدوره الشهريه معها مو منتظمه وتقول شكله من الكهرباء وانا وهي الحين بعد الله ننتظر منكم الجواب مع العلم هي تقول مابي حبوب تخملني بس انام ولا تظر بالكبد وووو ولكم جزيل الشكرا

المصدر: نفساني

أولاً غفر الله لوالدتكم و و والدي و أموات المسلمين.
أخي مادامت أختم لا تعاني من أعراض إكتئاب و ضييق في الصدر و حزن و عرزله و انعدام المتعة بالحياة و ... وهي تذهب لعملها و ناجحة فصحيح كلامها أن الدكتور الذي كتب لها حبوب ما عنده سنع (حتى لو كان انا) و كذلك الأسوء من يعطيها جلسات كهرباء.

أخي أختك تعيش مرحلة إنكار لوفاة أمها لأنها لم تتقبل الصدمة. حل هذه المشكلة بالعلاج النفسي و التدرج معها لتتقبل الحقيقة (العلاج النفسي قد يكةن بالتحليل أو التنويم المغناطيسي أو غيره). لكن الدواء لا مكان له (على الأقل حسب ما وصفت لي و قد يكون الطبيبان رأيا مالم تقله في رسالتك فهنا نلتمس لهما العذر.


أما إضطراب الدورة فلا علاقة له في تقديري بالجلسات الكهربائية.
و السلام.

السلام عليكم دكتور
معليش بثقل عليك شوي انا مره كتبت حالت اختي على هالرابطه
http://www.nafsany.com/vb/showthread...&threadid=8060
وماقصرت انت ورديت علي الله يجزاك خير
اكمل لك حالتها والله يهديها ماتخلص:)
تعاني من حاله انها تبي تتزوج غني يعني ماديته ممتازه مو علشان نفسها ولا علشان تسكن بقصر او او لا تقول لو يسكني بزريبه مو مهم المهم يعطيني فلوس علشان ايشششش علشان تعطي ابوي وتعطينا وتشتري لنا سياره ووو
على ان حنا الحمد لله حالتنا الماديه كويسه سياره وعندنا سواق وعندنا ساكنين بارقي احيا الشمال حتي المطبخ ماندخله من الدلع
يعني مقدر اوصفلك شعورها هي نفسها تقول انا مريضه لو احد يقولي هالكلام اقوله مريض قالت اكتبي حالتي بالمنتدي قلت لها نروح للعياده احسن قالت حالين راتبي مخلص قلت انا توني مستلمه المكافه اعطيك قالت شفتي شفتي علشان كذا انا ودي اتزوج غني علشان اعطيكم مو علشان تعطوني الحمد لله راتبها 5000 بس اسبوعين ويطير بايش تشتري للبيت تعطي ابوي تعطي عيال اخواني توزع وهي ماتشتري لها شي
وعلى فكره اهي تعاني من انها تقطع رموشها وحواجبها على انها حاولت تقطع العاده هذي بحيث اذا حكتها يدها بالعاميه تروح للكيبورد تاخذ اي شي يلهيها
وكثير ماترفض الي يخطبونها بسبب الماديه لحد ماوصلت عمرها الان 27
وجايها واحد الحين تقول اخاف اضغط علي نفسي واقول ابسلك بعد الزواج واخاف ما اسلك ويصير طلاق لاسمح الله
وارجو اني ماثقلت عليك دكتور واكون وضحت الصوره صح
ولك جزيل الشكر

اختي لا يمكن إعتبار أختك مريضة فقط أن عندها هذه الفكرة "الشاطحة". لا شك أن هذه الفكرة غير منطقية و لا عقلانية. كذلك صرفها لفلوسها على أهلها في أي شيء و عدم الإهتمام بنفسها غير منطقي. أختي المال مال الله نحن متخلفين فيه و سمئولون عنه من أين إكتسبناه و أين انفقناه. الإنفاق في غير محله ضرب من التبذير و هي بتصرفها هذا تجانب الصواب.
هي تحتاج لمساعدة مختص يناقش أفكارها معها و أتنمى أن يستطيع جذبها لجادة التكير المنطقي السوي.

هل هي تعاني من إضطراب في الشخصية؟ قد يكون.

هداها الله و المعذرة على التأخر في الإجابة.

و السالم.