ابنتي مريضة لكنها عنيده

ابنتي مريضة لكنها عنيده

السلام عليكم ورحمة الله وبركاته

يا دكتور انا عندي بنتي الوحيده عمرها سنتان ونصف تلبس نظاره بسبب الحول للعلاج وفيها ضمور في المخ تتعالج علاج طبيعي شبه يومي عندها اكثر من مشكله

اول شي انها تبي كل شي وتبكي بطريقه مزعجه جدا فاضطر اني اضربها او اني اعطيها الشي اللي تبيه بعد ما تتأسف مني وتبوسني وانا في قلبي ودي احضنها حيل مادري اذا كانت تحس بهالشي بس مو معنى انها مريضه ما تتربى لكن كيف اتعامل مع بكاءها واريدها ان تسمع كلامي واطيعني لان هالشي يفيد كثر في علاجها


الشي الاخر بما انها تتعالج علاج طبيعي فهي تواجه معالجين كثيرين اغلب الاوقات تبكي كانها تبي تموت لمدة ساعة ما عندها مشكله ومرات ترجع اذا كانت ماكله قبلها بساعه كلفت للانتباه اظن وطول الوقت تببيني او تبي امي او خدامتها او خالها الاشخاص المقربين منها جدا جدا مع العلم انا وابوها منفصلين تقول لخوالها بابا ومره يبا ومره ابوي كل واحد تسميه اسم ما ابيها تتعقد واتمنى اعرف شلون اخليها ما تبجي من المعالجين وبعض الغرباء

المشكله الثالثه بنتي تعتقد ان كل شي في البيت او عندي لها حتى لو كانت جنطتي تراجيي اغراضي بوكي افهمها تبجي تعاند بعدين تقول مال ماما بس في بعض المرات تبكي ولا تسكت

الشي الاخير غيرته الشديده عندما امسك اي طفل او اتحدث بالتلفون حتى لو كانت مشغوله وماتبي احد يلعب باي شي تقول كورتي العابي كرسيي مرات يكونون اغراضها ومرات لأ فهل صحيح ان لا اجعل يلعب بأغراضها او كيف اتصرف ساعدوني جزاكم الله خيرا لاني فعلا محتاجه لهالشي لمساعدتها بالعلاج لان علاجها في حياتها اليوميه اقوى من العلاج الطبيعي

وشكرا

ام طفله مريضه (لا تمشي او تقف)

المصدر: نفساني