انني اتخبط كالعمياء اسالكم بالله ماذا افعل

انني اتخبط كالعمياء اسالكم بالله ماذا افعل

أنا فتاة بلغت من العمر 33 جميله انيقه جذابة طيبة القلب حساسة رومانسيه وبالمقابل شخصيه قويه الكل يضرب لها ألف حساب من أسره لها مكانتها والكل يتسابق لنسبها.. ولكن قدر ربي أخر زواجي بل أن كل خاطب يتراجع من الخطوة الأولى إلى أن أتاني خطيبي هذا وهو مطلق ولديه أبناء من وبعد اللحاح امي واتصال اخته وافقت عليه ومن ما جعلني اقبله اللحاحه حيث انه تقدم هو واخوته لخطبتي قبل موافقتي عليه فوافقت ووافق الوالدوبعد رد عليهم باسبوع وكلم خطيبي الوالد فرحا بانه اعطه اغلى مايملك وبعدها حاول طلب مكالمتي ولكني رفضت وبعدها جانا كلام انه مطلق لامراه لم تمكث معه سوى 3اشهر ولكن لم نصدق وبعد الخطبه انقطعت اخباره شهرين وكان قلبي يقول لي ان هناك شئ مع انني اعلم ان لديه اعمال طيله هالشهرين واتفقنا مع اخته بان الزواج سوف يكون بعد 4 اشهر وبالفعل بعد مرور شهرين اتى لعقد القران ورويتي لانه لايوجد لدي قبيلتنا رؤيه قبل اتمام عقد القران
طول فترة الخطبه وانا اخاف ان لا تمتم الملكه وينتهي كغيره ولكن تمت الملكه وجاء موعد حفلت الملكه وظهرت بشكل وكأنني اميره وعند رؤية اهله لي وكان الطيرفوق رؤسهم !! لانهم لم يروني من قبل .. اتي خطيبي ليلبسني الشبكه وعندما راني كاد ان يغمى عليه من الفرحه واعلن لي حبه لي وانه بالوصف احبني وقال لي انني كاني اعرفك من 100سنه الى ان خرج بل أنه اخرج من قبل اهلي لانه رفض الخروج..من شغفه بي وفرحته ولكن قبل خروجه سالته عن زواجه الثاني فقال لي نعم وكذلك عرفت ان طليقته ام ابنائه بنت خاله (دارت فيني الدنياء)وكذلك عرفت ان ولدته حيه حيث انه وقت الحطبه لم نسمع لها اي حس حيث انه قامت بمهاتفتي انا وهو ومباركتها.. سالته عن اسباب طلاقه لمرتين فقال لي بنات الناس ما احكي فيهم وانت الفتاة التى افخر به واريده منذ زمن.. كانت مشاعري تلك الليله راكده ولكن كانت عيناي تفيض احساس(وهذى شئ طبيعي فيني)لدرجه انه ظن انني اعشقه كما هو يعشقني قبل رؤيته لي .. أخذ رقم هاتفي واتصل بي اول ماوصل الفندق وكان طاير من الفرحه واستمر باتصالاته وعشقه وان الدنيا انفتحت له وووو ..وبعدها بيومين كنت منشغله عنه بالتجهيز ولكنه كان يتصل كل دقيقه وكل لحظه ومن بعد ويسألني هل تحبيني واقول له (الحب مايجي بيوم وليله)كان طيله الملكه يحذرني من امه وقوة بأسه بطريقه غير مباشره وبعد ملكتي ب10 ايام قال لي سوف نأجل (الزواج لان الزواج موعده بعد شهر ونص) وان والدتي رفضت ان نتزوج قبل انتهى بناء بيتك اختلفنا بخصوص الحجوزات وووو وبعدها زعل حاولت ارضائه وتركته وبعده كلمني ليبارك لي ولوالدي بعيد الاضحى وكان كله شوق وحب واهداني اغنيه ولامني على بعده وي على قساوة قلبي وقال لي اسمعيها وكان كله حب ولهفه وبعدها تاجل الزواج شهرين على حسب اتفاقه مع الوالد ومع اخي حيث قال لاهلي ان والده مريض وسوف نسفرفيه.. اهلي اجوادفوافقوا على تأجيل الزواج
المهم خلال تلك الفتره علمت منه ان طليقته ام ابنائه تسكن بنفس المجمع السكني مع اهله وانا كذلك سوف اسكن تعبت نفسيا من ذلك ولكن لحبي له صمت وضحيت وها هو كل يوم رسائل حب وغرام وكلام معسول يذيب الصخر وكان ينادي والدي (بابوي) وكذلك امي يناديها (بامي) وكان يعاملهم بكل حب وحنان حيث انه بار بوالديه ودائما يقول لي.. بري بوالدي جعلك من نصيبي ولكن بعد مده اخذ يزعل لاتفهه الاسباب فاتركه فتره ثم استرضيه..فأستحلا الموضوع ومره من المرات خلال حوار عادي قال لي انت طيبه وتظني ان الكل مثلك ..لاني بالفعل احببته وتعلقت فيه حيث انه او ل رجل بحياتي وعندمايزعل وارضيه أحاول أنقاشه يقول سكري الموضوع استمر على هذا الموال ولا يجيب للزواج طاري عكس اول كان يعبر عن لهفته لتلك الليله ..وفي وقت قاطعني مايقرب الشهرين وفي تلك الفتره أتصلت على ولدته لاسلم عليها(لانه كان معودني دائما اتصل على ولدته واسلم )فردت علي أمرأه وسالته اين امي فقالت من انت فقلت لها اسمي وسالتها من تكون فأذ بها طليقته(قالت انا ام فلان ولم تقل زوجة فلان) فسلمت عليها واقفلت وبعد دقايق اذا بوالدته تدق علي وقلت لها ردت علي طليقة فلان فقالت من قال لك انه طليقه انها زوجته ولم يطلقها بكيت وتحسبت الله فقالت ليش هو قايل لكم انه مطلقها قلت وانا ابكي حسبي الله ونعم الوكيل اللهم اجرني في مصيبتي واخلفني خيرا منها وقالت لي العجوز امانه لايعلم فلان اني ان اللي قلت لك وبعدها أتصلت باخته وسالته وحلفت لي بانه مطلق منذ 3سنوات ولم يرجعها الاقبل اسبوعين (يعني وقت ماكان زعلان مني لامر تافهه) بعدها ارسلت له رساله اطلب منه الطلاق ودقت الوالده عليه وسالته وحلف لامي انها كاخته وانه انا ما اكذب عليكم ولاكذبت من دخلت بيتكم .. جتني رساله منه ردا على رسالة طلب الطلاق يقول : فيه صدق اني مهبول احسب مافيه حبيبه حبت حبيبيه كثر ماتحبيتي ماتوقعت اني رخيص لهالدرجه عندكوأن الانفصال سهل عندك والله يدلك على الصالح
المهم بعدها بيومين دق وسالني ايش صار وعلمته وقال ان لله وان اليه راجعون وسالته انت مطلقها قال ايو بس ماعطيتها ورقة الطلاق وقلت ماراح اتزوجك لحد ما اشوف ورقة طلاقها قال انا تعبان وقفل .. تركني بعدها وانا كذلك الى ان جاء يوم الوالد بيسير عليهم ويسلم على ابو خطيبي لاننا كنا في تلك الفتره في مدينتهم وقال لي بلغيه بالفعل اتصلت وما رد وارسلت له رساله بذلك واذ بي اجده يتصل واظنه كان خايف ويحسب الوالد عارف بالموضوع وجاي يطلب طلاقي فكان كله شوق وحنين وحب ويقول لي رسايلك لطلب الطلاق كانه خنجر بقلبي لكن اعرف انك هبلا وانا ماقلت له ولاكلمه حلوه وقعد يراسلني ويقول ادعي لي عندي صفقه وبعدها قطع(اظنه ارتاح لانه علم اننا رجعنا من مدينتهم) وبعد اسبوع دقيت عليه واستمرينا وبعدها باسبوعين قطع بدون سبب فأتصلت بابنه اخيه فقالت لي لا بس جدتي في العنايه وتركته وبعد شهردقيت عليه ورد واذ به زعلان عشان كلمه تافهه جدا واخذ يصرخ علي لعدم اتصالي بوالدته فهي مريضه وانه كل يوم يبحث عن رقمي في هاتفها وقلت له ما اعطيتني خبر ومطنشني وتبغاني ادق قال انت تعرفي وبنت اخوي معلمتك وغسل شراعي وقفل وبنفس الليله دقيت على امه وهنيتها السلامه وارسلت له اعتذار ولايضيق صدرك وبلغته وبعدين انبسط وبعدها بيوم لقيت منه 3 رسائل كلها (احبك) وكلمني وقال انا اموت فيك لولا حركاتك قلت له أي حركات اتصالتي فيك ورسايلي اذا هذا اللي مزعجك اوقفها قال ياخبله ما محببني فيك الا هذا .. ومن بعده بيوم لقيت اخوي الكبير والوالده داقين عليه يسالون عن موعد الزواج وقعد يتحجج ويقول بنسافر بابوي وهو من 8 شهورعلى هالحال وكمان رد على الوالده وقال ماتعرفي ان امي كانت بالعنايه وابوي بنسافر فيه قالت امي لا ما اعرف وابوك من اشهر وانت تقول بنسافر فيه ولاشفنا شئ قال للوالده انا عندي رجاجيل بعدين اكلمك وسحب عليها مع انه واعدني بشهر 4 اللي هي موعد اجازته .. وقال لاخوي بدق عليك بعد أسبوع نحدده واراح اجيكم ومن بعدها بيوم دقيت عليه مايرد ابداااااااااااا
ارسلت له رساله اني استخرت وابغى الطلاق ولا رد وبعدها باسبوعين دق عليه اخوي كمان مارد واخر شئ قررنا نكلم اخوه الكبير اللي خطب رد وقال لاخوي اكلمك بعدين قبل لايعرف مين المتصل ورجع كلمه اخوي من بكرى ولا رد اخيرا اتصلنا باخته اللي كانت وسيطه في الخطبه وقالت لنا (انه مرجع زوجته من ذيك الوقت ويمكن انه بالفعل مثل ماقال زي اخته بس اصرار امي وخالي عليه كان السبب) المهم قالت لها الوالده كل شئ بخاطرنا وردت عليها اخته انه احنا موراضين وكل ماسألناه عن موعد الزواج قال انا وانسابي متفقين ..ولا جابت طاري لابوها وسفره وبعده بربع ساعه دقت اخته وتاسفت عن اخوها الكبير وانه ماعرف ان اخوي مكلمه وطلب رقم اخوي وبالفعل ارسلناه وارسل رساله لاخوي يتعتذر وانه مستحيل يشطفه بس يمكن ماعرفه المهم ارسل له اخوي وقال انا كلمتك بخصوص اخوك وبنتنا ومراوغته والان بعد انكشاف الاقنعه لانريد منكم سوى ان نخرج بالمعروف مثل مادخلنا بالمعروف وارسل بعدها لاخي رساله يقول فيها ابشر.. وبعدها بيومين كلمتنا اخته وقالت للوالده خلاص اخوي الكبيرراح ينهي الموضوع مع اخوها ياكذا ياكذا وكان الموعد السبت او الاحد الماضي وراح الموعد ماكلم اخوه !!الا بنا نفاجأ باخته تدق على الوالده وتقول فلان اللي هو خطيبي يقول ان فلانه اللي هي انا طالبه الانفصال ولها اللي تبغى قالت امي بنتنا ماطلبت الانفصال الا لسبب والآن كلامه مع الرجال مو معنا اخذت أنا الجوال من الوالده وسلمت عليه ولقيت صوته ملين بالدموع لدرجه انها اول ماسمعت صوتي ماقدرت تتكلم(والله ما ادري هي دموع صدق او تمثيل) وقلت لها انا سبق وكلمتك بسبب كثره زعل اخوك وقلت اذا مايبغاني نخرج بلاشوشره وايش رديتي علي؟؟ قالت والله العظيم اني قلت له وقال موبس احبها احب تراب رجولها قلت خلاص هنا انا اقول الحمدلله اللي ماجت مني العيبه ولا من اهلي وتاكدي ان الطيبون للطيبات والخبيثون للخبيثات وانا أصلا لو انا داريه ان طليقته بنت خاله وساكنه بمجمعكم وانه متزوج مره ثانيه ومطلق لزواج مادام 3 شهور اصلا ما وافقت لكن كلا يخرج على قد نيته.. بكتتتتتتتتتتتتتتتتتتتتت وقالت والله اذا خسرك انه مقرود قلت وانا محظوظه اللي انكشف قبل ما ادخل عليه ..اهانني وانا ببيت العز بيت ابوي اجل في بيته ايش بسوي فيني بس يمكن اكون سبب خير لرجعته لطليقته وعياله والله ما يضيع لي اجر.. بعدها قالت: الله يكتب لك الخيره قلت الخيره بانت قالت وربي اني ادعي لك في صلاتي انت ماجت منكم العيبه قلت الحمدلله قولي له كلامه مع الرجال مومعنا .. انتهت

وانا والله يا اخوان محتاره لاني احس فيه شئ خفي ما اعرف وساعات احلل هالتحليل ( اخاف يكون اللي يصير خطه من اخته وامه عشان اتمشكل معه واتطلق وتاليته يرجع لزوجته لانه يكون جرب كم مره وفشل لان امه كذبت علي وقالت انه اصلا ماطلقها وهي تكذب(ليش تكذب على ولدها وتشوه صورته) احنا متأكدين من طلاقها واخته ليش حاولت تاقف معنا ضد اخوها بس عشان موضوع تاجل الزواج قعدت تشيل امي وتقول انتوا ماتستاهلون ومن هالحكي << أن كيدهن عظيم
واخوه وينه ما انهى الموضوع وهو كمان مواعدنا
للعلم من ملكتي ام خطيبي دخلت المستشفى 4 مرات وهو من خطبتي يحاول يحبب امه فيني
وامه نسره وحاكمه البيت كله والكلمه كلمتهاوكان يحذرني منها ومن غضبها من الول ماملكنا!!وغير كذا ليش اهله مادوروله زوجه ليش زوجة صديقه هي اللي دورت لهلدرجه ان امه كلمت زوجة صديقه يوم الخطبه ودعت عليها؟؟ وكمان اخوه واخته ليش يسعون لزواجه مني مادام موكفو !!يمكن بس عشان يثبتون له اننا معاك وامهم ثمثل دور اللي تحبني عشان يطبخونها على نار هاديه وانا قلبي يقول انه ماله هدف بالمروغه لان كل شئ بيبين بالنهايه بس كان يبغى يوصل للطلقه الثالثه وتحرم علي وتاليتها نتزوج ولا يكون فيه رجعها ولا مشاكل ..

أسالكم بالله تسعدوني وتمسكون بيدي لبرالامان

المصدر: نفساني

وين .. ؟؟ سألتكم بالله ولا رد؟

الرجاء التواصل معنا عن طريق البريد الإلكتروني المدون في التوقيع

مع التحية ،،