ارجـــوكم ساعدوني

ارجـــوكم ساعدوني

السلام عليكم
انا مصابة بنوبات هلع من سنوات طويلة واستخدم حبوب ومرتاحة الحمد لله ولكن هذا الاسبوع عندي الم شديد في ضرس العقل ورحت الدكتور وقال خراج واعطاني مضاد استخدمة اسبوع ثم ارجع لة عشان يخلع السن لان مافية حل غير هذا والا يرجع الخراج كل فترة ويمكن يحتاج الخلع جراحة
والمشكلة من يوم قال لي لازم خلع وانا فيني خوف شديد وقلق بشكل غير طبيعي وكل شوي تجيني فكرة انه بموت من خلع الضرس وانه بيجيني نزيف ولا يوقف ولا اقدر انام كويس ولا حتى اقدر كل زين ولا لي اي نفس في عمل اي شي في البيت
علما اني إذا رحت لطبيب الاسنان يجيني خوف واشعر بدوخة وغثيان ورعشة واخاف انه يرتفع عندي الضغط ويصير فيني شي
ارجوكم طمنوني واعطوني تجاربكم
واسفة على الإطالة
وشكرا

المصدر: نفساني

هلا العتيبيه اللله يبعده عنك عاجلا غير اجل يارب ..
هذا موجود عند كثييير واشوفهم وقابلت كم وحده وانا مثلك بي نوبات هلع
وكثيييير تشافوا من عمل قاموا به بس ابطلع واقولك بالليل ان شاء الله

حبيبتي العتيبيه
شوفي نبات العصفر معروف يعتبر مهدئ للاعصاب نقعيه كل صبح ومساء لمدة شهر واشربيه وكثييير والله انتفعوا منه يطلع الخوف والخوف هذا يكون لسبب يأنك مصدومه من شيء او شفتي لك شيء وخفتي او روعك شيء ولا ظهرت اعراضها الامتأخره ..
امسكي سورة البقره واقريها يوميا واشربي ماء مقري والله كثييييييييييير من قريباتي تشافوا نهائيا ونسوه انا لو عندي عزيمه كان تشفيت منه بإذن الله
بس انا يجيني اوقات لاني اذكر نفسي فيه اصير نسيته ومرتاحه والحمدلله بس اذكر نفسي اقول ماخفت اليوم ثم استرسل واصور الشيء اللي اخاف منه قدامي اليتن يجيني الخوف كأني انا اللي الاحق المرض وهو اللي يبعد عني
بنات خالتي جايهم ثنتين وكلهم بأسباب واخوي اصغر مني بثاني ثانوي جايه يوم هو بثالث متوسط بس قو عزيمته ماشاء الله تبارك الرحمن الله يحرسه راح منه وحتى ماعلمنا راح لمشايخ عشان ينصحون وزال الحمدلله ..
والله يشفيك يارب ويزيله عنك ويجعل مااصابك تكفير لذنوبك..

طيب كيف اتغلب على خوفي من طبيب الاسنان خصوصا انه بيخلع سني وانا اموت من الخوف عند طبيب الاسنان

لما تروحي لعندو
حطي ببالك بس انو انت رايحة عشان تصيري احسن.. و رددي هالعبارة..
و فعلا انت رايحة عشان تتحسني و تبطلي تحسي بوجع السنان...

و ركزي على وجع السن.. و ركزي على حال اسنانك بعد ما تخلعي السن انو كيف راح ترتاحي منو...

اختي العزيزة انا اخوكي ابو الافكار انا عندي نوبات هلع من سنة تقريبا و الحمد لله اتشافيت بنسبة 90 بالمي .... اختي العزيزة انا كان لي اربع شهور اتوجع ليل نهار من ضرس العقل و رحت على الطبيب 4 مرات و الحل الوحيد انه ينخلع و انا كنت اظل بعدين بعدين و المهم قبل يومين صحيت بدري و كلمت الطبيب و قلتلو انا جاي عندك اخلع الضرس و فعلا رحت و قلت في نفسي و جع ساعة و لا وجع كل ساعة و اتوكلت على ربنا و قلت لدكتور اني عندي توتر عالي فقال لي مافي مشكلة بحطلك بنج بدون ادرينالين و كلشي تمام و فعلا خلعها و خرجت من عندو مبسوط كثير لاني اتخلصت من وجع كا منكد عليي عيشتي و ما هو مخليني اتهنا بالاكل و اليوم صرت اكل تمام و راح الوجع وكلشي تمام .... اختي العزيزة هاذ كلو خوف بخوف لا يقدم ولا ياخر اتغلبي عليه و روحي اتوكلي على ربنا و الله ما فيكي الا العافية

شكرا لكم اخواني وان شاء الله ربي يساعدني

سبحان الله انا مثلج بالظبط ونفس المشكله رحت لطبيب الاسنان ومن كثر الخوف الى حصل معاى راح وجع الاسنان نسيت الوجع من الخوف تخيلى ان وجع الاسنان اقوى وجع ينسى الانسان اسمه بس الخوف الى فينى نسانى هالوجع
وكلمت دكتورى النفسى وانا بعياده الاسنان قلتله مانى عارف ادخل لطبيب الاسنان بس قلت يا انا يالخوف ودخلت وسويت الضرس والحمدالله طلع فينى 6 اسنان تسوس و3 عصب هههههههههههههه يعنى نكد على الدكتور المهم صرت كل يوم اروح للطبيب وصار صاحبى الدكتور ادخل عليه وانا اضحك اقوله سو الى تبيه على ما انام شويه من كثر الثقه وطلعلى بالنهايه ضرس العقل وااااااه من وجع ضرس العقل والله يا اختى طلعلى الاربعه طالعين عكس الاسنان يعنى كلهم عمليات
المهم
شلعت واحد ورى الثانى 4 كلهم عمليات وخياطه كان فينى خوف ما انكر اول واحد بعدين عرفت ان المساله سهله توكلى على الله ومافى احد بالدنيا مات من ضرس وكنت فعلا مثلك اتخيل ان بيصير نزيف وتكبر المشكله الخ الخ
طلع الموضوع تافهه بس لانه فيه كلمه جراحه احنا نخاف
توكلى على الله تخيلى انك توكلتى على الله وسلمتى امرك له الله ماراح يضيعك والمساله مافي ابسط منها
شافاكى الله وعافاكى يارب

لاتخافي واتذكري ان لايصيبنا الا ماكتبه الله لنا هتليك ماء زمزم وعليك بالرقيه وبيروح الخوف باذن الله

ههههههه والله شوفي مواضيعي قبل 3 اشهر شو سويت فيهم كل يوم احط موضوع
السالفه عزيزتي ان عندي 4 ضروس عقل خخخخخخخخخخ>> من زود العقل

وكلهم مسوسين والمصيبه اللي تحت طالعين بالغلط يعني معووجين
وانا انسانيه من غير نوبات الهلع فيني وسواس من الدوا والبنج وكل شي
طيب رحت عند دكتوره قالت لي بنشل الضرس وهي دكتوره عاديه
وعطتني مضاد على اساس ارجع لها
قريت فالنت ان لازم دكتور جراح اسنان يشل الضرس
وانا سويت لزوجي مناحه يوديني عند دكتوره ثانيه
رحنا عند عياده خاصه كبيره والدكتوره معروفه طيب حاولت تطمني وانا حشرتها اقولها دكتوره انا اخذ سبرالكس ومعرف شو
وكل يوم اتصل بدكتوري النفسي يقولي يابنت الحلال ما بيصير شي خخخخخخخخخخخخ
يقولي هاذا ضرس عقل مب عملية قلب مفتوح >.<
المهم انا كنت خايفه اقولها دكتوره ققلبي يدق بسرعه قالت عادي كل الناس جيه فالبدايه
بدت تسويلي البنج وهي ذكيه لما شافتني خوافه سوت لي بنج خفيف مثل تست
ولما بدا البنج يشتغل بدا قلبي يدق بسرعه
اقولها دكتوره قلبي قلبي
والله كلهم خافوا والممرضات يجوا يقيسوا النبض
وكان مرتفع وايد واصل 140
قالت الدكتوره مااقدر اسويلج الا لما ينزل تحت ال 100
وجلست نص ساعه تنتضر ومافي فايده كان فوق واخر شي قالت لي لازم تسيرين تقلعينه فمستشفى يكون عندهم دكاترة قلب ومعرف شو عشان لو في شي ينظمون عمل القلب وانا عاد مت خوف وجتني نوبة هلع ع الطاير لووووووول

المهم الله يسلمج سرت مستتشفى خاص وسرت عند دكتور ممتاز اسلوبه كان شاطر وقدر يطمني ويشلع الضرس بدون ما اخاف بس المشكله اللي خوفتني لين الحين ان البنج ماراح من 3 اشهر فنص شفايفي واسناني بس وايد قالولي انه بيروح
والحين باقيلي ضرسين اشلهم ومعرف كيف نفس الحاله اخاف من البنج ههههههههه
الله يعين بس لاتخافين سيري عند دكتور شاطر وان شاء الله بتفتكين لان الم ضرس العقل لا يطاق صراحه

هذا يحدث للجميع توكلي على لله ومارح يصيرلك شيء بإذن الله

امس رحت للدكتورة وسوت اشاعة للسن وقالت لازم جراحة وبحولك على دكتور جراح وسألتها هل فيه خطورة قالت مااقدر اقولك انه فيه خطورة او لا إلا بعد مانبدأ نشتغل في السن وانتي مرة متوترة لازم تهدين عشان نعرف نشتغل وخفت وشردت من عندها مع انه السن لازم ينخلع لانه كل فتره يألمني وكلمت دكتورة ثانية وقالت لي كذب مافية شي خطر في خلع الاسنان وشرايكم وش اسوي كلما فكرت في الموضوع اتعب نفسيا