مشكلة زوجية

مشكلة زوجية

السلام عليكم

انا متزوج من اكثر من 3 سنوات و لدي طفل عمره سنتين و لله الحمد

احب زوجتي و هي تبادلني نفس الشعور

كلانا متعلمين و لله الحمد و من نفس العائلة مع العلم انها من عائلة اعلى مني ماديا و علميا


فكرت اكثر من مرة في الزواج من ثانية و لكني اخاف على ولدي من توابع هذا الشيء بالاضافة الى امور اجتماعية اخرى

مشكلتي مع زوجتي في ضعف اهتمامها بي و رغبتها الدائمة للذهاب الى اهلها و المقيمين في مدينة اخرى

ماني عارف كيف اشرح المشكلة لكن ابغا اعطي بعض الامثلة بالعامي

* لما نكون في الصالة دائما اقولها تعالي جنبي تقول لا انا كذا مرتاحة على الكنبة الثانية

* نكون قاعدين مع بعض تكون قاعدة على اللاب توب اطلب منها تقفله عشان نقعد سوا نتكلم برضو ترفض

* ادخل المكتب و اناديها عشان تقعد معايا ترفض و تقول انا ارتاح في الصالة

* لما ادخل انام احيانا اطلب منها اننا ننام مع بعض في نفس الوقت ترفض و تقول انا مافيا نوم و احيانا تنام قبلي

* ما تسوي لي الغداء او العشاء الا لما انا اطلب و نادرا تبادر بهذا الشيء

* الوجبات الرئيسية يا دوب طبق واحد و تعبتني في هذا الموضوع مو راضية تتعلم حاجة جديدة

* زوجتي متدينة زيادة عن اللزوم يعني مثلا في رمضان تسيبني ثلاث ساعات و تقعد تصلي و تقرأ قران و حتى لما ندخل الغرفة نصلي العشاء و نبغا ننام مثلا تقعد تصلي ركعتين سنة و ثلاث ركعات وتر.. و انا استناها على السرير احيانا ما عندي مشكلة بس احيانا ما ابغاها تصلي النوافل

* موضوع اخوانها و اخواتها هذا موضوع كبيير و دائما اشعر باهتمامها باخوانها على عكس طريقة تعاملها معايا

مثلا جاء مرة اخوها عندنا جهزت له السفرة من كل نوع و شكل و تفننت في الاكل

و مرة اخوها كان نايم عندنا و انا كنت قاعد في المكتب و قلت لها انا جيعان سوي لي اكل قالت انا تعبانه قلت طيب ،، و جاء اخوها بعد شوية قال نفسي في لزانيا راحت سوتله الشيء اللي يبغاه و سوتلي معاه لقمة اكلها

* دائما مهتمه بأخوانها و مشاكلهم و احيانا الاقيها مسرحة في البيت تفكر في واحد منهم

دائما اتكلم معاه على هذا الموضوع و انه ليش انت تفضليهم عليا و مهتمه فيهم على حسابي و طول الوقت تبغى تروح عند اهلها عشان واحد من اخوانها جاء و زي كذا


* البيت يكون مرتب على خفيف و احيانا مو مرتب لكن بس نسمع انه احد من اخوانها و لا اخواتها جاي تقوم تشتغل زي النحلة اقولها ياليت دايما تنظفين البيت كأنه في ضيوف جايين ، و اقولها ياليت تعتبريني زي الضيوف و تنظفي البيت قبل ما اجي من العمل بالطريقة هذه


* الحمدلله في اشياء كثير ايجابية مثلا الناحية الجنسية و تعاملها مع اهلي و اخلاقها و غيرها من الامور

لكن انا تعبت من ناحية اهمالها ليا و لـ أكلي و للبيت و اهتمامها بأهلها الزايد على حسابي

و اعترف لكم ان جزء من المشكلة يكمن فيا انا لتواجدي الدائم في البيت

فأنا انسان بيتوتي احب الجلوس في البيت ، و اعاني من رهاب الاماكن المفتوحة و لا احب الخروج اطلاقا، من العمل للبيت و من البيت للعمل و ممكن هذا الشيء خلاها ما تشتاقلي و تعودت على تواجدي لكن انا من جد ماني قادر اخرج اي مكان ما ارتاح الا في بيتي

بصراحة نفسي في زوجة بالاضافة الى ايجابيات زوجتي انها تهتم فيا و في راحتي و تحب تكون معايا باستمرار و تشوفني رقم واحد في حياتها

المصدر: نفساني

تذكرت موقف مرة زعلني

اي مبلغ تطلبه زوجتي مني لا ارفضه بالاضافة الى انها تملك مبلغ محترم في البنك و لديها القدرة على الحصول على مبالغ اخرى ان ارادت الله يبارك لها و لعائلتها

في اي مناسبة لنا اجيب لها افخم و اغلى الهدايا مثلا ذكرى يوم الشبكة و يوم العيد و يوم زواجنا

بس لاحظت انها مطنشتني و ما تجيب لي شيء مو هنا المشكلة

المشكلة انها تطلب مني مبلغ عشان تجيب لاخوها هدية عشان نقل بيت جديد و تبغانا اشتري عطر لولد اخوها الثاني عشانه اتخرج من الثانوية و ماشاءالله عامله حساب كل فرد من العائلة

و على فكرة جبت هذه الاشياء كلها مو علشانها بس, لا .. لأن علاقتي في اهلها مرررة كويسة و نقدّر بعض جدا, و هم يبادلوني الشعور بالاحترام و التقدير

الاخ العزيز الدولى
مافي لجد الان من الازواج او الزوجات فية رضا تام لاننا نتعامل مع بشر متغيرين من وقت لاخر وبعدين لحد الان حسب علمى مافى زوج متفصل لزوجة والعكس لازم جوانب ايجابية وسلبية
اخى العزيز عليك بالصبر وتذكر حتى بيت النبوة كان بة مشاكل اكثر من مشاكلك
المهم جزء من المشكلة يمكن انت السبب الحرمة ما تبغى اللى لازق فى البيت والمثل بيقول زر غبا تزداد حبا ولكن جلوسك باستمرار بسيبب برود عاطفى اخرج شوية خلى الحرمة تحس انها مشتاقة لك والا الاقامت وسافرت لاهلها لا تزعل
المهم امورك طيب وعليك بالصبر ثم الصبر والصبر والله يوفقك