|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
23-08-2003, 03:07 PM
|
#1 | ||||
|
عضو جديد
|
أرجوا منكم المساعده .. أعاننا الله و إياكم
السلام عليكم ورحمة الله وبركاته
انا رجل متزوج أحب حرمتي و تحبني هيه لكن بعد فتره تقريبا من زواجنا بعد شهر العسل بشهرين بدأت تصرفات حرمتي تتغير مثلا يعني .. الفتره الأولى :: لا تنام معي و تبتعد عني و كل ما اقتربت منها طارت بعيد و صارت حركاتها مثل المراهقين في شدة العمر يعني كل دقيقه تتصل فيني و تقولي انت ما تهتم فيني و لا تعطيني ويه انت ما تحبني ما تحبني و تم تكرر هذا الكلام انا اكون بالدوام و دوامي فيه الكثير من الناس جنبي ما بي احسسهم انه انا اسوي علاقات غير شرعيه و مثلا ارد عليها .. ليش ما تحبيني اسكت و اقوللها انزين اشوي اخلص المعامله و الصرف و اتصلج .. تقعد تصيح لين ما اضطر اطلع من دوامي و اسير لها .. من حبي لها و خوفي عليها لكن لاسف ما تقدر الفتره الثانيه :: بعد تقريبا اسبوعين انجلبت غير قامت تطبخ بفظاعه يا ناس يعني اتسوي اكل و اتسوي و اتسوي و اتسوي و بعدين تقولي مب حقك هذا انا اكون توني راجع من الدوام و يوعان و تعبان و هالك دوامي من الصبح الساعه 7 لين 5 العصر تشيله من عندي و توديه حق البشكاره تقولها أكلي و اشبعي و جدامي انا ما قووللها اي شي سكتت بس كم مره نبهتها ماريد تسوي هذي الحركه و انا يوعان و يوم اني نرقد تشل اللحاف كله و تعقه على الأرض و انا ساااااكت يوم ابطل التلفزيون تبنده و تقعد عليه و انا ساااكت و اضحك يوم آكل تشل الأكل عني و تقعد جدامي يوم اطلع تكون في الكرسي الوراني للسياره و فجأه تنط للكرسي الجدامي و تمت هذي حالتنا لين اسبوعين الفتره الثالثه :: تغير تماما صار ويهها اصفر و شفايفها بيضه و عيونها حمره و نقصت من وزنها 5 كيالو .. حاولت وحاولت فيها لين ما قمات تصيح وايد وايد يعني اللي يجوفها يبي يصيح معاها قامت ما تكلمني تكتب لي ورقه و اول ورقه و صلتني كانت محطايه على سيارتي " ليش ما تفكر تضمني لحضنك و تنسيني همي " مادريت شو اسوي سرت الدوام و وصلي مسج منها " ماحبك لأني في داخلي احبك " و يعني شعورها متناقض وايد يخوفني وايد حاولت فيها وايد يا ناس و سرت لأبوها و امها بس استحي اتكلم معاهم بهذي الطريقه لأنهم كبار في السن و مشكلتي مشكله الله يعين كل متزوج على بلوته و كل اعزب على عزبته و آسف على الأطاله فمان الله المصدر: نفساني
|
||||
|
|
|
23-08-2003, 03:59 PM
|
#2 | |
|
عـضو أسـاسـي
|
بسم الله الرحمن الرحيم
أخي الكريم مشكلتكما سوياً في التعبير عن الحب هناك فجوة كبيرة بينكما في التعبير عنه ، وزوجتك تصرفاته هذه ماهي إلا جهل منها وطلب صريح منها بأن تحتويها أكثر زوجتك بحاجة إلى كلمات منك كلها حب وثناء عليها كزوجة لأنها ستقوم بواجباتها وتنتظر منك فقط أدنى كلمة تعبر عن الحب ليس فقط كلمات بل هي بحاجة إلى حضن منك وخذ من سيرة الرسول عليه أفضل الصلاةوالسلام أكبر درس في فنون التعامل مع الزوجة قل لي أنت ماذا تفعل لكي تشعرها بحبك ....؟؟ إن ماتحتاجا إليه سوياً هو بعض الاستراتيجيات التي تفعل دور الود والحب بينكما جرب إقرأ عبر الشبكة في فنون الحياة الزوجية وستسفيد بإذن الله وفقكما الله |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
