اعانى من تغير المزاج وعدم الرغبه فى الكلام..

اعانى من تغير المزاج وعدم الرغبه فى الكلام..

السلام عليكم

اعانى من الصغر من حوالى 10 سنوات عندما كان عندى 12 سنه من هلع وقلق .والحمدلله اتعالجت منه كنت بحس ان بختنق وان مش قادره اخد نفسى ولما كنت اذهب الى المستشفى كانوا يقولو لى ان ماعندى اى شئ والحكايه كلها نفسيه .وذهبت الى دكتور نفسى ووصفلى على علاج والحمدلله استمريت على علاج واتشافيت .ووقفت العلاج.وعندما وصل سنى الى 18 سنه .زاد عليا الاعراض لما ازعل او اضايق ضربات قلبى تزيد ووصل معى ان دخلت العنايه المركزه وعملوا لى رسم قلب والحمدلله مافى شئ .وذهبت تانى الى الدكتور النفسى ووصفلى سيروكسات واستمريت عليه لمده سنه ونصف واستقرت حالتى واعراض الهلع اختفت نهائيا ووقفت السيروكسات لوحدى لان عملى زياده فى الوزن . وبدأت اعيش حياتى طبيعيه وكنت حاسه باحساس جميل وكنت دايما سعيده ومتفاءله وعلاقتى مع الناس اتحسنت كتير و من حوالى شهرين من الان اتوظفت.و اتصدمت من ناس كتير حواليا كانوا معايا بلعمل .وحتى مدير شركتى .كان بيعملنى معامله سيئه .وكان بيعامل اقل واحده عندنا احسن منى .واتكلمت معاه كتير ان بزعل من هالمعامله .ولكن كان لايهتم بكلامى .ويعند ويزعلنى اكتر .وطبعا استقلت من العمل .و.بدأ تجينى نفس الاعراض صرت عصبيه زياده عن اللزوم وصرت اشك فى كل من حولى .وحاسه ان الناس كلها بتكرهنى .حتى اهلى والناس المقربه لى .اهملت فى نفسى جدا .صرت اخاف امشى فى الشارع لوحدى مش بحب اكلم حد بحب اقعد لوحدى .ولما حد يأتى ليتكلم معى بكون مخنوقه وحاسه باحساس غريب .وعندى رغبه بانى اقعد لوحدى ولما اتكلم مع شخص غريب ارتبك واتلخبط فى الكلام واوقات اقول كلام غير مفهوم وغير منطقى .مع انى كنت طبيعيه جدا وبتكلم عادى جدا ..وحاسه بعدم الرغبه بلحياه ودايما حاسه ان الحياه قصيره .اوقات اكون كويسه وسعيده وفى ثانيه يتغير مزاجى .صرت متقلبه المزاج بطريقه غريبه .ودايما بحس بتأنيب الضمير اتجاه اشخاص افتقدهم من حياتى ..صارلى حوالى شهرين مانزلت من البيت دايما جالسه فى غرفتى على الكمبيوتر وامس جسمى كله اترعش بطريقه غريبه وضربات قلبى زادت جدا ومعرفتش انام غير لما خد ابره neuril.
انا خايفه من السيروكسات واعراضه الجانبيه مثل النوم الكثير والخمول وزياده فى الوزن .لان الحمدلله وزنى رجع مثل ماكان وخايفه ارجع له .ملحوظه انا باخد كلوفاج .مش لمرض السكر ولكن لعلاج تكيس المبيض .هل ينفع اخد علاج اكتئاب مع كلوفاج .وماهو العلاج المناسب لحالتى .علما بان لاااستطيع ان اذهب للدكتور الخاص لى . ارجو ان توصف لى علاج يريحنى من هالحاله اللى انا فيها لان تعبت جدا .بس اى علاج مايزيد فى الوزن ومارايك فى فافرين او سيبراليكس
اسفه ع الاطاله .انا بس حريصه ان اقول حالتى من البدايه .علشان يسهل تشخيص الحاله .والسلام وعليكم ورحمه الله وبركاته

ki8ds4

المصدر: نفساني