جرثومة المعده>>أرجو من الدكتور الرد

جرثومة المعده>>أرجو من الدكتور الرد

السلام عليكم ورحمة الله وبركاته..
بدخل بالموضوع على طول>>
بدأت من شهر 11 هجري اكلت من مطعم وجاني عسر هضم
بعدها ورحت للطبيب مستشفى حكومي وعطاني علاج وابره..وحتى ماقالي انا وش اعاني بس قال وش فيك قلت كذا الم بالبطن دوخه وكسل وخمول قال اصرف العلاج وخذ ابره ومغذي وش اعاني منه ماقال لي..
وبنفس اليوم جاني نزول بضغط وذهبت للمستوصف اهلي واعطوني ابره ومغذي وارتحت قال الدكتور هذي نزله معويه وعطاني علاج واستخدمته
ومن بكره نزل الضغط ورحت للمستوصف وعطاني ابره وارتحت وعطاني علاج واستمريت فترة وارتحت شوي وتركته.
بعدهاا رجع لي الم بالبطن ورحت للطبيب قال قولون وغازات وعطاني علاج وارتحت وتركته
بعدها جاني صداع مستمر وسافرت والصداع معي يومي يخف ويرجع بنفس اليوم رجعت لمديتني
جلست ايام وكانت الوالده تقولي حلل جرثومة وانا اقول لا مافيني جرثومة الوالده كانت تقولي من اول ماجاتني الم بالبطن وانا اقول لا مافيه جرثومة حتى دكتور كان يقول لا نزله معويه وقولون...
بعدها رجعت للدكتور قلت اشوف كلام الوالده اسوي تحليل جرثومة المعده وفعلا حللت وطلعت جرثومة عطاني علاج مدة سبوعين اواقل 10ايام وارتحت بعض الشيء وهو الدكتور قال ترجع لي بعد مايخلص العلاج بكم يوم
وراحت الايام رجعي الم ورجعلي الصداع..ورجعت عملت تحليل قال موجوده الى الان قال اكيد انت تستخدم العلاج؟؟ قلت ايه صرف لي علاج اخر وقال تستمر عليه اذا خلص ترجع لي...والان مستمر على العلاج


الخلاصه..واسف على الاطاله..
س/هل الجرثومة لها علاقة بالراس لان يجيني صداع نصفي ومرات متنقل ومرات الراس كله واحس الم داخل الراس يضغط شيء زي كذا هل هوو طبيعي واحس اني جسمي بيطفي يعني كنه بيسوي ايقاف تشغيل >>مدري كيف اعبر صراحه؟؟لاني بديت اخاف
س/هل الجرثومة تسبب خوف والتفكير لاني الخوف والتفكير معي طول الوقت..؟
مع العلم جاتني بواسير داخليه بسبب امساك جاني فتره والبواسير موجوده الى الان!!
واسف مره ثانيه على الاطاله وارجواء من اللي جتهه جرثومة يرد علي ولا دكتور..
ودعولي بشفاء..


00``00`
09`1`01`01

المصدر: نفساني

نعم أعتقد انها الجرثومة وعلاجها يستمر لمدة شهر تقريبا و لها اعراض نفسية حسب ما قرأت عنها نفس اعراض القرحة و يبيلها وقت و نظام غذائي خاص خالي من المقالي و الاكل السريع و المشروبات الغازية و عليك بشرب الماء كثيرا و ان شاء الله ما عليك شر