الى ربي يحبك

الى ربي يحبك

أخي الكريم
بداية المشكله بعدماسافر زوجي مره وانا لوحدي في البيت مع عيالي سويت لناعشى بيض مقلي وشربت بعده نسكافيه نومت اطفالي وجلست اتفرج التلفزيون فجئه حسيت ألم ببطني يمكن بعدالعشى بساعتين رحت سويت ينسون قلت يمكن مغص عابر مافاد توترت مره وانابطبعي خوافه من صغري خفت من الاعراض كلمت جيراني قاسوا لي السكر كويس تمنيت وقتها يكون سكري منخفض بس طلع طبيعي جلست افكروشفيني واحساس يقولي بتموتين وتخلين اطفالك والنونو يجلس يبكي محد عنده علما ان الحاله ذي جاتني بعد الولاده بثلاث شهور نمت صحيت حسيت اني في حلم اشوف ضباب فالجوامسك الشي بيدي ماحس فيه حتى لما اكل ماحس بالاكل في بيدي كنها مخدره رجع زوجي سويت كل التحاليل والفحوصات الطبيه قالوا مافيهاشي رحت استشاريه نفسيه قالت اكتئاب مابعد الولاده وصرفت لي ادويه كثير ماستخدمتهم خفت من اللي قرأته فالورقه مع العلاج وكل يوم حالتي تسوء ولااعرف وشفيني بس ابكي واحس اني مودعه ماتكلم مع احد منعزله مهمله كل شي بحياتي وقتها وداني زوجي شيخ وشخص الحاله بعوارض مس شيطاني واعطاني مجموعة ادويه نبويه ماشاءالله تعبتني وقتها بس جابت نتايج طيبه جدا بس للاسف كرهت العلاج ورميته كان يتعبني بعدها بفتره من التوكل على الله والدعاء والاستغفار طلع الشي مني شي محسوس وقال سحر خفيف انا حياتي ولله الحمد مره ممتازه ماعاد ذا الوسواس اللي منغص علي عيشتي الحمدلله اشغل وقتي بذكرالله والاستغفار وببيبتي واطفالي بس تمر لحظات من الضيق والخوف
أتمنى تجاوبني اخي سريع وتطمني الله يطمنك ويكتب لك الأجر
دمت بود

المصدر: نفساني

اختي الكريمة ام عيالها
فيه اشياء ما ذكرتيها أبغى قبل العشاء اللي اكلتيه في ذاك الوقت حاولي تذكرين من جلستي معه وش اكلتي وشربتي من الصباح إلى وقت العشاء وهل عندكم شغاله او لا ولي رجعه لموضوعك بإذن الله راح اقولك وش فيك ومثل ما اقول لكل شخص الواحد يطول باله علشان التشخيص يكون صحيح بإذن الله

والله ماتذكر زين بس يمكن اكلت شوكلاته العصر لاني قبلها بكم يوم رحت وقضيت اغراض البيت ومن ضمنها شوكولاتات منوعه ونسكافيه وماكان عندي اي احد زوجي سافر قبل المغرب وجلست لحالي كنت افكر اسهر للصبح لاني اخاف انام لحالي وجاتني الحاله ونمت غصب مابين تعب وخوف
وبالنسبه للشغالات نعم كان عندي شغاله أندونيسيه بس سافرت من قبلها يمكن ثلاث سنين وجبت شغالات بالشهر حبشيه واثيوبيه الاخيره ذي مارتحت لها أبد وكنت اخاف منها حتى كنت اشم ريحتها في البيت غريبه والحبشيه بنت صغيره كويسه تشتغل ماشاءالله كنت اسولف معاها دايم عادي حتى عطيتها اغراض لي ملابس وكمالياتها هديه
ومعاملتي مع الشغالات اللهم لك الحمدطيبه بشكل ماتتصوره اخليهم براحتهم ولااشك فيهم ابد
أنتظر ردك أخوي

اعراضك اكتئاب مابعد الولاده انا جتني الحاله بعد مااكلت وجبه من مطعم ونفس اعراضك ومن شيخ لشيخ وزيوت وبخور وكل شي سويته ومن طبيب لطبيب حتى استقريت على طبيب نفساني شخص حالتي ( اكتئاب وهلع شديد ) واللحين الحمدلله احسن لاتخافين ابد من العلاج النفسي لانه هو علاجك بعد الله مااقولك انتهت الحاله لكن فيه نسبة تحسن جيده ،، الله يفرجلك يارب

المشاركة الأصلية كتبت بواسطة جماان

اعراضك اكتئاب مابعد الولاده انا جتني الحاله بعد مااكلت وجبه من مطعم ونفس اعراضك ومن شيخ لشيخ وزيوت وبخور وكل شي سويته ومن طبيب لطبيب حتى استقريت على طبيب نفساني شخص حالتي ( اكتئاب وهلع شديد ) واللحين الحمدلله احسن لاتخافين ابد من العلاج النفسي لانه هو علاجك بعد الله مااقولك انتهت الحاله لكن فيه نسبة تحسن جيده ،، الله يفرجلك يارب

اختي جماااان
انتي مصدقه الكلام اللي يقال لك اعراض اكتئاب هههههه!!!!!!!!!!!!!!!!!!!!!!!!!!!!!!!!! ما ادري وش الاكتئاب هذا اللي ما يجي الناس الا عقب وجبه !!!!!!!! سبحان الله الى الآن الناس مقفله ادمغتها ما تبي تصدق أن اللي فيها مرض جسدي وله اسباب وشوفي من الحين راح ابصم لك أن عندك مشكله جسديه وإذا تحسنتي مية بالمية من العلاج النفسي اطالب إدارة المنتدى تحذف جميع مواضيعي اختي العلاج النفسي مؤقت لكن ابغاك تتركينه أتحداك اذا ما رجعت لك الاعراض تدرين ليه لأن المشكلة اللي فيك الى الآن ما تدرين عنها وأنا عارف وش فيك وحاب اقولك شغله إذا كان الحريم اللي يجيهم بعد الوجبه تسمى اعراض اكتئاب ما بعد الولادة اجل الرجال والبنات اللي ما بعد تزوجن جاهم الشيء هذا بعد وجبه وش يسمى !!!!!!! لكن ما اقول لك الا الله يجزاك خير يا جماان أسال الله العظيم رب العرش الكريم أن يشفيك اللهم آمين .

المشاركة الأصلية كتبت بواسطة ام عيالها

والله ماتذكر زين بس يمكن اكلت شوكلاته العصر لاني قبلها بكم يوم رحت وقضيت اغراض البيت ومن ضمنها شوكولاتات منوعه ونسكافيه وماكان عندي اي احد زوجي سافر قبل المغرب وجلست لحالي كنت افكر اسهر للصبح لاني اخاف انام لحالي وجاتني الحاله ونمت غصب مابين تعب وخوف
وبالنسبه للشغالات نعم كان عندي شغاله أندونيسيه بس سافرت من قبلها يمكن ثلاث سنين وجبت شغالات بالشهر حبشيه واثيوبيه الاخيره ذي مارتحت لها أبد وكنت اخاف منها حتى كنت اشم ريحتها في البيت غريبه والحبشيه بنت صغيره كويسه تشتغل ماشاءالله كنت اسولف معاها دايم عادي حتى عطيتها اغراض لي ملابس وكمالياتها هديه
ومعاملتي مع الشغالات اللهم لك الحمدطيبه بشكل ماتتصوره اخليهم براحتهم ولااشك فيهم ابد
أنتظر ردك أخوي

ما شاء الله عليك ام عيالها
ما ادري انتي فاتحه محل استقدام شغالات اندونيسية وحبشية واثيوبيه
أنا الله يحفظك أبغى أعرف يوم تجيك الحالة هل عندك شغاله او لا هذا سؤالي وابغى بعد استفسر قبل ما تجيك الحالة هذي هل عندك امساك وانتفاخات وهل تستخدمين أي علاجات قبل .

لاء وقتها ماعندي شغاله ولا اي شخص ثاني
ولاأستخدم علاجات الحمدلله
ولااعاني من اي انتفاخ اوغازات كنت طبيعيه ولله الحمدلكل شي الين ذيك الليله
الحمدلله اللهم لا أعتراض

المشاركة الأصلية كتبت بواسطة ام عيالها

لاء وقتها ماعندي شغاله ولا اي شخص ثاني
ولاأستخدم علاجات الحمدلله
ولااعاني من اي انتفاخ اوغازات كنت طبيعيه ولله الحمدلكل شي الين ذيك الليله
الحمدلله اللهم لا أعتراض

جزاك الله خير ومثل ما قلت طولي بالك معي شوي علشان اعلمك اسباب مشكلتك

طيب أبغى اعرف الحين هل يجيك امساك أو اسهال او انتفاخات بالوقت الحالي

أي يجيني مرات كذا ومرات كذا والغالب أمساك

المشاركة الأصلية كتبت بواسطة ام عيالها

أي يجيني مرات كذا ومرات كذا والغالب أمساك

جزاك الله خير
الحين حنا ما شين صح
طيب هل تتأثرين من مشتقات الالبان او لا وبودي اعرف اكلك وشربك الرسمي إذا كان الشيء هذا ما يضايقك وانتي براحك بس يعلم الله ابغى اوصلك للمشكلة اللي فيك وابينها لك .

الالبان والحليب عادي الحمدلله ماتأثر منها او مالاحظت ولادققت
اصحى الفجر وافطر بعد ساعه شاي وخبز وجبن او حليب والظهر غداى عادي كبسه وسلطه احيان وفواكه
والعصر قهوه وحلى اوفطاير نادرا مودايما والعشى اغلب الايام خفيف هذا نظامي الغذائي مستمر نادرا ما غيره فالويكند يحصل لخبطه اما اكل من برى او متاخر وقته عن المعتاد

المشاركة الأصلية كتبت بواسطة ام عيالها

الالبان والحليب عادي الحمدلله ماتأثر منها او مالاحظت ولادققت
اصحى الفجر وافطر بعد ساعه شاي وخبز وجبن او حليب والظهر غداى عادي كبسه وسلطه احيان وفواكه
والعصر قهوه وحلى اوفطاير نادرا مودايما والعشى اغلب الايام خفيف هذا نظامي الغذائي مستمر نادرا ما غيره فالويكند يحصل لخبطه اما اكل من برى او متاخر وقته عن المعتاد

جزاك الله خير الى الآن وحنا ما شين صح

طيب هل نقص وزنك فترة المرض وكم نقص من كيلو إذا حصل فيه نقص وأبغى اعرف الفحوصات اللي سويتيها ممكن تذكرينها لي .

وزني نقص بداية الوسوسه فقط كنت اخاف من كل شي من الهم والحزن ماقدر ابلع ملعقة زبادي بس احس بستفرغ بس مع الوقت الحمدلله وطرد الافكار السيئه رجع وزني نفس قبل وافضل والحمدلله ماعندي مشاكل في الوزن
سويت تحليل جرثومه نفخ وبراز اكرمكم الله وفيتامين دال وطلع ناقص وكلسترول وتحليل دم قبل فتره كان نسبته 11

المشاركة الأصلية كتبت بواسطة ام عيالها

وزني نقص بداية الوسوسه فقط كنت اخاف من كل شي من الهم والحزن ماقدر ابلع ملعقة زبادي بس احس بستفرغ بس مع الوقت الحمدلله وطرد الافكار السيئه رجع وزني نفس قبل وافضل والحمدلله ماعندي مشاكل في الوزن
سويت تحليل جرثومه نفخ وبراز اكرمكم الله وفيتامين دال وطلع ناقص وكلسترول وتحليل دم قبل فتره كان نسبته 11

ثقي بالله ثم بي راح اقولك وش فيك بالضبط بإذن الله

أنا ما يعني لي ان ما عندك مشاكل بالوزن ابغى اعرف كم نزل من وزنك 10 كيلو 5 كيلو فترة المرض.

الشيء الثاني هل أخذتي علاجات عقب الولادة بالمستشفى حاولي تذكرين العلاجات إذا فيه امكانية اعرفها وهل الوساوس زادت معك عقب ما اخذتي علاج لجرثومة المعده .

بالنسبه للوزن يمكن اقل من عشره كيلو
وماخذت علاجات بعد الولاده فقط مضادات ومسكنات عاديه بس مذكرها
بالعكس علاج الجرثومه ماتعبت منه ابد يمكن يكون هو سبب زيادة الوسواس مدري بس من قبله وسواسي شديد
وزاد اكثر لماقريت عن الجرثومه ومضاعفاتها بس الحمدلله صرت ما أقرأكثير والامور تمام الحمدلله