فيني عبره😢

فيني عبره😢

السلام عليكم ...
كل عام وانتم بخير جميعا
ماادري قلت افتح موضوع هنا عندكم لاني احسكم تفهموني اكثر من اللي حولي 💔
فيني خنقه العبره بس استرجع ذكريات الماضي المؤلمه واحس ان عمري راح واندمر ماادري ليه 💔اعوذو بالله من ابليس والله اني احاول اتصنع الضحك والوناسه عشان ماابين لاااحد شيء بس لاجلست لوحدي اتعب من التفكير نفسب ارجع زي زمااااااان نفسي والله احيانا احس ان وضعي فعلا سحر مثل ماقالو الشيوخ متخيلين فجأة حياتي قلبت فوق تحت بعد ماكان كل شيء جميل بحياتي الحمدالله ع كل حال انا وربي مااتجزع بس فيني شيء نفسي ارجع زي زماااااان 💔وربي خايفه ابين لااحد اني تعبانه ومكسوره من اللي حولي لان طفشت مم كثر النصايح مااحد يحس باللي احس فيه 💔💔

المصدر: نفساني

والله انا اليوم متضايق كثير واحس بوحده شديده والم يعتصر قلبي بس
وش الحل مافي حل المصيبه لما أشد على روحي فاالعباده اتعب يعني تعبان فكل الأحوال شي قرف لاابعد درجه

يالله يااخوي صبري ..اسال الله العلي العظيم ان يشرح صدورنا وبعوصنا خير
ا💚طيب وش جدولك اليومي؟

ما تشوفين شر يا أختي الغالية محبة الرؤوف

جعل من لامك يضيمه عمره كله و لا يصفا له لحظة

حاولي تذكرين بشارة الله للصابرين و جزائهم بجزيل العطا من الكريم سبحانه و تعالى

أدري فيك و حاس و الله

الله يفك عوقك و ترجع أيامك أحسن و أحسن من اللي نفسك فيه يارب في القريب العاجل
الله يشفيك و يقويك قوة على قوة و لا بآس عليك و طهور

ماحنا بعيدين عنك نحوم حول الحما .
ماهناك حل غير نعتبر هالدنيا ماتسوي عشان مانقهر نفسنا عليها

الله يجزاكم خير يارب ...
بأذن الله ان ربي يفك عوقنا ونبشر بعض ويعوضنا عن كل لحظه ألم يارب يالطيف يارحيم

امين يارب ويجينا العوض بأسرع وقت
جدولي اليومي عادي كان ملخبط النوم احين الحمدلله من امس تعدل
اصحى ٥ الفجر اصلي لاجات ٨ اذا فيه مشاوير او أشغال بسيطه مراجعات او كذا احاول اسويها الين الضهر اشتري غدا اتغدا اجلس عالجوال العصر احاول اطلع لان لوبجلس بتعب. من التفكير اذا دق علي احد طلعت معه ولا طلعت لحالي
نتمشى وقت الصلاه نصلي وعلي حسب الأوضاع كيف لين الليل بعدها ارجع البيت مافيه اكشن الجدول هههه
علما ان سابقا ايام عز المعاناه طول الوقت فالبيت احين شوي بس مع الرقيه والدعاء والقرآن خف شوي واحاول ادف روحي واطلع
وسلامتك وانتي كيف جدولك اليومي
وأنصحك بتكثيف الدعاء وقراه المعوذتين مكرر على طول حتا وانتي تغسلين فالمطبخ خليها دايم على لسانك والذكر والاستغفار هلي لسانك رطب بذكر الله والامور راح تمشي وتتحسن بإذن الله

اسال الله يفرجها عليك

شوفي فيه برنامج انا استمريت عليه و فادني بس انا كان عندي حسد و معاه دخل مس لكن مو سحر مع اني كنت مشتبهة في السحر لأن تقريبا كل اموري كانت متعطلة او ع قولة الكويتيين وين ما اطقها عويا

اول شي تجيبين زمزميه او مطارة او جك تعبيه مويه و تضعين فيه زعفران اصلي انا كنت اشترية من الدخيل للعود

و تقرأي فيه بعد النفث يعني تنفثي و تقرأي

تنفثي ٣ مرات قبل كل فقرة

# الفاتحة

#اول خمس آيات من سورة البقرة

# آية الكرسي

# آخر آيتين من سورة البقرة

#المعوذات ٣ مرات

# اول عشر آيات من سورة الصافات

# اول خمس آيات من سورة الملك

ثم نقرأ آيات السحر.. ابحثي عنها لأن كنت اقرأ آيات الحسد

بس اللي فوق اساسي و ممكن يغني لوحدة