تكفـــــــــــــــــــــــون ..ساعدوني :((

تكفـــــــــــــــــــــــون ..ساعدوني :((

السلام عليكم ..

انا مو عارفة شكتب والا شلون ابدا ..
مشكلتي هي (((((((( زوجـــــــــــــــــــــــــــــــــي ))))))))
انا متزوجة من سنتين ونص وعندي ولد عمره سنة ونص ...

مشكلتي هي التهميش من زوجي .... تهميش موووووووو طبيعي ..
كأنه مو شايفني زوجة .. يبيني خادمة وبس .. وحتى لو كانت خادمة ممكن يوسوس الشيطان في عقله ويدخل في قلبه شيء لها ..
المهم اهو روتينه اليومي انه يصحى من النوم ويقول (جهزي ثيابي ) يروح الدوام .. يرجع وينام او انه يطلع يتمشى بالموتوربايك ..
يرجع ويقول ( حطي الفطور ) يفطر وينام .. يصحى ويطلع ولما يرجع وينام ..
يبي المكان اللي فيه يكون نظيف .. ووجبته جاهزة .. وثيابه نظيفة وبس .. هذا هو الزواج بالنسبة له ..

حاولت افهمه اكثر من مرة اني انسانة وان لي متطلباتي سواء النفسية والا الجسدية والا الجنسية .. واني تزوجت عشان احصن نفسي وان هالشيء اللي يسويه فيني مو زين ونتيجته بعد مو زينة ..يقولي انتي حقج هو الجماع ومرة كل اربع اشهر .. وانا الى الحين ماقصرت في حقج ..

اكثر من مرة يقولي انتي مو عاجبتني في اي شيء ....
والا لما اساله ليش ماتطيقني يقول وش تبيني اطيق فيج ..
ومن هذا الكلام اللي يصدّع القلب ..
انا انسانة ومحتاجة احب وانحب محتاجة احد يضمني ويبوسني ويحن علي .. حتى لو من غير حب ..

وين الاقي حلي ياناس ..شاب راسي من كثر ما اكلمه وكاني اكلم حجر والله العظيم ..

ساعدوني تكفون ..اقترحوا علي شسوي معاه ..ترى ضايقة فيني هالدنيا ..كرهت كل شيء فيها ..حتى ولدي صرت احس اني بديت اكرهه لجرم ابوه ..

المصدر: نفساني

الأخت / رو
السلام عليكم ورحمة الله وبراته .
إذا إنعدم أسلوب الحوار والنقاش بين الزوجين ، تتضخم المشكلة ويصعب حلها وأنت في هذه الحالةعليك بالصبر والتريث قليلا ، ومحاولة التغيير في حياتك إذا كنت مقصرة في شيء إما في الفراش أو في النظافة أو في احترام الزوج وطاعته أنا اقول لابدمن وجود المصارحة بينكما وكل واحد يصلح ما أفسده الدهر ، إياك أن يتدخل أحد في حياتكماا لآن لان المشكلة تطول وتتعقد ، ما دام أن الامل موجودفلا أحد يستطيع حل مشاكل الزوجية غير الزوجين أنفسهما بالحوار والمناقشة والبعد عن التشنج ورفع الصوت والسب والشتم ، إذا وجدت بعد فترة من الزمان أن الحوار والمناقشة لاتفيد ولم تعثري على سبب رفضه لك ، فاستعيني بأخيك الاكبر إن كان عاقلا حكيما ليتدخل في الامر أوعمك أوخالك إذا كانوا في سنه ويعرفون أسلوب العشرة الزوجية الصحيح ، والحقيقة أن حياتكما الزوجية بهذا الاسلوب لاتطاق ولن تستمر بهذه الحالة مالم يحصل تغيير إلى الافضل ، ادعو لك بالتوفيق .

المستشار / ابراهيم الدريعي