لإدارة المنتدى مع التحية ,,

لإدارة المنتدى مع التحية ,,

بسم الله الرحمن الرحيم ,,

السلام عليكم ورحمة الله وبركاته وصباح الخير ,,

انا شاب مرة علي فترة مدتها سنة ونصف السنة كانت وساوس قهرية وانفصام شخصية

والحالة حالة ,, كنت افكر بامي وناس يجامعونها وحبيبتي نفس الشي وان علب

الببسي تقطع شفايفي وافكر بالناس وهم بالحمام اعزكم الله واقول حنا البشر قذرين,,

والافلام والمسلسلات كنت اشوفها واقول لنفسي ترى فيه وراهم مخرج واضاءه

ومن هالكلام ,,, (ههههههههههههههه) ,, الظاهر لو بحسب كم من الوساوس اللي

جتني

تتعدى الاربعين المهم ,, انا قريت اعلان لكم في جريدة الرياض اللي يجي

جمب كاركتير الهليل وقلت بس هذولاء راح يرجعوني طبيعي مثل اول وجيت وسجبت

باسمي هذا وقعدت القي عليكم محاضرات عن العقل الباطني(لووووول) ونصائح

وكلام فاااارغ وخرابيط مايعلم فيها الا الله وانا ,, المشكلة اللي رجعتني لكم هي ,,

ان اقرب الناس لي ماهي مصدقه ان اللي جاني مرض نفسي او خلل عقلي يعني

يقولون ايييييييييييييييييييه اثريه كذا وحنا فاهمينه غلط؟؟؟ ( فاهمين قصدي؟) يعني

يقولون اثرينااا كنا نعااامله على انه طيب ومحترم وفاهم واثرينا كنا اغبيااء؟؟ حتى ان

اكثر من شخص وسوسو بانفسهم ,, وانا اللي اطلبه من ادارة المنتدى الكريمة ان تتكرم

وتعطيني موضوعي القديم لاني دورته ومالقيته سويت بحث على مواضيعي ومالقيت

اي موضوع وسويت بحث من سنه ومالقيته وانا ابيه ابي اطبعه واوريه بعض الاشخاص

واقول لهم والله ان جاني شي ما يعلم به الا الله حتى شاركت في منتدى مختص

بالاستشارات النفسية ,, لاأقصد ان اقلل من قيمته لكن انا شخص لا يحتاج الا استشارة

نفسية لان عندي قناعه بأن روح الانسان واحده فقط ليس لها نسخ ثانيه يعني لايوجد

من يفهم الروح الا العقل المخلوق مع الروح تمام الفهم والمعرفة,,

فهل تتكرم علي الادارة الكريمة الموقرة بموضوعي اللذي اختفى من لوحة التحكم

الخاصة بي ,,,,,,

في النهاية ودي اقول كلمة مدري خطأ او صح لكن بقلبي وأقولها ,,,

(محد يفهم مريض الانفصام بالشخصية الا واحد مثله وتصدقون اني كنت اول

اشوف في الافلام المصرية ان الاطباء النفسيين يجونك شعر طويل ومهابيل وكانوا

دايم يظهرون الطبيب النفسي على انه مريض نفسي؟؟ الحين بس اضحك على

هذيك اللقطات لاني توني ادرك معناها وادرك حقيقة ماكانوا ان يريدون ان يوصلونه لنا,,

لاني انا ماعمّق قناعات المرض النفسي الا اخوي حسبي الله عليه استغفر الله بس

لاني طبت فترة 4 شهور كامله اضحك واكركر وماببالي من هموم الدنيا شي لكن

يوم نقلنا للديرة اللي هو فيها وعاشرته وماعندي الا هو ,, وهو كان اطيب قلب واحلى

انسان لكن فصلوه من الدوام ظلم وسرقه ولد عمي وسرقه خالي وصار فقير

والحين والله ثم والله ماعنده سياره من شهرين وحالته فعلا مزريه وكل الناس تكرهه

وهو كان يستلم 14 الف راتب وكان اكثر شخص اجتماعي فعلا كلام حقيقه ماهو كلام

Xكلام انا اول ماجينا كنت اضحك عليه والعب عليه وكنت احسب انه مايحس وعادي

لكن بعد مافهمته صرت مثله ومن الامثلة اللي يسويها

1- النور العادي يكون ساطع عشان كذا دايم اخوي يطفي النور ولما اجي عنده ويجي
واحد من اخوياه يولع لمبه وحده وهو ماهو منتبه لانه يشوف الوضع طبيعي وانها قمرى؟؟؟؟ وحنا ظلمه ومانشوف يدينا,,

2- لما يركب معي واشغل شريط يقصر الصوت مررررررره وانا والله مسمع شي

لكن هو سبحان الله يسمع,,,

3- تعابير الوجيه ,, الحين لما يقابل اخوي اي انسان وهذاك من تصرفاته انه لما يكلمك

مثلا يكشّر او يغمز بشكل عفوي جدا ,, اخوي لا يتعممممممق بهالاحاسيس

ومثال عليها كنا نشوف برنامج اوبرا وكان ضيف الحلقة الامريكي بيل كلنتون وانا كنت

يعني منسجم قال تبي اعلمك شي؟.؟ التفت وانقطع تركيزي بالبرنامج يعني اكيد

يبي يقول شي طراله عن موضوع او شي ,, قال تراه في حالة نفسية الحين عميقه

قلت منهو؟.؟؟ قال بيل كلنتون؟؟ انا مدري انلحس مخي منه لانه اخوي الكبير وان قلت له

انت خبل؟ يبي يصير شي ماأبيه ,, قلت له والله ؟؟ قال اي والله وقعد يشرح لي يوم

انه انسإل هذاك السؤال تراه حس كذا وكلااااام فاااااارغ حتى اني انلحست الحين

وانا اكتب لكم مع السلاممممممه الزبده ابي مووضوووووعي وبااااااي:)



اذكر مره قريت مريض الانفصام بالشخصية هو شخص حساس حساس بشكل مجنون

وفعلا لما اتذكر وضعي احس باني كنت حساس لدرجة الخبال والله العالم مدري

كلامي صحيح او ينطبق علي بس ,,,,,


لكم الشكر والف شكر وان فيه كلام قريتوه الحين وحسيتوا ان اللي قاله ما هو مقتنع

فيه تروه ترسبات قليلة جدا من اللي كان يجيني ,,,,,,,

المصدر: نفساني