معاناة شاب فى 26 ربيعا ؟؟؟ لو امكن الرد !!

معاناة شاب فى 26 ربيعا ؟؟؟ لو امكن الرد !!

انا شاب عندى 26 سنة اعانى مشوه فى الوجه من الحبوب واثار البقع البنيه جربت جميع الادوية فى الدنيا من 13 عام صراع مع المرض وطبعا لم ياتى باى نتيجة وطبعا اصبحت منعزل عن الناس وعندى اكتئاب شديد وحين انظر الى المراة اشاهد قبح منظرى بالنسبة للشباب اللى فى سنى اصاب بالحسرة وخيبة الامل وبعد صراع مع المرض عرفت انها هذه الحياة هى حياتى ولايذهب عنى ذلك المرض ابدا طبعا كالعادة خضعت لذلك وقولت طب انا هعمل ايه؟ خلاص هعيش حياتى كدا وخلاص وطبعا جانب النساء معدوم فى حياتى طبعا لقبح المنظر فمن هى التى تربط نفسها بشخص مثلى وهى امامها شباب تانية المهم طبعا بالرغم عنى صمت واصبحت اتحمل نقد الناس لى ولشكلى وقبح منظرى واصبحت عايش بالجسد فقط اما حلاوة الدنيا وطعمها لم تدخل فم لدرجة انى اتخيل انى مثل اصحابى الشباب اللى فى سنى لو انا مثل اى واحد فيهم واقعد احلم انى مثل صحبى هذا كنت هعمل حاجات حلوة بس اصحى من الحلم على كابوس وهو انى عايش فى الغيبوبة المهم ظهر فى حياتى فتاة اخت صديق لى وطبعا انا نسيت اقول انى صمت جدا او مكسور واى حد عاوز منى اى حاجة بعمل على طول اللى هو عاوزة يعنى هى سمعت عنى انى زى ما بيقول عنى اصحابى واخوها انى طيب وغلبان ومليش فى اى حاجة طبعا هى عاوزة تشوف مين دا اللى الناس بتقول عليه كل هذا الكلام المهم شوفت هذه الفتاة 4 او 5 مرات وطبعا كنت احاول ان اخفى وجهى عنها وانظر بعيد عنها حتى لا تاخد بالها من منظرى لكن المشكلة انها تعلقت بى واصبحت تطاردنى على التليفون و على النت وفى مجال عملى وانا طبعا اريد الهروب منها لانى لا استحقها فهى بالنسبة لى حاجة كبيرة على جدا وانا مش قدهالانها فتاة بالنسبة لى صعبة انا احاول انا افكر انى اعيش معها ابدا فهى انا عارف انها تطاردنى لانها عارفة انى خام وليس لى تجارب مع اى فتاة ولا افعل اى شئ فى الدنيا سوى انى احاول انا اخفى وجهى عن الناس وهو دا سر الذى يجذبها فقط انى مؤدب ومحترم انا اتكلمت معها فى التليفون كثيرا وعلى النت وطبعا اى شخص فى تلك الحالة يرحب بذلك اما انا اشعر بمرارة الهزيمة لانى عاجز انا تكون معى واحدة زى هذه الفتاة وانا اهرب و اقول يا للحسرة لو انى سليم ومثل الشباب كنت على طول اخذت هذه الفتاة زوجة لى بس طبعا انا ممنوع عليا النساء انا اهرب واهرب واهرب منها وهى كل مرة تحاول ان تتقرب منى وانا اهرب حتى لا ياتى اليوم التى تجرحنى هى كمان بالكلام على وجهى وطبعا هندم اشد الندم وبعدين ماكنت انا فى حالى ساكت و مهزوم على طول دخلت على حياتى اصبحت فى ضغط كل يوم منها وطبعا الحبوب ما فيش رحمة وهى كمان بسؤال عنى على طول ضغط عليا اصبحت اكثر حيرة واكتئاب عن الاول لانى هموت عليها وطبعا لا اقدر ان اعمل حاجة احساس قاتل ومشاعر لا توصف ان ترى حلمك موجود امامك و تقدر ان تحققه ذل مابعده ذل حسرة طول اليوم وتفكير فى هذا الموضوع 24 ساعة فى اليوم وحين تكثر الافكار اتمنى من الله الموت للهروب من كل هذه الاشياء السخيفة انا اقدر الموت جدا واتمنه كل لحظة حتى يحسم الموقف و كفاية عذاب بجد لو فى حل رغم فقد الامل من زمن فى الى حل الرجاء الرد عليا والله هو الذى يقدر تعب من يرد عليا ، وشكرا

المصدر: نفساني

أهلا بك ياعزيزي في موقعك وأشكرك على ثقتك في طرح مشكلتك لدينا
عزيزي الفاضل أنت إنسان قد أحبطت نفسك كثيرااا ولم تجعل الفرح يدب في نفسك مشكلتك ليست كما أنت تظن تلك المشكلة التي تدعوا لنفسك بالموت أو الاختفاء عن أنظار الآخرين احمد الله أولا على انك إنسان تمتلك الحواس الخمس وقادر على حمل نفسك والذهاب إلي أي مكان تريد فهناك أشخاص معاقون متفوقون ومكملين نقصهم بأخلاقهم وشاكرين ربهم على ما خلق وأعطى فأنت لا ينقصك سوى أن تعطي المجال لنفسك قليلا وتثق بأنك تمتلك أخلاق قد فقدت عند الكثيرين ممن يمتلكون ذلك الوجه الجميل فجمال الإنسان الحقيقي يكتمل باكتمال أخلاقه وحسن سلوكه كم من أناس إضاعتهم الإشكال ...
ياعزيزي ليس هناك ما يدعك تخجل منه إن كان هناك ما يخجل هي سوء الخلق وأن تقابل فتاة وتجعلها تتعلق بك وأنت تتهرب عنها بقول أنني لا أمتلك وجه جميل هي قبلتك بكل ما فيك ولم تتطرق إلى ماتفكر أنت به هي أعجبت بأخلاق ذلك الإنسان لتعلم أن جمال الإنسان ترتكز أولا بجمال الروح وهي تعلقت بك قبل أن تراك هي تقبل بك بكل مافيك وإلا لما أصرت على ملاحقتك والاستمرار معك
حتى أصدقاءك لم يتطرقوا إلى ما تطرقت أنت له قد ذكروا طيبتك دون أن يذكروا شيء أخر لان الشكل ليس شيء أساسي في الحياة فهو عطا الله وقدره أتمنى أن تقدر ما اعنيه وان تجعل حياتك تستمر كما كتبت لك دون أن تسودها أفكارك والمرآة وأن تسعد بباقي حياتك لأنك أهدرت وأهملت نفسك كثيرا....
ودامت حياتك مكللة بالأفراح والمسرات.

ميرسى جدا يا دكتورة بجد انا فرح جدا لان فى حد اخيرا رد عليا بجد دى احلى حاجة من زمن حصلت عندى ومش عارف اقول ايه بجد ربنا يكرمك انشاء الله نرجع للمشكلة انا كنت زهقان من نفسى زمان وبعد محاولات العلاج الفاشل و الياس قولت خلاص انا هعدى عمرى كدا وهسكت واعيش كدا من غير حلم وامل واى حاجة احاول ابعد نفسى عن الناس عشان محدش يجرحنى بكلمة تتعب نفسى وعلى فكرة فى ناس بتتريق عليا وعلى وشى من اصحابى طبعا انا بسكت ومش عارق اقول ايه عندهم حق طبعا انا الوحيد فى اصحابى اللى كدا كلهم شباب تفرح ماعدا انا بسمع كلمهم عن البنات وكل واحد بيعمل ايه وانا ساكت طبعا بس فى نفسى بحلم انى كويس زى اصحابى بس دا طبعا مش ممكن حتى الحلم الواحد حارم نفسه منه بجد الحالة صعبة جدا انا زهقت من نفسى جدا لحد ماعرفت البنت دى عن طريق تصليح الكمبيوتر اللى عندهم فى البيت وبتكلم على النت وفى الموبايل معاها بس كلام عادى عشان انا عارف حجم نفسى طبعا بس هى بتتكلم بطريق فيها اعجاب بيا بس اعجاب من ناحية الاخلاق طبعا مش الشكل اكيد وطبعا "ملحوظة البنات بتحكم دلوقتى بمظهر وشكل الشاب مش الاخلاق وهى حاليا مشدودة للاخلاق بس بعد فترةهترجع للشكل" وانى معرفش اى بنت لحد دلوقتى ومش زى اصحابى ماليش فى اللى الشباب بتعمله المشكلة انى هموت عليها بس مقدرش احاول اعمل اى حاجة هى نفسها افتح معاها اى كلام انا حاسس كدا لكن انا بحاول اهرب عشان اكيد فيما بعد لو حصل حاجة طبعا لازم تعلق على وجهى المقزز وطبعا عندها حق ولو الموضوع دخل فى الجد هى عندها اصحاب كتير من الشباب و البنات ندخل فى مجال المقارنة مع اصحابها البنات بينى وبين اى شاب وطبعا التريقة هى الحل وطبعا هى تتغير وتعيد التفكير وتقول صح عندهم حق ما الشباب كتير وطبعا تجرحنى بكلام يتعب اعصابى وانا مش ناقص من الضغط اللى عليا ، عشان كدا بهرب منها وهى بتزعل منى عشان كدا طب اعمل ايه يا دكتورة لما تقول عاوزة اشوفك بجد الدنيا كلها بتسود فى وشى لما بسمع الكلمة دى بحس انى حقير جدا طب بجد انا عاوز اعرف اعمل ايه لما تقولى عاوزة اشوفك عشان خاطر ربنا تجاوبى يا دكتور على السؤال دا ؟ اعمل ايه انا حالى مقلوب وهى عاملة ضغط عليا ووشى كمان واصحابى و الناس كلها محتاج حد بجد يقولى اعمل ايه انا عامل زى الطفل اللى مش عارف حاجة الرجاء يا دكتورة تكونى جنبى عشان خاطر ربنا . نفسى تكونى جنبى وتقوليلى اعمل ايه معلش انا تعبتك معايا بس انا مش لاقى حد اتكلم معه واحكى و يارب انشاء الله تردى عليا والرجاء من واحد مريض مثلى التواصل مع حضرتك وشكرا

عزيزي الفاضل أنت لاتريد سوى ان تقوي ثقتك بنفسك وتتحدا جميع الصعاب التي امامك وأن تعيش حياتك طبيعيا وأنت أنسان تتمتع بالذكاء والاخلاق المرتفعة التي قد تختفي عن بعض الافراد لذى لاتحطم من ثقتك وتجعل المظاهر تؤثر عليك فجمالك الداخلي يغلب على المظهر الخارجي أرجو اعطاء نفسك الثقة والشجاعة للتغلب على تلك الافكار التي تسيطر على عقلك وطردها نهائيا حتى لاتدمر حياتك فالفرصة الآن بين يديك لتبدء حياة جديدة...
اتمنى لك التوفيق ياعزيزي وأن تسعد بحياتك دائما ....

ودامت حياتك بالمسرات.