ارجو من احد المستشاريين اعطائي الحل وبسرعة

ارجو من احد المستشاريين اعطائي الحل وبسرعة

السلام عليكم ورحمة الله وبركاته
انا متزوجة من حوالي سنة ونصف ومن بداية زواجي الى الان وانا غير مستقرة احس ان زواجنا غير متكافئ نهائيا
والان حياتنا جدا فيها فتوووور وحبي له قل وهو كذلك حتى قالها لي بنفسه انا ماحبك مثل قبل وانا الحين راح اقول سبب المشاكل شنهي وابغيكم تعطوني حل ,اهو انسان غامض على طووول عنده اسرار علي وصار له فترة مايكلم يمي يعني اذا رن جواله يروح مكان ثاني على طول مشغول مع اصدقائة وحتى اذا رجع البيت كلا يفكر واحس انه يفكر في اللي صار بينه وبين ربعه ,مايعرف يتعامل معاي انسان قاسي وجاف مايعرف يقول كلمة حلوة ولايعرف شي اسمه رومانسية,ولايبغي يتحمل مسؤلية بيت انا الحين عندي منه بنت يعني مثلا تظل الثلاجة خالية بالشهر ونص بالموت يرضى نتقضى ,يعني صراحة مادري شقول وشخلي واخر شي مايهتم بنظافته وانا الصراحة مااتغاضى عن شي على طووول اعاتبه واتخانق معاه وساعات ازعل بيت اهلي واتوقع هذا اللي خلى حبه لي يقل .نفسيتي كثير تعبانة لان علاقتي مع زوجي جدا متوترة وكل واحد منا مايشتهي الثاني
الله يخليكم نصحوني.

المصدر: نفساني

بانتظار الرد وعدم اهمالي ارجوكم

احب اضيف شي على الموضوع وهو ان زوجي صار له فترة يعطيني شوي من وقته لان صار تدخل من قبل اهلي لكن مع الحنة والمشاكل هددني انه يرجع مثل قبل وفعلا الان كل وقته مع اصدقائه مايجي الا اوقات الاكل على طووول انا لحالي مع بنتي طيب شسوي اذا اهو راكبه الغلط من راسه الى رجووله وكلامه كثيير قاسي توه قايلي ترى انا بصارحك انا لعبت قبل لااتزوجك مع بنات في زوح لبق يقول هالكلام حق زوجته
ومستحيل يقبل مني نصيحة لان يحسب اني ابغى امشيه على كيفي تعبت وجربت كل الوسائل معاه بدون اي فايدة والله اني بدأ الكره يتسلل الى قلبي ولا ادري شلون اتصرف

انا بحاجة اليكم لماذا هذا التجاهل في الرد