تعبت وتعبت زوجي معايا

تعبت وتعبت زوجي معايا

السلام عليكم ورحمة الله وبركاته
هذه اول مشاركه لي معاكم يااارب الاقي لي حل عندكم
مشكلتي بدات من سته تقريبا الحمدلله كنت انسانه كلي امل وتفاؤل واحب الضحك والمزح ومااحب النكدانا متزوجه لي21سنه ولله الحمد عندي3اولادوبنت اكبر اولادي20سنه توه متزوج له شهرين وبنتي عندها 19وولدي التاني عمره 15والأخير عمره12سنه الله يحفظهم ويهديهم يارب
المهم ولدي اتخرج من الثانويه العامه الحمدلله بامتياز واصر ابوه انه يرسله للخارج عشان يتعلم وهو عمررررره في حياته ماخرج بره المملكه المهم سافر لبلد شيوعي اوروبي وهناك بعد4اشهرانتكس وتعب وجبناه هنا وعالجناه وانا كنت حاتجنن من تعبه والحمدلله ربنا كرمنا واتعافى بعدكده طلب انه يروح علندن وراح الحمدلله وخلص اللغه وزوجناه المهم بعد كل هذا انا مرررررررررره تعبت وصارمعايا حاله نفسيه وصرت اخد علاج سيبرالكسوحبوب منومه ماعرف اسمها بس دايما تجيني ضيقة صدر وكآبه واصير بس ابكي وافتكر المواقف الحزينه والآسى واكره اهلي (لأنه صار لي معاهم مواقف كثييييييير وجرحوني واهانوني )وفي الفتره اللي قبل مايسافر ولدي اول مره حصلتلي مشكله كبييييييييييره مع جاراتي وبهدلوني وزوجي الله يحفظه لي يارب ماقصر معايا وسفرني عامصر وغيرنا جو وانبسطنا الحمدلله بس الآن حاسه نفسي بدات ارجع وماابغى اسلم نفسي للمرض والوهم ونفسي اني اشغل نفسي باي شي بس للآسف انا فاااااااااااااااااااااااضيه وماعندي اي شي يشغلني واحيانا اصير مرره عصبيه وبس اصيح على اولادي وعلى زوجي ولما آخذ العلاج اصير مرررررررره تمام واخب الكل بس زوجي موراضي لي استمر عليه ايش اسوي؟؟ بالله ساعدوني

المصدر: نفساني

يجماعه ياناس فين المستشارين باالله تكفون ابغى احد يريحني وماابغى اروح للدكتوره تاني

تحياتي لك ام سمير اعتذر عن التاخير

اولا مبروك زواج ابنك الله يسعده ويفرحك في الباقيين يارب .

اختي الكريمة -

كم عمرك الان ؟
مستواكي التعليمي ؟

اختي الكريمة حابه اعرف ايش التجارب والمشاكل اللي مريتي فيها تعبت نفسيتك من ناحية اهلك ؟
غير تعب ولدك - والحمد لله ابنك بخير ومتزوج وربي يسعده-

احكي لي المشاكل الي حصلت بينك وبين جاراتك -

واذكري لي 5 من ايجابياتك و 5 من سلبياتك

اتفي الان بهذا القدر وانتظر ردك لي

ركزي واكتبي كل اللي بنفسك بدون تردد اكتبي افكارك اللي بدور في بالك دايم وتحسي انها تقلك .

خذي وقتك ولا تستعجلي

تحياتي لك

السلام عليكم واخير ا رديتي عليه
انا عمري 40 سنه عندي ثانويه عامه الحمدلله حياتي الزوجيه مرررررره تمام وزوجي يحبني ويخاف عليه من الزعل واولادي كمان بالنسبه لأهلي انا طول عمري متعاونه معاهم بس لالأسف مو ماديا لأني مو موظفه واهلي عندهم الماده فوق كل شي وحبيبهم اللي يديهم فلوس مع انه والله في مشاكل لهم على طول بينادوني وانا اللي باوقف معاهم .....حاسه اني حملت نفسي فوق طاقتها مهتمه بمشاكل الكل ونفسي اصلح الكون مااحب اشوف احد متزاعل مع التاني الي دايما يحبو مني اني اسمع لهم لكن عمره مااحدفيهم فكر انه يسمع لي غير مرة اخوياالله يسعدها يارب هي الوحيده اللي فاهماني ودايما انا بنظرهم بخيله لأني ما اقدر اصرف يهم ماني عارفه كيف يبغوني اتصرف معاهم انا امكانياتي على قد المصروف اللي بيعطيني هو زوجي ما اقدر ابعزق او اتصرف بزياده
بالنسه لمشاكلي ع جيراني ايش اقولك يااستاذه والله كسيفه ..كنا اكتر من اهل وفي يوم وليله صار بيننا شي عمره ماكنت اتخيله يصيربس قبل 3سنوات واناالآن الحمدلله مرتاحه نفسيا من مقاطعتهم قالو عليه كلام زي الزفت اني حراميه واسرق من بيوتهم ذهب وفلوس ..بسبب وحده حسبي الله فيها وانا كمان هرجت عليهم وهما بنات عشان كده زعلو واتصلو على اختي الكبيره اللي بيني وبينها11سنه وقالولها اختك حراميه وللأسف صدقت غيه الكلام دا وهزأتني والله انها قتلتني بكلامها وتصديقها فيه مااحدوقف في صفي الا امي وابويا وطبعا قبل الكل زوجي الله لايحرمني منه يارب والله يادكتور اني اعتزلت الناس وصرت جالسه في بيتي خاايفه لما قربت اتجنن والجيران الباقيين كلهم صارو يكلموني ويقولولي انت بنت ناس واحنا عارفين كده بس خلاص حسيت اني حاموت ورحت بعدها للأخصائيه سميره الغامدي في جده وهي الله يسعدها حولتني على طبيبه نفسيه اسمها اعتقد نوال اوسناءشافع واعطتني العلاجات والحمدلله اتحسنت وجات فتره فرح ابني وتعرضي لضغوط من اهلي واهل زوجي ورضه كلام اهلي عني اني بخيله وتعبت بس الحمدلله عدت على خير وبعدالفرح الله يسعده زوجي سافرنا اناوهو ماليزيا 10 ايام
ورجعت وحده تانيه الحمدلله ...بس الآن لي كم يوم ماافتكر الا الاشياء المحزنه والزعل واعصب على طول المشكله انه اهلي ما يصدقو انه انا عندي ضغوط او مشاكل نفسيه او اسريه يبغوني دايما مبسوطه واضحك وامزح وفي بيت اهلي يبغوني انا اللي دايما اخدمهم ووالله سرت اطنشهم واردعليهم ومااسكت
عارفه احيانا بيني وبين نفسي اقول يايت زوجي ينقل عمله لمنطقه تانيه غير جده عشان ابعد عن اهلي والله احسهم يغيرو مني ويحقدو عليه ماكانو يتوقعولي اني اكون احسن من وحده فيهم انا ولله الحمدوان شاءالله ماامدح بنفسي ارضى بابسط الأشياء والحمدلله ربنا مرضيني ماادقق في الأشياء وآخد الأمور سهاله ونسيت اقولك اهم شي انا بيضا وزوجي اسمر واختي الكبيره كانت معترضه على زواجي منه بحجة انه زوجها قبيلي وايش حيقولو اهله علينا لكن انا اصريت وتزوجته والحمدلله انسان بمعنى الكلمه ويخاف الله وفي بداية زواجي اختي الكبيره وامي اخدو لهم يمكن 4سنين مقاطعيني يعني مايجو بيتي لأنه زوجي خلاني اغطي على زوج اختي ولما اروح بيت اهلي اجلس عندهم كم يوم بحكم ظروف عمل زوجي كات اختي تجي عند اهلي وانا ترزع بغرفه لوحدي وآكل لوحدي ويخرجو مع بعض وانا واولادي اجلس لوحدي بس مع ابويا واولادي كانوصغار في سن اولاد اختي والله كانت تجيب لأولادها الأكل من ماكدونالدزوتخبيه عن اولادي ويجلس ولدي يطالع لولدها من تحت الباب ويقوله اعطيني حبه بطاطس ولما يشبع ولدها تخرجالباقي وتقول لولدي خد كله وولدي يقعد ياكله وهو يطالع فيه صح زمان كان زوجي مقصر معانا ماديا بس الحمدلله الدنيا بخير وهي موظفه والله لما اتذكر الحكاوي دي كلها ابكي لما اقول بس ليه احنا اخوات ويسير بيننا كده انا جارتي لما كنا سوى انا وهي واولادنا والل كانت تشتري عشا للكل وولي مع اولادها تعبت والله من الماضي وتزكره آآآآىسفه طولت عليكي موقادره اكمل نفسي انسى هي الآن مرررره تمام معايا واولادي واولاده تمام مره وخرجاتنا كلها مع بعض ولو ماخرجنا معاهم مايرضو يخرجو من غيرنا واهل زوجي الحمدلله يحبوني ويموتو فيه وفي اولادي والله احياا احس انه ربنا عوضني بيهم عن صد اهلي عني
الآن اهلي مايدورو الاعليه ومايسالو الاعني والكل يدور رضايا بس انا موقادره طبعا امي وابويا لو ايش يصير ماني مهونه فيهم ابدا الله يحفظهم يارب احيانا ازعل من نفسي لأنه موطبعي الحقد او اني اشيل بقلبي ا
ايجابياتي متسامحه ماشيل بقلبي ماحب الزعل قنوعه
سابياتي اقلق على طول.اكره النكد.افكر كثير في غيري.دايما احشر نفسي في مشاكل غيري.دموعي قريبه في فرح او حزن
وسامحيني ازعجتك واتمنى انك تردي عليه ماتطولي جزاكي الله خير يارب

هلا اختي ام سمير يسعد صباحك يارب

مو عارفة كيف اشكرك بجد انتي انسانة رائعة بمعنى الكلمة - وفيكي طيبة تكفي الدنيا كلها -الله يحميكي ويحفظ لك اولادك .

كل الظروف اللي مريتي فيها وعانيتي منها- تعتبر درس تتعلمي منه الكثير والكثير - ودائما المؤمن مبتلى - الله سبحانه لما يحب عبد يحب يختبره يشوف قوة صبرة ؟
ام سمير خليكي في الحاضر - الماضي راح وانتهى شوفي حالك اليوم وحال اولادك وحال اخواتك واهلك كلهم طيبين و يحبوكي وما يسمعوا فيكي - شفتي لما صبرتي كيف انعدل الحال من الله سبحانه مو من العبد - صحيح انتي في الماضي غلطتي مع جاراتك انك قابلتي غلطهم بغلط اكبر ورديتي وتكلمتي على جاراتك فلقيتي العداء منهم - المهم عرفوا قيمتك اخيرا الانسان بقلبه ام سمير دائما انصحك انه لما تقابلي اشخاص يريدوا الشر او الاساءة لكي - لا تقابليهم بمثلها احتسبيها عند ربك وخلي لسانك قصير - بعدها راح يحطوكي باحسن مكانة عندهم .
بالنسبة لاختك واللي كانت تعمله انتي عارفه ليش بسبب زواجك اللي اصريتي عليه طبيعي يكون في مشاكل بس بعدها الحال اتغير والحمد لله انتي مرتاحة والعلاقة طيبة معاهم مهما صار يا ام سمير الاخوة اخوة - لا تنسي قول الله تعالى :( لا يغير الله ما في قوما حتى يغيروا ما في انفسهم )
انصحك يا اختي الكريمة انك تنسي ولا تخلي الافكار تاخدك للماضي ابدا كل ما تجي الفكرة ولا الذكرى في بالك - استغفري الله واتعوذي من لاشيطان واذكري الله - فكري في شئ تاني او قومي اشتغلي باي شئ في البيت - في الليل حصني نفسك واولادك وبيتك وزوجك اقراءي آبات التحصين بنيه تحصين بيتك واولادك حتى اهلك توصلهم .
اتمنى اني اكون ما قصرت معاكي يا ام سمير واتمنى لك راحة البال على طول - لو احتجتي اي شئ انا تحت امرك موجودة هنا وواقفة جنبك .
نصيحة اخيرة يا غالية - لا تستعملي الادوية كثير الا للضرورة القصوى جدا - اضرارها اكثر من نفعها وانتي عارفة - وعلى فكرة الدكتورة سناء كثير كويسة وانا اعرفها .

تمنياتي لك بالتوفيق

شكرا شكرا حبيبتي الله لايحرمني منك يارب وانا عارفه كل الكلام اللي قلتيه لي بس والله غصبا عني ماني عارفه كيف اتحاشى المواضيع القديمه وبعدين صاريره مرررررره حساسه وعلى طول ازعل الناس الغريبه عني تعمل لي الف اعتبار وتقدير ودايما تسأل عني الله لايحرمني من حبايبي يااارب جزاكي الله خير وآسفه عالاطاله واتحمليني ممكن اكون مرررررره مزعجه
الله يبارك لك ويعطيكي العافيه يااااارب تحياتي

العفو ام سمير اهم شئ تكوني مرتاحة وانا تحت امرك وهذا واجبي
لو احتجتيني انا معاكي لا تقلقي واتمنى لك كل سعادة وراحة بال

شكرا لك

سلام عليكم استاذه ساره...كيفك اليوم ابغى رأيك بشي ولدي زي ماقلتلك بلندن وهوجاي ان شاءالله بعد اسبوعين وحيقعدهنا شهر وبعد كده ان شاءالله حيرجع لندن هو وزوجته وحيقعدو شهر تقريبا وحيرجعو هنا اجازة الصيف ومصممالا ياخدني معاه وانا والله نفسي اروح وزوجي قالي روحي ماعندي اي مشكله بس شايله هم اولادي الصغار مالي نفس اروح واسيبهم لحالهم مع ابوهم شايله همهم
ايش رايك بالله ايش تنصحيني ؟؟ارجوكي ردي عليه محتاره مرررررررره

تحياتي لك ام سمير

كيفك طمنيني عنك ان شاء الله تمام امورك ؟

اختي الكريمة

انا اشوف انه من حقك تغيري جو مع ولدك وبما ان زوجك ما عنده اعتراض فهذه فرصة لك تاخدي اجازة وترتاحي شوي - وماشاء الله اولادك كبار وواعيين ويعرفوا يتحملوا مسؤولية انفسهم وابوهم معاهم - بس انتي قلقانة عليهم ما فيها اي قلق والمدة شهر مثل ما قلتي - انا اقترح عليكي اقتراح سافري نصف المدة اسبوعين لو ارتحتي وكانت الامور تمام واولادك بخير ومبسوطين كملي لوما قدرتي ممكن ترجعي لو الظروف تسمح .

و افضل حل كمان استخيري الله سبحانه وتعالى - صلي الاستخارة وشوفي احساسك والله يكتب لك اللي فيه الخير .

انتظر منك الرد واشوف قرارك النهائي - وان شاء الله يكون خير .

شكرا لك

شكرا لك الله يسعدك وانا فعلا صليت الاستخاره وحافضل اصليها الين ربنا ما يختار لي الخير ان شاءالله آسفه جدا عالازعاج
والحمدلله اموري جدا عال العال
الله يعطيكي العافيه

اهلا يا ام سمير - يا اختي الكريمة
هذا واجبي وان شاء الله انتظر منك القرار النهائي .
بس لا تنسي تجيبي معاكي الجو الحلو .

تحياتي لك

السلام عليكم ..صباح الخيييير اختي الغاليه انا مره مترده بصراحه زوجي مررررررررره مو هاين عليه اسيبه شهر لحاله وموراضي اني اروح اسبوعين وارجع لوحدي يقولي لوحدك ترجعي لا وهذا اللي مرددني ماتتصوري ولدي وزوجته قد ايش متمسكين فيه وانا مررره نفسي اروح بس خايفه اطفش حاسه انه شهر كتير والولد حيكون عنده اختبارات وماحيكون فاضي لي دايما
الله ييسرها من عنده ان شاءالله
تحياتي لكي

صباح الخير ام سمير

والله شوفي يعني هو حلو انك تسافري تغيري جو بس بصراحة شهر كثير وبعدين انتي عندك التزامات من ناحية اولادك وزوجك - لو كانت وقت اجازة كان كلكم رحتوا تغيروا جو - شوفي لعل فيها خير مهما كان الواحد حابب شئ معين وما قدر يحصل عليه فهو خير من الله سبحانه وتعالى - ودام ابو سمير بدء يتردد فخليكي معاهم على الاقل ولدك معاه زوجته وهو وقت اختبارات على قولك واذا انتي عارفه نفسك انك راح تملي بعد كم يوم هناك وانا عارفه كمان انه بالك راح يكون عند زوجك واولادك يعني راح تقلقي وتخلي ولدك يقلق على قلقك
في الاخير صلي مرة اخرى وخلاص قرري القرار النهائي وخليها بالاجازة كلكم روحوا اوعدي ولدك بهذا الشئ كمان انتي عندك التزامات اخوانه بحاجة لك اكيد .

انتظر ردك لي

السلام عليكم ...شوفي في ناس هنا عندنا نحن نعرفهم انقليز لو هما رايحين لندن في نفس الفتره خلاص ان شاءالله انا حاروح ولو لامااعتقد في كل الأحوال انا حاسالهم وارد عليكي بعد فتره كده حلم حياتي اني اشوف البق بن
دعواتك لي والله دوبه زوجي يقولي انا ابغاكي تروحي وتنبسطي لأنه هو درس في لندن فترة 6اشهر قبل زواجنا وقالي لاتشيلي همي والله ييسرها من عنده يارب

هلا ام سمير

خلاص لو نفسك تشوفي البج بن روحي والله يسهل دربك بس لا تنسي تتصوري هناك .

في انتظار ردك لي وان شاء الله تنبسطي وتغيري جو بجد لندن حلوة وانا كثير رحتها يكفي الجو الحلو هناك .

شكرا