استفسار واتمنى التفاعل ...!! (( الاعراض الجسديه ))

استفسار واتمنى التفاعل ...!! (( الاعراض الجسديه ))

السلام عليكم ورحمة الله وبركاته



بسم الله الرحمن الرحيم

كتبت هالموضوع ... لاني حبيت اشوف الاعراض اللي معاي صارت حق احد منكم ..!!

احس جسمي تعباان .. خاصة مع البرد وايد قاعد يتأثر واعضائي تتقلص .. وقاعد اتعب بدون اي مجهود يذكر .. اليوم وانا اضحك فجأه ولا احس بثقل بصدري كأن قلبي تعبان .. و كرر هالشي اكثر من مره طول فترة المرض ... فهل ذا خطر؟ وهل تتوقعون ان مع العلاج النفسي .. حتى هذي الاعراض راح ترجع طبيعيه وراح اقدر امارس السباحه مثلا بدون تعب ؟ وشاكرلكم القراءه

المصدر: نفساني

تستخدم علاج ؟

والله ياخوك

الواحد من كثر الاعراض الى فيه والمده الطويله الى يعانى منها

نسي وش الاعراض الطبيعيه والاعراض المرضيه الى من الحاله الى حنا فيها

لكن اعراضك الى تقوله طبعيه حدا لكل من يعانى مثلنا

مادري بس بالنسبه لي احس بهذه الاعراض خصوصا عندما يزداد القلق

طبيعي طبيعي

يصير لي و اذا زااد القلق تزييييييييييد هالأعراض

واذا خف تقل و تتلاشى

يعطيكم العافيه على التفاعل ... بس بسأل تتوقعون هالشي راح يأثر على صحتنا العامه .. يعني بعد جم سنه .. راح نكون اضعف من اللي بعمرنا وما فينا قوه..!!

مصفعتني الدنيا : لا ما خذيت ويمكن يمكن اخذ ..هذا راح يحدده الطبيب اللي راح اراجعه بعد جم يوم ..!!

أنا كمان بحس أحيانا بعض هالأعراض الله يشفينا ويبعد عنا البلاء وصحيح انها تزداد بالبرد
والله يا أخي أنا ممكن أرجعها لمشكل نفسي قلق مثلما قلت أو خوف من شيء ما
الله يحمي أمة حبيبو ويرفع عنها كل المصايب يارب
أختك ملكة السكوت

امين الله يشفينا ويخفف علينا ... انا خايف ان تأثر على الجسم بشكل عام ...لان الحين بدت معاي ان بس اصرخ او ارفع صوتي احس اني تعبت ..لي هالدرجه ...الله يساعدنا ونتغلب عليها ...المشكله ان انا على وجه عمل .. يعني متخرج وقريب اشتغل ... بس ابهالحاله مستبعد اني اشتغل ... مو متخيل نفسي شلون بداوم ...

أخوي ممكن أرجع أكيد في كثير من الناس تعاني من اللي تعاني منو بس لازم تعالج الموضوع من كل جوانبو وتوكل على الله
مثلا اعرض نفسك على مختص نفسي
واعمل تحاليل للدم ممكن يكون معك نقص في الدم أنا مثلا اعاني من فقر الدم ولكن مو كثير الله يشفيني و يشفيك ويشفي أمة حبيبو أجمع
وكمان لازم تنظم وقت نومك وما تنام بعد العصر مثل ما كنت أنا بسوي لانو رح يختلط عمل الهرمونات اللي بجسمك
ونظم اكلك وطريقة أكلك
ومارس تمارين الرياضة و أسلوب فن الاسترخاء في كل مكان لانو بيريحك وبيريح أعصابك وأسلوب اليوغا مفيد جدا خاصة في الصباح
وتوكل على اللي خلقك وثق في ربك وان شاء الله بتتحسن حالتك وحالتنا جميعا
والله المستعان

اغمض عينيك واسترخي وانت تنظر الى مصدر ضوء --- افتح عينيك مرة ثانية واغمضها وانت تكرر العملية لمدة 15 دقيقة وانت تتخيل ان الأعراض تزيد --- وفي النهاية ستجد ان هذه الاعراض زالت ان شاء الله

اشكركم من كل قلبي على التفاعل ... اختي ملكة السكوت ... كل انواع الفحوصات والتحاليل والاشعات عملتها .. لو تتابعين مشاركاتي راح تعرفين هالشي ...خخخ ولا بين اي مرض عضوي ... يعني حالتي نفسيه 100% واعراضي الجسديه نتاج المشكله النفسيه ... اكلي منظمه من اول نوبه ... بس نومي مشكله .لييييش؟؟ خخخ لان فيني ارق فما اقدر انام مبكرا .. والارق نتيجة القلق والقلق من النوبات والنوبات من الافكار والافكار تأتي لوحدها بدون مقدمات والله يعييين

الله يعينك أخي كل مشكلتنا بهاالاأفكار اللي تجينا ما ندري من وين بس على حسب علمي ممكن تكون مرتبطة الماضي يعني ممكن تكون انت صغير وماك متذكر الأمور اللي واجهتكوهاذا يدخل بالعقل اللاواعي هو اللي يكون مسؤول على هالشيء وهاالافكار والله أعلم
بس اسلوب الاسترخاء جد مفيد للتخلص من هالأفكار
والله يعينا ويشافينا يا رب

نعم اختي ملكة السكوت .... بالنسبة للماضي آآآآآآآآآآخ وما ادراك ما الماضي ... مضيي مليئ جدا بالمشاكل النفسيه ... واتوقع هذي نتيجة تراكم هذه المشكلات وظهرت مره وحده ... الله يشافي الجمييع

يارب رحمتك انا اعاني من الموت فكل خطوة اقدم عليها اقول اكيد بموت والا ماكان عملت كذا فقدت طعم الحياة فصرت جسد بلا روح وغير الاعراض الجسدية
اريد حلا لارجع مثل اول

دامك ماتاخذ علاج
الاعراض طبيعية جداً
وشكل النوبات في اوجها عندك ومسويه لك اضطراب
واكتئاب وقلق
والاشياء هذي تزول باذن الله
بس انت حاول تتناسى الموضوع وتندمج بالمجتمع
وتقرا الاذكار والقرآن والرقيه
وماقدامك الا العافية